Yuhwana 4:48 - Hdi

⁴⁸ Ka Yesu nda tsi mantsa: « Ka ta ngha a kaghuni ta mazəmzəm nda skwa ndərmimay wu ná, zlgha a kaghuni kay tama wa! » kaʼa.

Yuhwana 4:48 Mawu Ofanana

Yuhwana 20:29

« Zlray gha ta zlghaftá tsa ɓa kabga nghaŋta gha ta iʼi? Rfu da gwal ta zlghaftá iʼi, kul nghaŋtá həŋ ta iʼi, » ka Yesu nda tsi.

Hebru 2:4

Ka ŋlanaghatá Lazglafta ka ghəŋa ni guli ta tsa gwaɗa taŋ ya, nda ma maga ŋizlaha, nda ma skwiha ka mandərmimi, nda mazəmzəmha kavghakavgha. Dəganafha Sulkum nda ghuɓa ta slna ta mnduha ŋa maga skwiha kavghakavgha manda ya kumaŋ tsi guli.

1Kwa 1:22

Má maraŋna mara lu ta skwi ka mazəmzəm, kada grafta ŋni ka la *Yahuda nda ŋa taŋ. Tsa skwi mnaŋna ɗifila ŋni ya ŋa aŋni ta snay, ka la *Grek nda ŋa taŋ.

Danyel 4:2

Ma sana rviɗik tama, ta hanuta hana ɗa yu ta ghəzləŋa ɗa, ka faɗighata sana suni ta vlihatá zləŋ. Tsa skwi nghaŋ yu ya ná, kɓiɗif kɓa katakata.

Slna gwal ghunay 2:22

« Mnduha la Israʼila, snawa ta skwi dzaʼa mnaghunata yu: *Yesu mnda la Nazaret na tsa mndu maraghunaŋ Lazglafta ta ga Mghama ni, ma magay ni ta mandərmimi, nda ŋizla mazəmzəmha kavghakavgha mataba ghuni, manda va ya snaŋ vərɗa kaghuni ya.

Yuhwana 12:37

Kulam nda tsa mazəmzəmha mamaga tsi ta wa ira taŋ ya, ka kwalaghutá həŋ ta zlghafta.

2Kwa 12:12

Ŋizla ta maraŋtá nzakwa ɗa ka mnda ghunay ná, nda ngha kuni ta ksa ŋuɗuf ksə yu, nda ngha kuni ta mandərmimi nda mazəmzəm nda ndəghata sanlaha ma skwi ma fitika nzakwa ɗa da kaghuni.

La Ruma 15:19

Nda ya nda ma mazəmzəmha nda mandərmimiha, nda mbrakwa Sulkuma Lazglafta magata tsi. Zlraf ma luwa Ursalima yu ta tuza tsa *Lfiɗa Gwaɗa ta Kristi ya ka laghu dikw ta haɗika Iliri.

Slna gwal ghunay 14:3

Kulam nda tsa, ka nzəɗavatá i Pwal nda Barnabas ma tsa luwa Ikwaniya ya. Ka mnə həŋ ta gwaɗa Lazglafta ka ŋɗaŋɗa nda fatá ghəŋ dar ta Mgham Lazglafta. Vərɗa gwaɗa tsa gwaɗa ya, ka Mgham Lazglafta nda həŋ nda ma vlaŋta ni ta mbrakwa maga mazəmzəm, nda mandərmimi ta həŋ.

Markus 13:22

kabga dzaʼa sliʼagagha sliʼa ghwaɗaka la krista nda ghwaɗaka anabiha. Dzaʼa magay həŋ ta ŋizla sana skwiha nda mazəmzəmha ŋa nana ɗagata mnduha Lazglafta, ka má ta magaku tsi.

Mata 24:24

Ya dzaʼa sliʼagagha sliʼa ghwaɗaka krista nda ghwaɗaka anabiha, ŋa magay taŋ ta skwa mandərmimiha nda mazəmzəmha katakata ŋa nana mndu, ka ta magaku tsi, nda gwal ɗagap Lazglafta tani.

Slna gwal ghunay 2:43

Ka zləŋ inda mnduha ta zləŋ, kabga nda ndəgha mandərmimi nda mazəmzəmha ta magata Lazglafta nda ma gwal ghunay.

Yuhwana 2:18

« Mndərga wati ma mazəmzəm dzaʼa ka magata, ŋa maraŋtá skwi kəl ka ka maga mndəra skwi manda na na? » ka la Yahuda zlraftá gwaɗa nda tsi.

