Yuhwana 3:15 - Hdi

¹⁵ kada mutsafta dər wa ta zlghaftá hafu ŋa kɗekedzeŋ.

Yuhwana 3:15 Mawu Ofanana

Mbsak 21:9

Ka magaftá Musa ta nahaɗik ka ghuva tili, ka hagata ta udzu. Hiʼidata nahaɗik ta mndu ya, nghay tsa mndu ya ta tsa nahaɗika ghuva tili ya, gi nda mba.

Mata 18:10

« Ɗasuwa ka kuni da hərtətatá kuni ta ya dər turtuk mataba tsəna zwani na. Ka yu ta mnaghunata ná, duhwalha Lazglafta ta gɗata ta ngha kuma Da ɗa ta nzakway ta luwa ta ngha həŋ. [

Mata 25:46

Ŋa sliʼa tsaha ya da vla ghuya ɗaŋwa ŋa kɗekedzeŋ, ta sliʼi gwal ta snatá gwaɗa Lazglafta da vla hafu ŋa kɗekedzeŋ guli, » kaʼa.

Markus 16:16

Inda mndu dzaʼa zlghafta nda ŋuɗuf, ka maganaftá lu ta batem, dzaʼa mbaku. Ama mndu dzaʼa kwal kul zlghafta, dzaʼa tsanagha tsa Lazglafta ta guma.

Lukwa 19:10

Tsaya ná, sa psa gwal nda zaɗa ŋa mbambanaftá həŋ *Zwaŋa mndu, » kaʼa.

Yuhwana 1:12

Lagha gwal ta tsuʼafta, ka zlghaftá hga ni. Ŋa tsaha ya, ka vlaŋtá tsi ta həŋ ta mbrakwa nzaku ka zwana Lazglafta.

Yuhwana 16:33

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Yuhwana 3:36

Mndu ta zlghaftá tsa Zwaŋ ya mutsaf mutsa ta hafu. Mndu ta kwalaghutá zlghaftá tsa zwaŋ ya mutsafta a ta tsa hafu ya wa. Ta ghəŋa ɓasa ŋuɗufa Lazglafta yeya ta nzaku ta ghəŋa ni, » kaʼa.

Yuhwana 5:24

« Kahwathwata ka yu ta mnaghunata, mndu ta sna gwaɗa ɗa, ka zlghaftá tsi ta mndu ta ghunigihata, mamu hafu ŋa kɗekedzeŋ ma tsa mndu ya. Haɗ lu dzaʼa tsanaghatá guma ta tsa mndu ya wa. Nda ghada *Pak tsa mndu ya ta mtaku ka laghu da hafu.

Yuhwana 6:27

Ma ksə kuni ta slna ŋa skwa zay dzaʼa ɓadzuta. Ŋavawa ŋa ka maga slna ŋa skwa zay ta nzəɗavata dzaʼa vlaghunatá hafu ŋa kɗekedzeŋ. Tsa skwa zay ya ná, *Zwaŋa mndu dzaʼa vlaghunata, kabga ta tsatsi thafta Da ta ŋizla vlaŋta ni ta mbraku, » kaʼa nda həŋ.

Yuhwana 6:40

Wya skwi ta kum Da ɗa, dər wati ma mndu ta nghaŋtá zwaŋ ka zlghaftá tsi, nda mutsa hafa ni ŋa kɗekedzeŋ. Dzaʼa sliʼaganapsliʼa yu baɗu kɗakwa ghəŋa haɗik, » kaʼa.

Yuhwana 6:47

Kahwathwata ka yu ta mnaghunata, mndu ta zlghaftá iʼi, nda mutsa hafa ni ŋa kɗekedzeŋ.

Slna gwal ghunay 13:41

“Kaghuni gwal ta mna mbrəs nda Lazglafta, nghawa ngha, ndərmima wa ndərmima, ka zwaɗutá kuni, kabga dzaʼa magay yu ta fitika ghuni ta mandərmimi, ya dər ma kinawu rusaghunafta lu ná, grafta a kuni ɗekɗek wu kəʼa ya”. »

Slna gwal ghunay 8:36

Tata mbaɗa həŋ ta tvi, ka lagha həŋ slafta ta imi ma ghwa. Ka tsa mnda la Itiyupi ya nda tsi mantsa: « Ya wana imi na ní, nu dzaʼa pyafta magaɗiftá batem na? » kaʼa. [

La Ruma 5:21

Manda va nzakwa gay dmaku ta mgham nda ma mtaku ya ná, manda va tsaya ta ga zɗakatahuɗa Lazglafta ta mgham nda ma nzaku tɗukwa ŋa mutsa hafu ŋa kɗekedzeŋ nda ma Yesu Kristi Mghama mu.

1Kwa 1:18

Aŋ mndani, gwaɗa ta mtatá *Kristi ta udza zləŋay ná, nda nza ka tsaɓaku da gwal ta zaɗaku. Tsaw da amu gwal ta tva mbaku ya, nda sna amu kazlay: Mamu mbrakwa Lazglafta mida kəʼa.

2Kwa 4:3

Ka nda ɗifa na *Lfiɗa Gwaɗa ta mnə ŋni na katsi ná, da gwal ta zaɗiŋtá ghəŋa taŋ nzakwa tsi nda ɗifa.

Galat 2:16

Dər má mantsa tsi, nda sna amu kazlay: Mndu ya ta nzakway tɗukwa ta wa ira Lazglafta ná, tsaya mndu ta zlghaftá *Yesu *Kristi, mndu ta maga skwi ta kum zlaha Musa a wu kəʼa. Tsaya tama kəl aŋni ka zlghaftá Yesu Kristi ŋa nzakwa ŋni ka gwal tɗukwa ta wa ira Lazglafta. Ta ghəŋa vəl magay ŋni ta skwi ta kum zlaha Musa a wu, kabga haɗ mndu dzaʼa nzata ka mndu tɗukwa ta wa ira Lazglafta ma magay ni ta skwi ta kum zlaha Musa wa.

Galat 2:20

Iʼi, kata hafay yu ta hafu katsi, iʼi a ta hafay wa. Tsa Kristi ta nzakway ma iʼi yeya. Ka ta nzaku yu nda hafu ma sluʼuvgha ɗa ndanana guli katsi, ta nzaku yu nda hafu ma zlghay nda ŋuɗuf ma Zwaŋa Lazglafta ta ɗvutá iʼi ka vlatá tsi ta ghəŋa ni ta gwaɗa ta iʼi.

Hebru 10:39

Amu ná, nza a amu tekw mataba gwal ta vru nda hul ŋa zaɗiŋtá ghəŋa taŋ ya wa. Ama nda nza amu tekw mataba gwal ta zlghafta ta dzaʼa mutsa mbaku ya.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

1 Yuhwana 2:25

Ka Kristi tamaftá imi ta sləməŋ ná, dzaʼa vlaghuna vla yu ta hafu ŋa kɗekedzeŋ, kaʼa.

1 Yuhwana 5:1

Dər wati ma mndu ta zlghaftá mnay kazlay: *Yesu ná, *Kristi ya kəʼa, tsa mndu ya ná, nda na ka Zwaŋa Lazglafta. Ka ɗvu ɗva tsa mndu ya ta Da ni Lazglafta katsi ná, dzaʼa ɗvu ɗva guli ta zwana Lazglafta.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.