Yuhwana 2:11 - Hdi

¹¹ Tsaya taŋtaŋa mazəmzəm maga Yesu ma luwa Kana ta haɗika Galili. Mantsa ya maraŋta tsi ta glakwa ni. Ka faftá duhwalha ni ta ghəŋ tida.

Yuhwana 2:11 Mawu Ofanana

1Mgh 17:24

Ka tsa marakw ya nda Iliya mantsa: « Ndana tama, nda sna yu kazlay na, mnda Lazglafta ka kəʼa. Gwaɗa Yawe ta mnagapta ka ma wa gha guli ná, kahwathwata nzakwa ni, » kaʼa.

Sabi 14:31

Ka nghaŋtá la Israʼila ta glakwa slna dzva Yawe ta maganatá la Masar. Ka zləŋatá həŋ ta Yawe, ka faftá həŋ ta ghəŋ tida, nda ya ta ghəŋa kwalva ni Musa guli.

Sabi 4:9

Ama ka zlghaf a həŋ nda tsa ŋizlaha his ya wu, snagha a həŋ wu, ka dzaʼa ka tigistá imi ma ghwa Nil, ka pghata ka ta ghwalata vli, dzaʼa nuna tsa imi dzaʼa tagista ka ma ghwa Nil ya ka us, » kaʼa.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 1:17

Nda ma dzva Musa vlata Lazglafta ta zlahu, ka sagha zɗakatahuɗi nda kahwathwata nda da *Yesu *Kristi.

Yuhwana 1:43

Ga mahtsima ni, dzaʼa da Galili yu, ka Yesu. Ka guyatá tsi nda Filip, « mbaɗa mista ɗa, » kaʼa nda tsi.

Yuhwana 1:50

« Zlray kagha ta zlghay tsa ɓa, kabga mnay ɗa kazlay: Nda ngha yu ta kagha mista ghuraf kəʼa? dzaʼa nda ngha ka ta skwiha ta malaghutá tsaya, » ka Yesu nda tsi.

Yuhwana 10:41

« Haɗ mazəmzəm dər turtuk maga Yuhwana wa. Tsaw inda skwi ya mna Yuhwana ta ghəŋa na mndu na ná, manda va tsaya nzakwa ni, ka ndəghata mnduha ta sliʼadaghata da tsi ta mnay. »

Yuhwana 11:15

Ta rfu yu ta ghəŋa kwala ɗa kul haɗ hada. Ɗina tsaya ka ŋa ghuni, ŋa fafta ghuni ta ghəŋ ta iʼi. Mbaɗma slanaghata ndana tama, » kaʼa nda həŋ.

Yuhwana 11:47

Lagha la mali ta ghəŋa gwal dra skwi ŋa Lazglafta nda la Farisa, ka tskanatá gwal tsa guma. Ka həŋ mantsa: « Dagala mazəmzəm ta mag tsa mndu ya, waká mu dzaʼa magay na?

Yuhwana 12:18

Tsaya kəl mnduha ka sliʼadaghata da guyay kabga snaŋta taŋ ta tsa mazəmzəm maga tsi ya.

Yuhwana 12:37

Kulam nda tsa mazəmzəmha mamaga tsi ta wa ira taŋ ya, ka kwalaghutá həŋ ta zlghafta.

Yuhwana 12:41

Ma tsa fitika nghaŋta Isaya ta glakwa *Yesu ka mnə tsi ta gwaɗa ta ghəŋa ni ya, mnata tsi ta tsa gwaɗa ya.

Yuhwana 14:13

Mantsa tama, inda skwi dzaʼa kuni ɗawaŋta nda hga ɗa, dzaʼa magay yu, kada maraŋta Da ta glakwa ni nda ma zwaŋ.

Yuhwana 16:27

Vərɗa Da ka ghəŋa ni ná, ta ɗvay ta kaghuni kabga ta ɗvay kaghuni ta iʼi. Graf gra kaghuni guli kazlay: Iʼi ná, sa daga da Lazglafta yu kəʼa.

Yuhwana 16:30

Ndanana tama, nda sna ŋni kazlay: Nda sna ka ta inda skwi kəʼa. Ma kɗaku mndu ka ɗawaŋtá skwi da kagha, nda sna kagha ta skwi ta kum tsi ta ɗaway. Tsaya kəl aŋni ka zlghafta kazlay: Sa daga da Lazglafta kagha kəʼa, » ka həŋ nda tsi.

Yuhwana 2:1

Ta mahkəna fitik, ka slatá skala kla makwa ma luwa Kana ta haɗika Galili. Tsaw lagha la ma ni ma *Yesu da tsa vla skala kla makwa ya.

