Yuhwana 4:42 - Hdi

⁴² « Zlghaf zlgha aŋni ndanana tama makwa na, kabga gwaɗa gha mna ka yeya a wa. Nda sna vərɗa aŋni nda sləməŋa ŋni. Graf gra ŋni kahwathwata kazlay: Na mndu na ná, mnda mba mnduha ta ghəŋa haɗik ya kəʼa. »

Yuhwana 4:42 Mawu Ofanana

Mata 1:21

Zwaŋa zgun dzaʼa tsi yatá, ŋa tsanaftá gha ta hga ni ka Yesu, kabga tsatsi dzaʼa mbanaftá mnduha ni ma dmakuha taŋ, » kaʼa nda tsi.

Lukwa 2:32

Tsuwaɗak ya ŋa inda mndəra mndu. Tsatsi dzaʼa klaktá glaku ŋa mnduha gha la Israʼila. »

Yuhwana 1:29

Ga mahtsima ni ka nghə Yuhwana ta *Yesu ta sagha da tsi. « Wana zwaŋa tuwaka Lazglafta ta klaghutá dmakwa mnduha.

Yuhwana 11:17

Ta lagha *Yesu ná, mafwaɗa fitika Lazar tsa ma haɗik manda paɗamta.

Yuhwana 17:8

Mnana mna yu ta həŋ ta gwaɗa ya mniha ka, tsuʼaf tsuʼa həŋ. Nda sna həŋ dar kazlay: Daga da kagha sagha yu kəʼa, zlghaf zlgha həŋ guli kazlay: Kagha ta ghunigihata kəʼa.

Yuhwana 4:29

Kaʼa mantsa: « Sawa ngha mndu ta mnihatá inda skwiha maga yu ɓa, zlah Kristi na mndu na? » kaʼa.

Yuhwana 4:41

Ka sgavaghatá ndəghata mnduha ta zlghaftá Yesu, kabga Yesu ka ghəŋa ni ta mna gwaɗa ni ŋa taŋ.

Slna gwal ghunay 13:23

Nda ma zivira Dawuda kləganaghata Lazglafta ta la Israʼila, ta mnda mba mndu, ta nzakway ka *Yesu, manda ya tamaf tsi ta imi ta sləməŋ ya.

Slna gwal ghunay 4:12

Ma tsatsi ta mutsakwa hafu, kabga haɗ sana mndu ta ghəŋa tsatsi vlaga Lazglafta ta ghəŋa haɗik tender ŋa mba amu wu, » kaʼa.

Slna gwal ghunay 5:31

Tsatsi kapanaf Lazglafta ka Mgham ka fata nda ga zeghwa ni, ka mnda mba mndu, ŋa vla tvi ŋa mnduha la Israʼila ŋa mbəɗanafta taŋ ta nzakwa taŋ, ŋa mutsafta taŋ ta platá dmakwa taŋ.

2Kwa 5:19

Skwi ta mnə aŋni ná, Lazglafta ta magatá slna ni nda ma Kristi ŋa slərɓaptá zughu mataba ni nda inda mndu. Ŋəvgla a ta dmakwa mnduha wa. Kəl tsi ka ghunaftá aŋni ŋa dzaʼa mnay ŋa mnduha kazlay: Ta kumay yu ta slərɓapta ɗa ta zughu nda həŋ kəʼa.

1Tim 4:10

Ta ghəŋa tsaya ta kəl mu ka dzatá vgha ka ŋavata ka maga slna, kabga nda fa ghəŋa mu ta Lazglafta ya nda hafu mida. Tsatsi ta nzakway ka mnda mba inda mndu, katkatatani gwal zlghay nda ŋuɗuf.

1 Yuhwana 2:2

Tsatsi ta mtuta ŋa pla ghəŋ kada plimista Lazglafta ta dmakuha mu. Nza a ŋa pla dmakuha amu nda ghəŋa mu wu, laviŋ lava ta pla dmakwa inda mnduha ta ghəŋa haɗik demdem guli.

1 Yuhwana 4:14

Ghunaga ghuna Lazglafta ta zwaŋa ni ta nzakway ka mnda mba mndu ta ghəŋa haɗik, ka nghaŋtá aŋni nda ira ŋni, tsaya ta mnə aŋni ŋa mnduha.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.