Yuhwana 7:31 - Hdi

³¹ « Baɗu saghar Kristi ní, dzaʼa magay ta mazəmzəm ka malaghutá ŋa na mndu na ri? » ka ndəghata sanlaha ma mnduha mataba tsa dəmga ya.

Yuhwana 7:31 Mawu Ofanana

Mata 12:23

« Zlah zwaŋa Dawuda a na mndu na wu re? » ka mnduha ka ndərmimay.

Lukwa 8:13

Sanlaha ma mnduha guli ná, manda kluluh rkaf hulfa tida həŋ, snaŋta taŋ ta gwaɗa Lazglafta, gi zlghafta taŋ nda rfu, ama haɗ həŋ ta zlaŋtá vli ŋa dzugwamta tsa gwaɗa ya ta slrəŋ ma ŋuɗufa taŋ wa. Ka dzəghaŋ dzəgha skwi ta həŋ, gi suwak zlaŋta taŋ ta zlghay nda ŋuɗufa taŋ.

Yuhwana 11:45

Mataba tsa la *Yahuda si ta lagha da zgwa Mari ya ná, nda ndəgha sanlaha ta zlghaftá *Yesu nghaŋər həŋ ta skwi maga tsi.

Yuhwana 12:11

kabga nda ndəgha la Yahuda ta sliʼapta mataba taŋ ka laghu da zlghaftá Yesu ta ghəŋa gwaɗa ta Lazar.

Yuhwana 12:42

Ma va tsaya ná, mamu ndəghata la mali ta ghəŋa la *Yahuda ta zlghaftá Yesu. Ama ka kwalaghutá həŋ ta maraŋtá ghəŋa taŋ, kabga zləŋa gwaɗa da la *Farisa, da taliŋtá lu ta həŋ ma həga tagha skwa taŋ.

Yuhwana 2:11

Tsaya taŋtaŋa mazəmzəm maga Yesu ma luwa Kana ta haɗika Galili. Mantsa ya maraŋta tsi ta glakwa ni. Ka faftá duhwalha ni ta ghəŋ tida.

Yuhwana 3:2

Ka sliʼaftá tsi nda rviɗik ka lagha slanaghatá *Yesu. Kaʼa nda tsi mantsa: « Maləma ɗa! Nda sna ŋni kazlay: Mnda tagha skwi ta saha daga da Lazglafta kagha kəʼa, kabga haɗ mndu ta laviŋtá maga tsa mazəmzəmha ta mag kagha ya, ka haɗ Lazglafta kawadaga nda tsi wu, » kaʼa.

Yuhwana 4:29

Kaʼa mantsa: « Sawa ngha mndu ta mnihatá inda skwiha maga yu ɓa, zlah Kristi na mndu na? » kaʼa.

Yuhwana 4:39

Nda ndəgha la Samari ma tsa luwa taŋ ya ta zlghaftá Yesu ta ghəŋa tsa gwaɗa mna tsa marakw ya ta mnay kazlay: Ka mnihatá tsi ta inda skwiha maga yu kəʼa ya.

Yuhwana 6:2

Ka sliʼaftá dəmga rutut mista ni nghər həŋ ta mazəmzəm, ka mbamba gwal kul ɗughwanaku.

Yuhwana 7:26

Ngha ɓa ta platá vgha ni ta gwaɗa, gwaɗanaf a lu wa. Ari tsatsaf tsatsa a maliha mu kazlay: *Kristi na mndu na kəʼa Kana?

Yuhwana 9:16

Ka dgavaptá la Farisa his gamndər. « Mnda Lazglafta a tsa mndu ya wu kabga sna a ta skwi ta mnə zlaha Sabat wu, » ka sanlaha. « Waká mnda dmaku dzaʼa maga mndərga tsaha ya ma mazəmzəm na? » ka sanlaha, ka həŋ ta ghəŋa ni.

Slna gwal ghunay 8:13

Va tsa Simuŋ ya guli, ka zlghaftá tsatsi, ka maganaftá lu ta batem. Ka ndiʼanavatá tsi ta vgha ta Filip, ka nghə tsi ta mandərmimiha nda mazəmzəmha ta mag Filip ya, ka ndərmim tsi.

Yakubu 2:26

Tsaya tama, ka haɗ hafu ma sluʼuvgha ná, nda mta nzakwa ni, manda va tsaya zlghay nda ŋuɗuf guli, ka haɗ slna ni wu ná, nda mta nzakwa ni guli.