Yuhwana 3:36 - Hdi

³⁶ Mndu ta zlghaftá tsa Zwaŋ ya mutsaf mutsa ta hafu. Mndu ta kwalaghutá zlghaftá tsa zwaŋ ya mutsafta a ta tsa hafu ya wa. Ta ghəŋa ɓasa ŋuɗufa Lazglafta yeya ta nzaku ta ghəŋa ni, » kaʼa.

Yuhwana 3:36 Mawu Ofanana

Mbsak 32:11

“Kadzeŋkadzeŋ, na mnduha ta safi ma Masar, gwal sliʼafta ni ta imi hisambsak ka laghwi ta kəma, haɗ həŋ dzaʼa nghaŋtá tsa haɗik tanaf yu ta imi ta sləməŋ ta i Abraham nda Izak, nda Yakubu ya wu, kabga dgaŋ dga həŋ ta ghəŋ ka dzaʼa mista ɗa!

Mata 25:46

Ŋa sliʼa tsaha ya da vla ghuya ɗaŋwa ŋa kɗekedzeŋ, ta sliʼi gwal ta snatá gwaɗa Lazglafta da vla hafu ŋa kɗekedzeŋ guli, » kaʼa.

Markus 16:16

Inda mndu dzaʼa zlghafta nda ŋuɗuf, ka maganaftá lu ta batem, dzaʼa mbaku. Ama mndu dzaʼa kwal kul zlghafta, dzaʼa tsanagha tsa Lazglafta ta guma.

Lukwa 2:30

kabga nda ngha yu nda ira ɗa ta mbaku vla ka,

Lukwa 3:6

ŋa nghaŋta inda mnda səla ta mbaku da Lazglafta. »

Yuhwana 1:12

Lagha gwal ta tsuʼafta, ka zlghaftá hga ni. Ŋa tsaha ya, ka vlaŋtá tsi ta həŋ ta mbrakwa nzaku ka zwana Lazglafta.

Yuhwana 10:28

Ta vlaŋ vla yu ta hafu ŋa kɗekedzeŋ ta həŋ. Haɗ həŋ dzaʼa walaŋta zwaɗuta wu, haɗ mndu dzaʼa hlaptá həŋ ma dzva ɗa guli wa.

Yuhwana 3:3

« Kahwathwata ka yu ta mnaghata, ka ya a lu ta mndu ka mahis wu katsi, laviŋ a ta nghaŋtá ga mghama Lazglafta wu, » ka Yesu nda tsi.

Yuhwana 4:36

Mndu ta tska nimaya ta vwah ná, ta mutsay ta nisəla ni, ŋa tskanatani ta hulfa ni ŋa hafu ŋa kɗekedzeŋ. Mantsa ya, ŋa rfay mndu ta sləgafta nda mndu ta tskata ta rfu kawadaga.

Yuhwana 5:24

« Kahwathwata ka yu ta mnaghunata, mndu ta sna gwaɗa ɗa, ka zlghaftá tsi ta mndu ta ghunigihata, mamu hafu ŋa kɗekedzeŋ ma tsa mndu ya. Haɗ lu dzaʼa tsanaghatá guma ta tsa mndu ya wa. Nda ghada *Pak tsa mndu ya ta mtaku ka laghu da hafu.

Yuhwana 6:58

Wana buradi ta saha daga ta luwa hadna. Nza a manda ŋa dzidzíha ghuni ta zutá manna ka rwutá həŋ ya wa. Mndu ta za na buradi na ná, dzaʼa nza nza nda hafu ŋa kɗekedzeŋ, » ka Yesu nda həŋ.

Yuhwana 8:51

Kahwathwata ka yu ta mnaghunata, mndu ta snatá skwi ta tagh yu, haɗ dzaʼa mtuta ɗekɗek wa, » kaʼa nda həŋ.

Slna gwal ghunay 14:2

Ama mbaɗa tsa la Yahuda kul zlghafta nda ŋuɗuf ya, ka gagaftá gwal kul nzakway ka la Yahuda ŋa gwafta wi nda həŋ ka zba gwaɗa da zwana ma.

La Ruma 4:15

Zlahu ná, ta klak kla ta ɓasa ŋuɗufa Lazglafta, ama ka haɗ zlahu wu katsi, haɗ sana skwi ŋa ɓlanapta wa.

La Ruma 5:9

Ma tsa mtuta mtu Yesu Kristi ta ghəŋa amu ya, ka klaftá Lazglafta ta amu ka gwal tɗukwa ta wa ira ni. Mantsa tama ná, nda fa ghəŋa amu kazlay: Dzaʼa mbamaf mba Yesu Kristi ma ɓasa ŋuɗufa Lazglafta kəʼa.

La Ruma 8:1

Ndanana tama, tsanaghata a Lazglafta ta guma ta gwal nda ndiʼa vgha taŋ nda *Yesu *Kristi wu,

Galat 3:10

Inda gwal ta faftá ghəŋa taŋ ta maga skwi mna zlahu ná, nda ksiʼa həŋ. Mantsa ya ná, nda vinda ma deftera Lazglafta kazlay: Nda ksiʼa inda mndu kul kɗanaftá inda skwiha ya nda vinda ma deftera zlahu kəʼa.

Afisus 5:6

Yaha mnduha da nanaghatá kaghuni nda tsakalawa taŋ. Ta ghəŋa tsa ghwaɗaka skwiha ya ta ɓasa Lazglafta ta ŋuɗuf dzaʼa kəl tsi ka tsanaghatá guma ta gwal ta maga tsa ghwaɗaka skwiha ya.

1Tes 1:10

ŋa kəzla zwaŋa ni Yesu, ta saha ta luwa. Tsa zwaŋa ni sliʼaganap Lazglafta ma mtaku, ta klaptá amu ma guma Lazglafta ta sagha ya.

1Tes 5:9

Pəgha a Lazglafta ta amu ŋa ghuzlamap ta iri wa. Hgaf hga ta amu ŋa mbamafta nda ma Mghama mu *Yesu *Kristi.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

Hebru 2:3

Ka si mantsa ya tsi, waká amu dzaʼa ndapta ma tsa guma ya, ka si kwalaghu kwala mu ta tsa glakwa glakwa mbaku ya tama? Wya tiŋəl Mgham *Yesu ta mna tsa gwaɗa ta mbaku ya tama, ka sgamaghatá gwal ta snaŋtá tsa gwaɗa ya guli kazlay: Kahwathwata tsa gwaɗa ya kəʼa.

Hebru 3:18

Ŋa i wa waɗata tsi kazlay: Haɗ həŋ dzaʼa walaŋta lami da tsa vla mbiʼa vgha payanaf tsi ta həŋ ya wu kəʼa ya na? Ŋa tsa gwal ta sliʼanaftá gwaɗa ya a ra?

Hebru 3:19

Nda ngha mu ná, trap tra ta həŋ ta lami da tsa vla mbiʼa vgha payanaf lu ta həŋ ya, kabga kwalaghuta taŋ ta zlghafta.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.