Yuhwana 4:14 - Hdi

¹⁴ ama mndu dzaʼa sa na imi dzaʼa vlaŋta yu na ná, walglaŋta a ndala ta kuzlaŋta wa. Tsa imi dzaʼa vlaŋta yu ya ná, dzaʼa nuna ka dzuɓay, ŋa mbəzagapta hafu ŋa kɗekedzeŋ mida, » ka Yesu nda tsi.

Yuhwana 4:14 Mawu Ofanana

La Levi 11:36

Nziya nza tsi, ka dɗam dɗa mbla sani ma tsa skwiha ya da dzuɓay, ka vavrəm a tsi, nda nza tsa imi ya kul tsaɗ lu, ama mndu dzaʼa ksaŋtá mbla tsa skwi ya ná, nda nza ka mndu nda skwa tsaɗa tida.

Mata 25:46

Ŋa sliʼa tsaha ya da vla ghuya ɗaŋwa ŋa kɗekedzeŋ, ta sliʼi gwal ta snatá gwaɗa Lazglafta da vla hafu ŋa kɗekedzeŋ guli, » kaʼa.

Mata 5:6

Rfu da gwal ta dzə maya nda ndala maga skwi ta kum Lazglafta ta həŋ, kabga dzaʼa baghaku həŋ.

Yuhwana 10:10

Mndu ta ghali ná, ghali ŋa ni ta sagha da ghalay, ŋa dzata, ŋa zaɗanata. Iʼi ná, sagha sa yu ŋa mutsafta mnduha ta hafu ka haslay, ŋa nzakwa taŋ kul haɗ sana skwi ta pɗugudunustá həŋ.

Yuhwana 11:26

Dər wati ma mndu ka ta ndiri tsi ta zlghaftá iʼi haɗ dzaʼa mtuta ɗekɗek wa. Zlghaf zlgha ka ta tsa? » ka Yesu nda tsi.

Yuhwana 4:10

Ka Yesu mantsa: « Ka má nda sna ka ta skwi ta kum Lazglafta ta vlaghata, nda mndu ya ta ɗawa imi ŋa say da kagha katsi ná, má kagha má dzaʼa ɗawa imi ŋa say, má ŋa vlaghatani ta imi ta vla hafu, » kaʼa nda tsi.

Yuhwana 4:11

Ka tsa marakw ya nda tsi mantsa: « Mghama ɗa! wana haɗ skwi ŋa tagafta da kagha wu, nda la na vavrəm na guli, ga dzaʼa mutsa ka ta tsa imi ta vla hafu ya na?

Yuhwana 4:13

Ka Yesu nda tsi mantsa: « Dər wati ma mndu ta sa na imi na ná, ta dzaʼa kuzlaŋ kuzla ndala,

Yuhwana 4:36

Mndu ta tska nimaya ta vwah ná, ta mutsay ta nisəla ni, ŋa tskanatani ta hulfa ni ŋa hafu ŋa kɗekedzeŋ. Mantsa ya, ŋa rfay mndu ta sləgafta nda mndu ta tskata ta rfu kawadaga.

Yuhwana 6:27

Ma ksə kuni ta slna ŋa skwa zay dzaʼa ɓadzuta. Ŋavawa ŋa ka maga slna ŋa skwa zay ta nzəɗavata dzaʼa vlaghunatá hafu ŋa kɗekedzeŋ. Tsa skwa zay ya ná, *Zwaŋa mndu dzaʼa vlaghunata, kabga ta tsatsi thafta Da ta ŋizla vlaŋta ni ta mbraku, » kaʼa nda həŋ.

Yuhwana 6:35

Ka Yesu nda həŋ mantsa: « Iʼi buradi ta vla hafu. Ka sagha sa mndu da iʼi, walglaŋta a maya ta kuzlaŋta wa. Ka zlghaf zlgha mndu ta iʼi, walglaŋta a ndala ta kuzlaŋta wa.

Yuhwana 6:58

Wana buradi ta saha daga ta luwa hadna. Nza a manda ŋa dzidzíha ghuni ta zutá manna ka rwutá həŋ ya wa. Mndu ta za na buradi na ná, dzaʼa nza nza nda hafu ŋa kɗekedzeŋ, » ka Yesu nda həŋ.

Yuhwana 7:37

Baɗu kɗavakta fitika tsa skalu ta nzakway ka mghama fitik ya, ka sliʼaftá *Yesu ka sladata, ka gwaɗata nda lwi dagala. Kaʼa mantsa: « Ka ta kuzlaŋ kuzla ndala ta mndu, ka sawi tsi da iʼi da sa imi.

La Ruma 5:21

Manda va nzakwa gay dmaku ta mgham nda ma mtaku ya ná, manda va tsaya ta ga zɗakatahuɗa Lazglafta ta mgham nda ma nzaku tɗukwa ŋa mutsa hafu ŋa kɗekedzeŋ nda ma Yesu Kristi Mghama mu.

La Ruma 6:23

Manda va tsaya ná, ka ta ga dmaku mndu, nisəla ni ná mtaku ya. Ama skwi ka mbalay ta mutsu lu da Lazglafta ná, hafu ŋa kɗekedzeŋ ya ma ndiʼatá vgha mu nda *Yesu *Kristi Mghama mu.

2Kwa 1:22

ka tahamaftá tsi ta ŋizla ŋa maraŋtá kazlay: Ŋa ni amu kəʼa. Tsaya ta nzakway ka Sulkum nda ghuɓa famam tsi ma ŋuɗufa mu ŋa gramaftá skwiha ɗina ɗina dzaʼa tsi magay ŋa mu dazlay.

Afisus 4:30

Yaha kuni ŋranaftá ŋuɗuf ta Sulkum nda ghuɓa ya vlaghuna Lazglafta. Tsa Sulkum nda ghuɓa ya ná, ŋizla nzakwa ghuni ka ŋa Lazglafta ya. Ta nzata ta vata kaghuni tsa Sulkum ya ha ka sagha tsa fitik dzaʼa kəl Lazglafta ka varatá kaghuni ɗekɗek ya.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

Suna Yuhwana 7:16

Haɗ maya nda ndala dzaʼa kuzləglaŋta həŋ wa. Haɗ fitik nda vis dzaʼa dzəgəlta həŋ guli wa,

Suna Yuhwana 7:17

kabga tsa Zwaŋa Tuwak ma takataka tsa dughuruk ya dzaʼa ngha həŋ, ŋa hlay ni ta həŋ ta dzuɓaya ima hafu, ŋa masanapta Lazglafta ta inda ima taw ma ira ta həŋ. »