Yuhwana 7:32 - Hdi

³² Ka sniŋtá la *Farisa ta tsa skwi ta mnə mnduha makɗekmakɗek ta ghəŋa *Yesu ya. Ka ghunaftá la mali ta ghəŋa gwal dra skwi ŋa Lazglafta, nda la Farisa ta gwal ngha həga Lazglafta da ksa Yesu.

Yuhwana 7:32 Mawu Ofanana

Mata 12:14

Ka gi gazlagaptá la *Farisa, ka laghu dzrəku ŋa zba tvi ŋa zaɗiŋtá Yesu.

Mata 23:13

« Ɗaŋwa ŋa ghuni gwal tagha zlahu ŋa mnduha, nda la *Farisa. Tsa maɗgwirmaɗgwira ghuni ya. Mbaɗa ka kuni ka hanaftá tgha ga mghama Lazglafta ta mnduha. Lam a vərɗa kaghuni wu, zlanaŋ a kuni ta tvi ta gwal ta kuma lami guli wa.

Mata 26:58

Mbaɗa *Piyer ka dzaʼa ta hula ni ta hula ni, ha ka lami da daɓa həga ga tsa mali ta ghəŋa gwal dra skwi ŋa Lazglafta ya. Ka nzamtá tsi mataba la kwalva ka nghay ka kinawu kɗavakta ni.

Yuhwana 11:46

Ka sliʼaftá sanlaha mataba taŋ, ka laghu slanaghatá la *Farisa, ka rusanaftá skwi maga Yesu ta həŋ.

Yuhwana 12:19

« A haɗ sana skwi dzaʼa magata mu ya na! Nghawa ɓa ta inda mnduha ta dzaʼa mista ni, » ka la *Farisa mataba taŋ.

Yuhwana 18:3

Ka hlanaftá la mali ta ghəŋa gwal dra skwi ŋa Lazglafta, nda la *Farisa ta sludziha, nda gwal ta ngha həga Lazglafta, ta Zudas. Ka sliʼaftá həŋ nda huzla vulu nda huzla vulu, nda pelapela nda pelapela, nda pinatá vu nda pinatá vu. Ka lagha həŋ da tsa gam ya.

Yuhwana 7:30

Kamkamkam, ka sanlaha ka kuma ksay. Sew haɗ ya ta faftá dzvu tida wu, kabga ta sagha a fitika ni karaku wa.

Slna gwal ghunay 5:26

Ka sliʼafta tsa mali ta ghəŋa gwal ngha həga Lazglafta ya kawadaga nda sludziha ni, ŋa hlakta həŋ. Ka mbraku mbrakwa a hlakta həŋ ta həŋ tama wu, kabga ta zləŋay həŋ ta zləzlərtsata mnduha ta həŋ.

1Sam 19:20

Ka ghunaftá Sawulu ta gwal ghunay ŋa ksaftá Dawuda. Ka nghaŋta həŋ ta tskatá la anabi ta kla lwa Lazglafta, Samuyel ta klanatá kəma ta həŋ. Ka saha Sulkuma Lazglafta suw ta tsa gwal ghunaf Sawulu ya, ka lam hahəŋ da kla lwa Lazglafta guli.