Yuhwana 20:16 - Hdi

¹⁶ « Mari! » ka Yesu hgaŋta, ka mbəɗavatá tsi. « Rabum » kaʼa nda tsi. Manda mnay kazlay: Mnda taghaɗiftá skwi kəʼa ya nda gwaɗa *Hebru.

Yuhwana 20:16 Mawu Ofanana

Zlrafta 22:1

Tahula luta tsa skwiha ya, ka dzəghaŋtá Lazglafta ta Abraham. Kaʼa nda tsi mantsa: « Abraham! » kaʼa. Ka Abraham mantsa: « Wana yu! » kaʼa.

Zlrafta 22:11

Ama ka hgaŋtá duhwala Yawe daga ta luwa, kaʼa mantsa: « Abraham! Abraham! » kaʼa. Kaʼa mantsa: « Wana yu, » kaʼa.

Zlrafta 45:12

Nghaɗivawa ngha ɗina. Kagha guli Biŋyamiŋ, nghaɗiva ngha ɗina kazlay iʼi ya ta gwaɗa kaghuni kəʼa,

Sabi 3:4

Nghay Yawe ná, ta mbəɗa vgha Musa ka dzaʼa da nghay. Ka hgaŋtá Lazglafta ma tsa mubuk ya, kaʼa mantsa: « Musa! Musa! » kaʼa. « Wana yu! » ka Musa.

Sabi 33:17

Ka Yawe nda Musa mantsa: « Dzaʼa magay yu manda va tsa mna ka ya, kabga zɗəgiha zɗa ka, nda sna yu ta kagha, nda hga gha tani, » kaʼa.

Mata 14:27

Gi ka Yesu nda həŋ mantsa: « Ma wahu kuni! Iʼi ya, ma zləŋ kuni ta zləŋ! » kaʼa.

Markus 10:51

Ka ɗawaŋtá Yesu da tsi. Kaʼa mantsa: « Nu ta kum ka ta magaghata ɗa na? » kaʼa. « Maləma ɗa, ka nghəglaŋta yu ta vli, » kaʼa.

Lukwa 10:41

Ka Yesu nda tsi mantsa: « Marta! Marta! Ma ghuy ka ta ghəŋa gha, ma laghu ka da ndandanaku ta ghəŋa ndəghata skwiha.

Yuhwana 1:38

Kəʼa ka Yesu mbəɗavata, ta nghə tsi ná, ta dzaʼa mista ni həŋ. « Nu ta zbə kuni ɓa? » kaʼa nda həŋ. « Maləma ɗa! Ga ta nzakwa ka na? » ka həŋ nda tsi.

Yuhwana 1:49

« Maləma ɗa! Kagha ná, Zwaŋa Lazglafta ka, mghama la Israʼila ka, » ka Natanayel nda Yesu.

Yuhwana 10:3

Dzaʼa gunana guna mnda ngha tsa həga ya ta wa tgha, dzaʼa nda sna tuwakha ta lwa ni, ŋa hgayni ta tuwakha ni nda hga taŋ nda hga taŋ. Ŋa zligiŋtani ta həŋ dzibil.

Yuhwana 11:28

Mnata ni ta tsa gwaɗa ya, ka sliʼaftá tsi ka laghu mnanatá makuma ni Mari makɗekmakɗek kazlay: Waʼa tsa mndu ta taghamatá skwi ya kay hadna ta gvala kagha, kaʼa.

Yuhwana 13:13

“Mndu ta tagha skwi” ŋa ŋni ka, “mghama ŋni” ka, ka kuni ta hga iʼi. Ta ŋa ghuni tsaya, manda va tsaya yu.

Yuhwana 20:28

« Kagha ta nzakway ka Mghama ɗa, kagha ta nzakway ka Lazglafta ɗa guli, » ka Tuma zlghanaftá wi.

Yuhwana 3:2

Ka sliʼaftá tsi nda rviɗik ka lagha slanaghatá *Yesu. Kaʼa nda tsi mantsa: « Maləma ɗa! Nda sna ŋni kazlay: Mnda tagha skwi ta saha daga da Lazglafta kagha kəʼa, kabga haɗ mndu ta laviŋtá maga tsa mazəmzəmha ta mag kagha ya, ka haɗ Lazglafta kawadaga nda tsi wu, » kaʼa.

Yuhwana 5:2

Tsaw ma Ursalima, mamu sana ghwa tsap lu ndusa nda wa tgha saba tuwakha. Betsayda ta hga lu ta tsa ghwa ya nda gwaɗa *Hebru. Ta wa tsa ghwa ya mamu glakamha hutaf.

Yuhwana 6:25

Ka ɓhadaghatá həŋ ka zbə həŋ, ka slanaghatá həŋ ta wa sana ɓla tsa drəf ya. « Maləma ɗa! Yawu saghwa ka da hadna kay? » ka həŋ nda tsi.

Slna gwal ghunay 10:3

Ma sana fitik ta nzemndi hkən tama, ka slanaghatá sana mazəmzəm. Ka nghaŋtá tsi ta duhwala Lazglafta ta lam da həga ga taŋ ka hgaŋta. « Kwarney! » kaʼa nda tsi.

Slna gwal ghunay 9:4

Ka zləmbagatá tsi ta haɗik, ka snə tsi ta sana lwi ta hgay, kaʼa mantsa: « Sawul! Sawul! Kabgawu ta kəl ka ka giri ŋa ɗa na? » kaʼa.

1Sam 3:10

Ka lagha Yawe sladata hada, ka hgaŋta manda ya tazlay. « Samuyel! Samuyel! » kaʼa. « Mna ta gwaɗa gha, ta snay snay kwalva gha! » kaʼa.

1Sam 3:6

Ka hgəglaŋtá Yawe ta Samuyel. Ka sliʼaftá Samuyel, ka lagha slanaghatá Iliya, kaʼa nda tsi mantsa: « Wana yu, ta hga iʼi ka ra? » kaʼa. Ka Iliya nda tsi mantsa: « Hgaŋ a yu ta kagha sagəŋ wu, vra da hana gha, » kaʼa.