Yuhwana 5:17 - Hdi

¹⁷ Ka Yesu nda həŋ mantsa: « Tata maga slna Da ɗa kulam ndanana, mantsa iʼi guli, tata maga slna yu kulam ndanana, » kaʼa.

Yuhwana 5:17 Mawu Ofanana

Mata 10:29

Haɗ lu ta skwaptá tiyti his ta kwaɓu ra? Kulam nda tsa ná, haɗ ya dər turtuk ma həŋ dzaʼa zaɗavaghuta kul ɗvaftá Da ghuni wa.

Yuhwana 10:36

Iʼi, Da ta zbaptá iʼi, ka ghunigihata ta ghəŋa haɗik, waká kuni dzaʼa mnay kazlay: Ta kwara kwara ka kəʼa kabga mnay ɗa kazlay: Zwaŋa Lazglafta yu kəʼa?

Yuhwana 14:10

Zlghaf a ka kazlay: Ta nzaku ma Da iʼi, Da guli ta nzaku ma iʼi kəʼa ra? Nana gwaɗaha ta mnaghunata yu na ná, ma ghəŋa ɗa a ta klaʼata yu wa. Tsa Da ta nzaku ma iʼi ya ta maga tsa slnaha ya.

Yuhwana 5:16

Tsaya kəl la mali ma la Yahuda ka zba htsiŋa Yesu, kabga magata ni ta tsa skwi ya baɗu Sabat.

Yuhwana 5:18

Ta ghəŋa tsa gwaɗa gwaɗa tsi ya, ka zbəgəlta la mali mataba la Yahuda ta Yesu ŋa dzata. Ta ghəŋa vəl ɓlanapta ni ta zlaha Sabat kweŋkweŋ a ta zba həŋ wu, kabga mnay ni kazlay: Vərɗa Lazglafta na Da ɗa kəʼa ta gra ghəŋa ni nda Lazglafta guli ya.

Yuhwana 9:4

Ta ka fitik vəl na ná, magama maga ta slna mndu ya ta ghunigihata. Wana vli dzaʼa kuzuta ŋa kwal kul laviŋta ksəgəltá slna.

Slna gwal ghunay 14:17

Aŋ mndani, ta kwalaghu a Lazglafta ta maraŋtá ghəŋa ni nda maga zɗaku wa. Ta nzəgaghuna nza ta imi daga ta luwa, ta magaku skwi ma vwaha ghuni, ta hasl nda hasla kuni ta skwa zay, ta taku ŋuɗufa ghuni da rfu, » ka həŋ.

Slna gwal ghunay 17:28

Əŋkaʼ a ka tsatsi ta kəl mu ka nzaku nda hafu, dər ta kəl mu ka gigɗavata, dər ta kəl mu ka nzaku. Mantsa ya mnata gwal fa laha mataba ghuni guli: “Kahwathwata mndəra taŋ amu guli,” ka həŋ.

1Kwa 12:6

Ta traku tva magay mnduha ta slnaha kavghakavgha, ama va tsa Lazglafta turtuk ta maga inda ni ma inda mndu.

Kwalus 1:16

Ma tsatsi zlaganapta Lazglafta ta inda skwi ta luwa nda ya ta haɗik, skwiha nghaŋ lu nda ya kul nghaŋtá lu, gwal nda mbra nda mbra nda gwal ga mgham, nda gwal dagala dagala. Inda tsaha ya ná, nda tsatsi tsafta lu, ŋa ni tsafta lu guli.

1Tes 2:13

Ta gɗa gɗa ŋni ta rfa Lazglafta guli, kabga ma fitika mnaghunata ŋni ta gwaɗa Lazglafta ná, tsuʼaf tsuʼa kuni, ka zlghafta manda va gwaɗa gwaɗagap Lazglafta, manda ya gwaɗagap mnduha a wa. Manda va tsaya nzakwa ni kahwathwata, sagha da Lazglafta tsa gwaɗa ya, ka ksə tsi ta slna ma kaghuni ta zlghafta ya.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.