Yuhwana 3:34 - Hdi

³⁴ Mndu ghunaga Lazglafta ná, gwaɗa Lazglafta ta gwaɗ tsi, kabga zwakuzwakwa Sulkum vlaŋ Lazglafta mida.

Yuhwana 3:34 Mawu Ofanana

2Mgh 2:9

Manda tsughwaɗadapta taŋ, ka Iliya nda Ilisa mantsa: « Mniha mna ta skwi ta kum ka ta magaghata ɗa, ma kɗaku lu klaghatá iʼi diʼiŋ nda kagha, » kaʼa. Ka Ilisa zlghanaftá wi mantsa: « Ta ndəɓa dzvu yu da kagha, má ka mutsaf mutsa yu his səla ta mbrakwa sulkuma gha! » kaʼa.

La Levi 7:35

Tsaya mayaka i Haruna nda zwana ni mataba skwa pla ghəŋ ta drə lu ta vu ŋa Yawe, zlrafta baɗ tsa fitik pgham lu ta həŋ ŋa maga slna dra skwi ŋa Yawe ya.

Mbsak 11:25

Ka saha Yawe ma kusay ka gwaɗganata, ka klaʼatá tsi kiʼa ta sulkum ma Musa, ŋa fafamta ma tsa galata mnduha ndəfáŋ mbsak ya. Na tsa nzanzanaghata sulkum ta həŋ ya, ka zlraftá həŋ ta kla lwa Lazglafta, ama kɗaŋ a həŋ wa.

Mata 12:18

Wya kwalva ɗa ya zbap yu, ya ɗvu yu, ya ta zɗəgihata katakata, dzaʼa fanagha fa yu ta Sulkuma ɗa, dzaʼa mnana mna ta inda mndəra mndu kazlay: Tɗukwa guma ɗa kəʼa.

Lukwa 4:18

« Kawadaga Sulkuma Lazglafta nda iʼi ŋa vlihatá mbraku. Zbap zba Lazglafta ta iʼi ka tfiɗaghatawi ŋa mnanatá Lfiɗa Gwaɗa ta gwal ka pɗu, ghunaf ghuna ta iʼi ŋa mnanatá gwal habaf lu kazlay: Palaghunispala lu kəʼa, ŋa gwaniŋtá ira gwal nda ghulpa, ŋa zluʼagapta ɗa ta gwal raghwana lu,

Yuhwana 1:16

Dagala zɗakatahuɗa ni katakata, tfamaghatfa ta wi demdem, ta gɗa gɗa ta vlamatá zɗakatahuɗa ni.

Yuhwana 15:26

« Tsa mnda kata kaghuni dzaʼa saha ya, Sulkum ta kligiŋtá kahwathwata ya dzaʼa saha daga da Da. Dzaʼa mnay ta gwaɗa ta iʼi.

Yuhwana 16:7

Kahwathwata na skwi ta mnaghunata yu na. Mal ma na laghu dzaʼa laghu yu na kata ta kaghuni. Ka laghu a yu wu, sata a tsa mndu dzaʼa kata kaghuni ya da kaghuni wa. Ka laghu la yu, dzaʼa ghunaga ghuna yu.

Yuhwana 3:17

Ghunaga a Lazglafta ta zwaŋa ni ŋa tsanaghatá guma ta mnduha ta ghəŋa haɗik wu, ama ŋa mutsafta mnduha ma ghəŋa haɗik ta mbaku nda ma tsatsi, kəl Lazglafta ka ghunagatá Zwaŋa ni ta ghəŋa haɗik.

Yuhwana 5:26

Manda ɗaslakwa hafu ta nzaku ma Da ya, manda tsaya vlaŋta tsi ta zwaŋ ŋa mutsakwa hafu ma tsatsi guli.

Yuhwana 7:16

Ka Yesu nda həŋ mantsa: « Ta sagha da mndu ta ghunigihatá skwi ta tagh yu, ta sab da iʼi a wa.

Yuhwana 8:40

Wana ndanana ná, ta zba dzata iʼi ta mnaghunatá kahwathwata skwi ya snaŋ yu da Lazglafta kuni. Ta walaŋ a Abraham ta magatá mndərga tsaya wa.

Yuhwana 8:47

Mndu ya nda nza ka ŋa Lazglafta ná, ta snay ta gwaɗa Lazglafta. Kaghuni, sna a kuni ta gwaɗa Lazglafta wu, kabga nza a kuni ka ŋa ni wu, » ka Yesu nda həŋ.

Slna gwal ghunay 1:2

ha ka sagha ta fitik kəl lu ka klaghata ta luwa. Ma kɗaku tsi ka ŋlaghatá ta luwa na, vlaŋ vla ta zlahuha ni nda mbrakwa Sulkum nda ghuɓa ta mnduha ya zabap tsi ka gwal ghunay.

Slna gwal ghunay 10:38

Nda sna kuni ka Lazglafta pghəganaghatá mbrakwa Sulkum nda ghuɓa ta Yesu Kristi mnda la Nazaret. Nda sna kuni guli ka Yesu ranaftá inda vli ka maga zɗaku, ka mbamba gwal ghurgana halaway ta həŋ, kabga kawadaga Lazglafta nda tsi.

La Ruma 8:2

kabga mbrakwa Sulkum nda ghuɓa ta vlamatá hafu nda ma Yesu Kristi ta ga mgham ta ghəŋa iʼi. Mbrakwa tsa Sulkum nda ghuɓa ya ta klaptá iʼi ma mbrakwa dmaku nda ŋa mtaku tani.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Kwalus 1:19

kabga kura kura Lazglafta ta nzamta dar ma tsatsi.

Kwalus 2:9

Inda glakwa Lazglafta ná, nzamə ma Kristi.

Suna Yuhwana 21:6

Kaʼa nda iʼi guli mantsa: « Nda kɗa tama! Iʼi zlrafta ni nda kɗavakta ni, iʼi nahani nda kwanaha ni. Mndu ya kuzlaŋta ndala, dzaʼa vlaŋ vla yu ta dzuɓaya imi ta vla hafu ka mbalay.

Suna Yuhwana 22:1

Tahula tsa, ka marihatá tsa duhwala Lazglafta ya ta ghwa ima ta vla hafu, ta wuɗaku manda dalagar, ta mbəzagapta ma dughurukwa i Lazglafta nda Zwaŋa Tuwak,