Yuhwana 17:18 - Hdi

¹⁸ Manda ya ghunaga kagha ta iʼi ta ghəŋa haɗik ya, iʼi guli, ta ghunay yu ta hahəŋ ta ghəŋa haɗik.

Yuhwana 17:18 Mawu Ofanana

Mata 10:5

Tsa gwal ghwaŋpəɗ his ya ghwanagha *Yesu da luwa. Kaʼa nda həŋ ma kɗaku tsi ka ghuna həŋ mantsa: « Yaha kuni dzaʼa da mndu kul nzakway ka la *Yahuda. Yaha kuni lami da luwa la Samari.

Mata 23:34

Tsaya tama ná, dzaʼa ghunaghunafghuna yu ta la anabi, nda gwal nda ɗifil da həŋ, nda gwal tagha zlahu. Dzaʼa pslata nda psla kuni ta sanlaha, dzaʼa zleŋafta nda zləŋa kuni ta sanlaha, dzaʼa sləvapta nda sləva kuni ta sanlaha ma həga tagha skwa ghuni, dzaʼa zbiŋ zba kuni ta həŋ ma inda luwaha, ka giri ŋa taŋ.

Yuhwana 17:21

kada nzakwa həŋ demdem ka mnda turtuk. Da! Ka nza həŋ ka yakwa u manda guyatá u, kagha ma iʼi, iʼi ma kagha ya. Ka nza həŋ ka mnda turtuk ŋa mnay mnduha ma ghəŋa haɗik kazlay: Kagha ta ghunigihata kəʼa.

Yuhwana 17:23

iʼi ma hahəŋ, kagha ma iʼi ya. Manda tsaya dzaʼa kəl həŋ ka nzakway kahwathwata ka mndu turtuk, kada snaŋta mnduha ma ghəŋa haɗik kazlay: Kagha ta ghunigihata, ɗvu ɗva kagha ta həŋ manda ya ɗvu kagha ta iʼi guli ya kəʼa.

Yuhwana 17:25

Da ɗa! Tɗukwa nzakwa kagha, tsaw sna a mnduha ma ghəŋa haɗik ta kagha wa. Iʼi, nda sna yu ta kagha, nahana guli, tsatsaf tsatsa həŋ kazlay: Kagha ta ghunigihata kəʼa.

Yuhwana 17:3

Hafu ŋa kɗekedzeŋ ná, tsaya snaŋta taŋ ta kagha. Kagha vərɗa Lazglafta turtuktuk, nda snaŋta taŋ ta mndu ya ghunaga ka ta nzakway ka Yesu *Kristi.

Yuhwana 17:8

Mnana mna yu ta həŋ ta gwaɗa ya mniha ka, tsuʼaf tsuʼa həŋ. Nda sna həŋ dar kazlay: Daga da kagha sagha yu kəʼa, zlghaf zlgha həŋ guli kazlay: Kagha ta ghunigihata kəʼa.

Yuhwana 20:21

« Ka nza zɗaku kawadaga nda kaghuni. Manda ya ghunaf Da ta iʼi ya, mantsa ya ta ghuna iʼi ta kaghuni guli, » ka Yesu nda həŋ guli.

Yuhwana 3:17

Ghunaga a Lazglafta ta zwaŋa ni ŋa tsanaghatá guma ta mnduha ta ghəŋa haɗik wu, ama ŋa mutsafta mnduha ma ghəŋa haɗik ta mbaku nda ma tsatsi, kəl Lazglafta ka ghunagatá Zwaŋa ni ta ghəŋa haɗik.

Yuhwana 4:38

Da vli kul magatá kuni ta slna ghunaghunafta yu. Ghuy ghuya sanlaha ta ɗaŋwa ma slna, ka lagha kaghuni da ŋatsa ndela tsa slna taŋ ya, » kaʼa.

2Kwa 5:20

Kristi ta ghunaftá aŋni ŋa kla lwa gwaɗa ni. Lazglafta ka ghəŋa ni ta haga mnduha nda ma wa ŋni. Ma hga Kristi, ta ndəɓa dzvu yu ŋni ŋa ghuni, slərɓapwa slərɓa ta zughu nda Lazglafta.

Afisus 3:7

Zɗəɗiŋ zɗa Lazglafta ta huɗi ka niɗifta ka Kwalva ni ŋa mna tsa Lfiɗa Gwaɗa ya ŋa mnduha nda ma mbrakwa ni ya vliha tsi.