Yuhwana 5:15 - Hdi

¹⁵ Ka sliʼaftá tsa mndu ya, ka laghu da mnay ŋa la mali ma la Yahuda kazlay: Yesu tsa mndu ta mbiɗifta ya kay kəʼa.

Yuhwana 5:15 Mawu Ofanana

Yuhwana 4:29

Kaʼa mantsa: « Sawa ngha mndu ta mnihatá inda skwiha maga yu ɓa, zlah Kristi na mndu na? » kaʼa.

Yuhwana 9:34

Ka həŋ nda tsi mantsa: « Kagha yaga lu ka dmaku dzeʼdzeʼ guli ná, ka taghəgəltá skwi ŋa ŋni, » ka həŋ, ka ghəzlagapta ma həga tagha skwa taŋ.

Yuhwana 9:30

Ka tsa mndu ya mantsa: « Wanawa mandərmimi kay tama! Sna a kuni ta vli ka ga sagha tsi wu? Wana guniha guna ta ira iʼi taɗa tsa.

Yuhwana 9:25

Ka tsa mndu ya mantsa: « Ka mnda dmaku tsi, ka mnda dmaku a tsi wu, sna a iʼi wa. Skwi turtuk ya snaŋ iʼi ná, si nda ghulpa yu, ndanana nda ngha yu ta vli tsiɗiɗ, » kaʼa nda həŋ.

Yuhwana 9:15

Ka ɗawgəltá la Farisa da tsi kəʼa magaku kəl tsi ka nghaŋtá vli. Kaʼa mantsa: « Haɗik hwaɗa a tsi, ka masaɗifta ta kwapaya iriha ɗa. Ka mbaziŋta yu ta kuma ɗa, kəl yu ka nghaŋtá vli, » kaʼa nda həŋ.

Yuhwana 5:12

« Wa tsa mndu ta mnaghata kazlay: Kla ta skwa hana gha ka sliʼa ka kəʼa ya na? » ka həŋ ɗawaŋta da tsi.

Yuhwana 1:19

Wya gwaɗa mna Yuhwana ma ghunadaghata gwal dagala dagala ma la *Yahuda ma Ursalima ta gwal dra skwi ŋa Lazglafta, nda la *Levi. Ka lagha həŋ da ɗawaŋta da tsi: « Wa kagha na? » ka həŋ.

Markus 1:45

Ama ka sliʼaftá tsatsi, ka laghu tay ma luwa, ka tutá tsi wdiɗ. Kabga tsa, ka pyaftá tsa gwaɗa ya ta Yesu ka lam da luwa baŋluwa. Ama ka nzaghutá tsi ta wa mazawa. Kulam nda tsa, ka sliʼadaghatá mnduha dər ndiga ndiga da slanaghata hada.

Yuhwana 5:10

Ka la mali ma la Yahuda nda tsa mndu mbanaf lu ya mantsa: « Sabat a vli gita kay ra? Wa ta mnaghatá kla skwa hana gha na? » ka həŋ.

Yuhwana 5:16

Tsaya kəl la mali ma la Yahuda ka zba htsiŋa Yesu, kabga magata ni ta tsa skwi ya baɗu Sabat.

Yuhwana 5:18

Ta ghəŋa tsa gwaɗa gwaɗa tsi ya, ka zbəgəlta la mali mataba la Yahuda ta Yesu ŋa dzata. Ta ghəŋa vəl ɓlanapta ni ta zlaha Sabat kweŋkweŋ a ta zba həŋ wu, kabga mnay ni kazlay: Vərɗa Lazglafta na Da ɗa kəʼa ta gra ghəŋa ni nda Lazglafta guli ya.