Yuhwana 3:5 - Hdi

⁵ Ka Yesu mantsa: « Kahwathwata ka yu ta mnaghata, ka ya a lu ta mndu nda imi nda Sulkum wu katsi, laviŋ a ta walaŋtá lami da ga mghama Lazglafta wa.

Yuhwana 3:5 Mawu Ofanana

Mata 18:3

Kaʼa mantsa: « Kahwathwata ka yu ta mnaghunata, ka mbəɗanaf a kuni ta nzakwa ghuni, ka nuta ghuni manda zwani kwitikw kwitikw wu katsi ná, haɗ kuni dzaʼa lami da ga mghama Lazglafta wa.

Mata 19:24

Ka yu ta vrəgliŋtá mnaghunata na: Ta dər laba ŋalibwa nda ta ghuruma lipir, ka lama mndu ta faftá ghəŋa ni ta gadghəl da ga mghama Lazglafta, » kaʼa.

Mata 21:31

Wati mataba tsa zwani his ya, ta magata skwi ya kum da taŋ ná? » ka Yesu nda həŋ. « Tsa taŋtaŋa ya ya, » ka həŋ. Ka Yesu nda həŋ tama mantsa: « Kahwathwata ka yu ta mnaghunata ná, dzaʼa tiŋlaghu tiŋla gwal tska dzumna nda miʼa hliri ta lami da ga mghama Lazglafta ka kaghuni.

Mata 28:19

Lawa la ta ghəŋa haɗik demdem, ka nanafta kuni ta mnduha ka duhwalha ɗa, ka maganafta kuni ta batem ta həŋ ma hga Da, ma hga Zwaŋ, nda ya ma hga Sulkum nda ghuɓa.

Mata 3:11

Iʼi ná, nda imi ta magaghunafta yu ta batem ŋa maraŋtá ta mbəɗata nzakwa ghuni. Ama tsa mndu ta sagha nda hula ɗa ya ná, mal ŋa ni glaku ka ŋa ɗa. Slaghu a yu dər ŋa hlaptá ɓaɓah ma səla ni wa. Tsatsi ná, dzaʼa magaghunaf maga ta batem nda Sulkum nda ghuɓa nda ya nda vu.

Mata 5:20

Kahwathwata ka yu ta mnaghunata: Ka malaghu mala a kaghuni ta snatá zlahu ka gwal tagha zlahu ŋa mnduha nda la *Farisa wu katsi ná, haɗ kuni dzaʼa walaŋtá lami da ga mghama Lazglafta wa. »

Markus 10:14

Ka nghə Yesu ta tsa skwi ta mag həŋ ya ná, zɗəgana a wu, ka kuzlanaftá tsi ta ŋuɗuf. « Zlaŋwa zla ta zwani kwitikw kwitikw ka sagha həŋ da iʼi, ma pyə kuni ta həŋ, kabga ŋa gwal ta gara vgha nda həŋ na ga mghama Lazglafta.

Markus 16:16

Inda mndu dzaʼa zlghafta nda ŋuɗuf, ka maganaftá lu ta batem, dzaʼa mbaku. Ama mndu dzaʼa kwal kul zlghafta, dzaʼa tsanagha tsa Lazglafta ta guma.

Markus 9:47

Ka ira gha turtuk, ta famta kagha kəl ka ka dəɗamta da dmaku katsi, tsakwasliŋ tsakwasla ta tsa iri ya. Ta dər lama ka nda ira gha guzliŋ turtuk da ga mghama Lazglafta, ka nzakwa gha nda ira gha his his, ŋa wuɗamtá kagha da həga vu.

Lukwa 13:24

« Ŋavawa ŋa ka lami nda ta wa tgha slrehwa. Ka yu ta mnaghunata na: Nda ndəgha gwal dzaʼa zba lami nda tida, triɗ ŋa trapta taŋ.

Lukwa 13:3

Malaghu mala a ŋa taŋ wa. Ka mbəɗanaf a kaghuni ta nzakwa ghuni wu katsi, dzaʼa rwu rwa kuni demdem manda hahəŋ.

Lukwa 13:5

Malaghu mala a ŋa taŋ wa. Ka mbəɗanaf a kaghuni ta nzakwa ghuni wu katsi, dzaʼa rwu rwa kaghuni manda hahəŋ guli, » kaʼa.

