Yuhwana 3:16 - Hdi

¹⁶ « Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Yuhwana 3:16 Mawu Ofanana

Zlrafta 22:12

Kaʼa mantsa: « Ma faf ka ta dzva gha ta tsa zwaŋ ya, yaha ka maganatá sana skwi. Ndana tama, nda sna yu kazlay ta zləŋay ka ta Lazglafta kəʼa, kabga sɗiɗif a ka ta zwaŋa gha, kɗakwa ni turtuktuk wu, » kaʼa.

Zlrafta 22:2

Ka Lazglafta mantsa: « Klaf kla ta zwaŋa gha, kɗakwa ni turtuktuk, tsa ɗvu ka, Izak ya, ka dzaʼa ka ta ghwá ya dzaʼa mnaghata yu ta haɗika Muriya, ka vlihata ka, ka skwa pla ghəŋ ŋa dray tsuh tsuh hada, » kaʼa.

Mata 9:13

Lawa tsatsa klatá ghəŋa gwaɗa ya mnə Lazglafta kazlay: Tawa hiɗahiɗa skwi ta zɗəgihata pla ghəŋ nda rini a wu kəʼa ya. Sagha a yu haga gwal tɗukwa tɗukwa wa, gwal dmaku ŋa iʼi ta sagha da hagay, » kaʼa.

Markus 12:6

Ga va tsa mndu ya, mamu pɗakwa zwaŋa ni turtuktuk ta ɗvu tsi ma hya ŋuɗufa ni, ka kɗiŋtá tsi ta ghunadapta da tsa mnduha ya kazlay: Dzaʼa hulay həŋ tahula ta na zwaŋa ɗa na kəʼa.

Lukwa 2:14

« Glaku ŋa Lazglafta ta luwa, zɗaku ta ghəŋa haɗik mataba mnduha ɗvu tsi. »

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 1:18

Haɗ mndu ta kəɗ walaŋtá nghaŋtá Lazglafta wa. Tsa zwaŋ turtuktuk ya ta nzakway ka Lazglafta, ta nzaku ma ghuva Da ya, tsatsi ta mnaŋtá nzakwa Lazglafta.

Yuhwana 1:29

Ga mahtsima ni ka nghə Yuhwana ta *Yesu ta sagha da tsi. « Wana zwaŋa tuwaka Lazglafta ta klaghutá dmakwa mnduha.

Yuhwana 10:28

Ta vlaŋ vla yu ta hafu ŋa kɗekedzeŋ ta həŋ. Haɗ həŋ dzaʼa walaŋta zwaɗuta wu, haɗ mndu dzaʼa hlaptá həŋ ma dzva ɗa guli wa.

Yuhwana 3:15

kada mutsafta dər wa ta zlghaftá hafu ŋa kɗekedzeŋ.

Yuhwana 3:18

Mndu ta zlghaftá Zwaŋa Lazglafta, haɗ guma ta ghəŋa ni wa. Mndu kul zlghafta, nda ghada tsatá guma ta ghəŋa ni, kabga kwala ni kul zlghaftá Zwaŋa Lazglafta turtuktuk.

Yuhwana 3:36

Mndu ta zlghaftá tsa Zwaŋ ya mutsaf mutsa ta hafu. Mndu ta kwalaghutá zlghaftá tsa zwaŋ ya mutsafta a ta tsa hafu ya wa. Ta ghəŋa ɓasa ŋuɗufa Lazglafta yeya ta nzaku ta ghəŋa ni, » kaʼa.

Yuhwana 6:40

Wya skwi ta kum Da ɗa, dər wati ma mndu ta nghaŋtá zwaŋ ka zlghaftá tsi, nda mutsa hafa ni ŋa kɗekedzeŋ. Dzaʼa sliʼaganapsliʼa yu baɗu kɗakwa ghəŋa haɗik, » kaʼa.

La Ruma 5:10

Ma fitika nzakwa mu ka ghuma Lazglafta ná, ka slərɓaptá tsi ta zughu mataba mu nda tsi nda ma mtuta mtu zwaŋa ni. Mantsa tama guli ná, ya nda slərɓa zughu mataba mu nda tsi ya, nda fa ghəŋa mu guli kazlay: Dzaʼa mbamaf mba nda ma hafa zwaŋa ni kəʼa.

La Ruma 5:8

Ka Lazglafta maramaŋtá ɗvuta ni ta amu na: Ta ma fitika nzakwa mu ta ma dmaku ta saha Yesu Kristi mtuta ta ghəŋa amu.

La Ruma 8:32

Lazglafta ná, pyaghu a ta zwaŋa ni wa. Vlaga vla ka mtuta tsi da manaka amu demdem. Wa kəʼa dzaʼa kwal kul vlamatá inda skwi kawadaga nda tsatsi tama?

Afisus 2:4

Tsaw Lazglafta ná, dagala tawa hiɗahiɗa ni, ɗvu ɗva ta amu.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

Titus 3:4

Ama, manda maraŋta Lazglafta mnda mba amu ta zɗakwa ni nda ɗva mndani katakata,

Hebru 2:9

Tsa mndu vragana lu ŋa fitik kwitikw mista duhwalha Lazglafta ta nzakway ka *Yesu ya nghaŋ amu. Ka vlaŋtá Lazglafta ta glaku, nda sgit ta ghəŋa vəl mtuta ni, ka ghuytá ɗaŋwa. Mantsa ya tama, ma zɗakatahuɗa Lazglafta ná, ka ŋa inda mndu ɗaŋta tsi ta mtaku.

1 Yuhwana 3:1

Nghawa ka Da mu Lazglafta ɗvutá amu ɓa! Zwana ɗa kəʼa ta hga amu. Manda va tsaya nzakwa ni guli, zwana Lazglafta amu. Tsaw sna a mnduha ma ghəŋa haɗik ta amu wu, kabga sna a həŋ ta Lazglafta wa.

1 Yuhwana 4:19

Amu ná, ɗvu ɗva mu ta Lazglafta kabga tiŋəl tsatsi ta ɗvuta amu.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.