Yuhwana 2:23

Ma fitika nzakwa *Yesu ma Ursalima ta skala *Pak, nda ndəgha gwal ta zlghafta nghər həŋ ta mazəmzəmha ta mag tsi.

Yuhwana 3:2

Ka sliʼaftá tsi nda rviɗik ka lagha slanaghatá *Yesu. Kaʼa nda tsi mantsa: « Maləma ɗa! Nda sna ŋni kazlay: Mnda tagha skwi ta saha daga da Lazglafta kagha kəʼa, kabga haɗ mndu ta laviŋtá maga tsa mazəmzəmha ta mag kagha ya, ka haɗ Lazglafta kawadaga nda tsi wu, » kaʼa.

Yuhwana 4:3

ka sliʼaftá tsi ta haɗika Zudiya ŋa vrə ta haɗika Galili.

Yuhwana 4:46

Ka vraghatá tsi tama da luwa Kana ta haɗika Galili, ma vla mbəɗanaftani ta imi ka ima inabi ya kay. Tsaw mamu sana mndu dagala ma slna ŋumna, ta maga slna ga mgham ma luwa Kafarnahum, kul ɗughwanaku zwaŋa ni ta kala ghəŋ.

Yuhwana 4:54

Tsaya mahisa mazəmzəm maga Yesu ta haɗika Galili manda zlaŋta ni ta haɗika Zudiya.

Yuhwana 5:23

kada vla inda mndu ta glaku ŋa zwaŋ, manda ya ta vlə həŋ ta glaku ŋa Da ya. Ka vla a mndu ta glaku ŋa zwaŋ wu katsi, haɗ tsa mndu ya ta vla glaku ŋa Da ta ghunagatá tsa zwaŋ ya wa.

Yuhwana 6:14

« Nana mndu na vərɗa anabi dzaʼa sagha ta ghəŋa haɗik mnə lu kay ya, » ka tsa mnduha ta nghaŋtá mazəmzəm maga Yesu ya.

Yuhwana 6:2

Ka sliʼaftá dəmga rutut mista ni nghər həŋ ta mazəmzəm, ka mbamba gwal kul ɗughwanaku.

Yuhwana 6:26

Ka *Yesu nda həŋ mantsa: « Kahwathwata ka yu ta mnaghunata, ta zbə kabga vəl nghaŋta ghuni ta mazəmzəm a kuni ta iʼi wa. Ta zbə kabga zuta ghuni ta buradi, ka baghaftá kuni, kuni ta iʼi.

Yuhwana 6:30

Ka həŋ mantsa: « Mndərga wati mazəmzəm laviŋ ka ta magaŋnata ŋa nghaŋta ŋni, kada zlghafta ŋni ta kagha na? Wati slna dzaʼa ka magata na?

Yuhwana 7:31

« Baɗu saghar Kristi ní, dzaʼa magay ta mazəmzəm ka malaghutá ŋa na mndu na ri? » ka ndəghata sanlaha ma mnduha mataba tsa dəmga ya.

Yuhwana 9:16

Ka dgavaptá la Farisa his gamndər. « Mnda Lazglafta a tsa mndu ya wu kabga sna a ta skwi ta mnə zlaha Sabat wu, » ka sanlaha. « Waká mnda dmaku dzaʼa maga mndərga tsaha ya ma mazəmzəm na? » ka sanlaha, ka həŋ ta ghəŋa ni.

2Kwa 3:18

Amu demdem, bukwa a kuma mu wa. Manda dalagar ya ta wuɗakwa glakwa Mgham Yesu ta amu. Mgham Yesu ta nzakway ka Sulkum ya ta mbəɗanafta ka nanafta manda va tsatsi, ka kla amu ta kəma ta kəma ma tsa glakwa ni ta malaghuta ya.

2Kwa 4:17

Skwi ta kum yu ta mnay ná, kiʼa yeya na ghuya ɗaŋwa ta ghuy mu ndanana ka tsa glaku dagala ŋa kɗekedzeŋ ta payamata tsa ghuya ɗaŋwa ya ta tvi ŋa mutsay ya.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

Vrafta ta zlahu 5:24

Ka kuni mantsa: “Maraŋnaŋ mara Yawe, Lazglafta mu ta sgita ni, nda glakwa ni. Snaŋ sna ŋni guli ta lwa ni ta sabi ma takataka vu, nda ngha ŋni gita kazlay, ta gwaɗgana gwaɗa Lazglafta ta mnda səla ka nzata ni nda hafu kəʼa.

1 Yuhwana 5:13

Vindaghunaf vinda yu ta tsa skwiha ya, ŋa kaghuni gwal ta zlghaftá Zwaŋa Lazglafta, kada grafta kuni kazlay: Mutsaf mutsa kuni ta hafu ŋa kɗekedzeŋ kəʼa.