Yuhwana 1:13

Nza a həŋ ka zwana ni manda ya ta yagata mnda səla, manda ya ta kum mndu a wu, ama sagha da Lazglafta manda ya ta kum tsatsi.

Yuhwana 3:3

« Kahwathwata ka yu ta mnaghata, ka ya a lu ta mndu ka mahis wu katsi, laviŋ a ta nghaŋtá ga mghama Lazglafta wu, » ka Yesu nda tsi.

Yuhwana 3:4

« Waká lu dzaʼa yəglagatá mndu nda ghada halata ni, dzaʼa vrəgladaf vra da huɗa ma ni, ŋa yəglagata ra? » ka Nikwademu nda tsi.

Slna gwal ghunay 2:38

Ka Piyer nda həŋ mantsa: « Mbəɗanafwa mbəɗa ta tva nzakwa ghuni, ka magafta inda kaghuni ta batem ma hga *Yesu *Kristi, ŋa plighunista Lazglafta ta dmakuha ghuni, ŋa vlaghunata ni ta Sulkum nda ghuɓa.

Slna gwal ghunay 3:19

Mbəɗanafwa nzakwa ghuni, ka mbəɗavata kuni təv Lazglafta, ka plighunista tsi ta dmakwa ghuni.

La Ruma 14:17

Tsaya ná, nza a ga mghama Lazglafta ka gwaɗa ta skwi ŋa zay nda za, nda gwaɗa ta skwi ŋa say nda sa wa. Nda nza ŋa gwaɗa ta nzaku tɗukwa, nda zɗaku, nda ya nda nzaku nda rfu nda ma Sulkum nda ghuɓa.

La Ruma 8:2

kabga mbrakwa Sulkum nda ghuɓa ta vlamatá hafu nda ma Yesu Kristi ta ga mgham ta ghəŋa iʼi. Mbrakwa tsa Sulkum nda ghuɓa ya ta klaptá iʼi ma mbrakwa dmaku nda ŋa mtaku tani.

1Kwa 15:50

Zwana ma ɗa, nana skwi ta mnə yu na ná, haɗ sluʼuvgha nda us dzaʼa laviŋtá lami da ga Mgham Lazglafta wa. Haɗ ya ta rwuta dzaʼa za həga ya kul rwuta guli wa.

1Kwa 2:12

Amu ná, Sulkuma na ghəŋa haɗik na a mutsaf amu wu, Sulkum daga da Lazglafta ŋa amu ta mutsafta. Vlama vla Lazglafta ŋa snaŋta mu ta inda skwiha vlama tsi nda zɗakatahuɗa ni.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

Galat 6:15

Tsatá fafaɗ ná, sana skwi a wu, kwal kul tsatá guli ná, sana skwi a wa. Nzata mndu nda hafu vlama Lazglafta, na mali ma skwi.

Afisus 5:26

Mtu mta ta ghəŋa ni, ka ghuɓiŋtá tsi nda imi nda ma gwaɗa ni kada nzakwa tsi hezleʼ.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

1 Piyer 3:21

Tsa imi ya ná, gray nda batem ta mba kaghuni gitana ya. Rɗak ta vgha a ta ghuɓu na batem wa. Magaftá batem ná, vlaŋta mu ta ghəŋa mu ta Lazglafta nda vərɗa ŋuɗufa mu ya. Ndana guli, ta mbay batem ta kaghuni nda ma sliʼagapta Yesu Kristi ma mtaku.

1 Yuhwana 2:29

Ka si nda sna kuni kazlay: Tɗukwa mndu *Yesu *Kristi kəʼa, nda ra guli ka snaŋta ghuni kazlay: Gwal ta maga skwi tɗukwa ná, zwana Lazglafta həŋ kəʼa.

1 Yuhwana 5:1

Dər wati ma mndu ta zlghaftá mnay kazlay: *Yesu ná, *Kristi ya kəʼa, tsa mndu ya ná, nda na ka Zwaŋa Lazglafta. Ka ɗvu ɗva tsa mndu ya ta Da ni Lazglafta katsi ná, dzaʼa ɗvu ɗva guli ta zwana Lazglafta.