Yuhwana 18:11 - Hdi

¹¹ Ka Yesu mantsa: « Vranam vra ta kafaya gha da kupaka ni. Ra a ka say ɗa ta leghwa ghuya ɗaŋwa ya vliha Da ɗa wu ka ka rki na? » kaʼa nda Piyer.

Yuhwana 18:11 Mawu Ofanana

2Sam 16:10

Ama ka mgham nda tsi mantsa: « Kaghuni zwana Tseruya, nu gwaɗa kaghuni na? Ka ta ksiʼay tsi, ba Yawe ta mnanata kazlay na: “Ksiʼa ta Dawuda!” kəʼa. Wa tama dzaʼa mnanata kazlay na: Kabgawu ta kəl ka ka magay manda tsa kəʼa na? » kaʼa.

Mata 20:22

« Sna a kuni ta skwi ta ɗawu kuni wa. Dzaʼa laviŋ lava kuni ta sa leghwa tsa ghuya ɗaŋwa dzaʼa yu ghuyay ya ra? » ka Yesu. « Dzaʼa say ŋni! » ka həŋ nda tsi.

Mata 26:39

Zadaptani dawʼ ta kəma, ka zləmbatá tsi ka mbumba, ka maga duʼa. Kaʼa mantsa: « Da ɗa, ka ta magaku tsi, diʼiŋiŋ diʼiŋa ta na leghwa ghuya ɗaŋwa na nda iʼi. Nziya nza tsi ná, manda ya ta kum iʼi a wu, manda ya ta kum kagha, » kaʼa.

Mata 26:42

Ka zəgladaptá tsi dawʼ ka mahis, ka ndəɓəgəltá dzvu, kaʼa mantsa: « Da ɗa, ka va a ka ta diʼiŋaghuta na leghwa ghuya ɗaŋwa na nda iʼi wu katsi, ka nda nza tsi ŋa say ɗa ná, ka maga tsi manda ya kumaŋ ka, » kaʼa.

Lukwa 12:30

Gwal kul snaŋtá Lazglafta ma ghəŋa haɗik ta laghu da zba tsaha ya. Kaghuni ná, nda sna da ghuni kazlay: Ta ɗvay kuni ta tsa skwiha ya kəʼa.

Lukwa 22:42

« Da! Ka má ta kumay ka, klaghu kla ta na ghuya ɗaŋwa na ta ghəŋa ɗa! Tsaw yaha da nzaku manda ya ta kum iʼi, ka nza tsi manda ya ta kum kagha, » kaʼa. [

Yuhwana 15:10

Ka ta sna sna kuni ta zlaha ɗa, dzaʼa gɗava gɗa kuni ma ɗvutá mnda ɗa. Manda tsaya snata iʼi ta zlaha Da ɗa, kəl iʼi ka gɗavata ma ɗvutá mndani.

Yuhwana 17:24

Da! Tsəna mnduha vliha ka na ná, ta kumay yu ta nzakwa taŋ ma vli ya nza iʼi, ŋa nghay taŋ ta glakwa ɗa ya vliha kagha, kabga ɗvu ɗva ka ta iʼi daga ta kul zlraftá ghəŋa haɗik.

Yuhwana 18:36

Ka Yesu mantsa: « Ga mghama ɗa ná, ŋa na ghəŋa haɗik na a wa. Ka má ŋa na ghəŋa haɗik na tsi katsi, má lma lma kwalvaha ɗa, má ŋa kwala lu kladaghatá iʼi da gwal dagala dagala mataba la Yahuda. Tsaw ŋa na ghəŋa haɗik na a ga mghama ɗa wu, » ka Yesu.

Yuhwana 20:17

« Ma ŋiha ka, ta laf a yu da Da ɗa karaku wu, la da mnay ŋa zwana ma ɗa kazlay: Ta dzaʼa da Da ɗa ta nzakway ka Da ghuni yu, da Lazglafta ta nzakway ka Lazglafta ghuni ya yu guli, » ka Yesu nda tsi.

2Kwa 10:4

Huzla ta kəl aŋni ka vula tsa vulu ya ná, huzla ta kəl mnda səla ka vulu a wa. Lazglafta ta vlaŋnatá tsa ŋa ŋni huzla nda mbra ta zaɗanatá vla ɗifa ghumaha Lazglafta ya. Ta zaɗana zaɗa ŋni ta ghwaɗaka ndanu ta ndanu mnduha.

2Kwa 6:7

Ka gwal ta mna vərɗa gwaɗa, ka gwal nda mbakwa Lazglafta ma həŋ. Huzla vula ŋni ma zlaɓa nda zeghwi ná, tsaya kahwathwata.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.