Lukwa 16:31

“Ka va a həŋ ta sna tsa zlaha Musa nda tsa gwaɗaha la anabi ya wu katsi, dər ki sliʼafta mndu da gwal nda rwa ka lagha slanaghatá həŋ, haɗ fitik dzaʼa snata həŋ wu, ka Abraham nda tsi,” » kaʼa.

Mbsak 14:11

Ka Yawe nda Musa mantsa: « Ha ŋa yawu dzaʼa gɗata na mnduha na ta hərtətatá iʼi na? Ha ŋa yawu dzaʼa gɗata həŋ ta kwalaghuta faftá ghəŋ ta iʼi, kulam nda inda ŋizlaha maraŋ yu mataba taŋ na?

2Tes 2:9

Nda mbrakwa halaway dzaʼa saba tsa ghwaɗaka mndu ya, ŋa magay ni ta inda mazəmzəmha, nda inda skwi ya ta ndrakawu lu nda ndrakawa, nda inda mandərmimi ŋa nana mnduha.

Slna gwal ghunay 15:12

Sew, ka tsa tskatá vgha ya nzata. Ka zlraftá i Barnabas nda Pwal ta rusa mazəmzəmha nda skwa mandərmimi maga Lazglafta nda ma hahəŋ mataba gwal kul nzakway ka la Yahuda.

Slna gwal ghunay 7:36

Tsa Musa ya ta hlagaptá zwana la Israʼila, nda maga mazəmzəm nda skwa ndərmimay ma haɗika Masar, nda ya ma drəfa Dva, nda ya ma mtak, ka zatá həŋ ta vaku fwaɗ mbsak ta tvi ma mtak.

Slna gwal ghunay 6:8

Ka zɗanaŋtá Lazglafta ta huɗi ta Atiyen, ka vlaŋtá mbraku, ka mag tsi ta mazəmzəmha nda skwiha ka mandərmimi mataba mnduha.

Slna gwal ghunay 5:12

Nda ndəgha mazəmzəm nda mandərmimi maga gwal ghunay mataba mnduha. Snu sna gwal zlghay nda ŋuɗuf ta tskavata kawadaga ma rmaka həga Lazglafta ta hgə lu ka rmaka Salumuŋ.

Slna gwal ghunay 4:30

Maraŋ mbrakwa gha, mbamba ta gwal kul ɗughwanaku, maga ta mazəmzəmha, nda mandərmimi nda hga Yesu kwalva gha ya nda ghuɓa, » ka həŋ.

Slna gwal ghunay 2:19

Dzaʼa magay yu ta skwa mandərmimi ma ghuvaŋata luwa, nda ŋizla mazəmzəmha ta haɗik. Dzaʼa mamu us, dzaʼa mamu vu nda ɗukwakwa ɗiŋ,

Yuhwana 15:24

Ka má maga a yu mataba taŋ ta slnaha ya kul walaŋtá sani ma mndu ta magata wu katsi, má haɗ dmakwa taŋ wa. Ndanana, nda ngha həŋ ta slnaha ɗa, ka husaŋtá yu ta həŋ nda Da ɗa tani.

Lukwa 10:18

Ka Yesu nda həŋ mantsa: « Nda ngha yu ta halaway ta dəɗagata ta luwa manda wuɗakwa luwa.

Mata 27:42

« Mbanafha ta sanlaha ná, triɗ trapta ma mbanafta ghəŋa ni. Ka si mghama la Israʼila tsi ya ní, ka sasa tsi ta na udza zləŋay na kada grafta mu.

Mata 16:1

Ka sliʼadaghatá la *Farisa nda la *Sadukiya slanaghatá *Yesu. « Maraŋna mara ta ŋizla ya ta saha daga ta luwa, » ka həŋ ɗawaŋta da tsi ŋa dzəghay.

Danyel 6:27

Wya zlahu ta mnata yu: Ma inda vli ta gə yu ta mgham ta ghəŋa ni, inda mndu, ka zləŋa tsi ta Lazglafta Danyel, ka vla tsi guli ta glaku ŋa ni. Tsatsi Lazglafta nda hafu mida, ŋa kɗekedzeŋ nzatá nzakwa tsatsi. Haɗ ga mghama ni ta ɓadzaku wu, haɗ kɗavakta mbrakwa ni wa.

Yuhwana 4:49

Ka tsa mndu ta maga slna ga mgham ya nda tsi mantsa: « Mghama ɗa! Mbaɗa ma kɗaku zwaŋa ɗa mtuta, » ka nda tsi.