Yuhwana 16:5 - Hdi

⁵ Ndanana dzaʼa da mndu ta ghunigihatá yu. Sew haɗ ya mataba ghuni ta ɗaway kazlay: Dzaʼa da wa ka na kəʼa wa.

Yuhwana 16:5 Mawu Ofanana

Yuhwana 13:3

Nda sna Yesu ka ghəŋa ni kazlay: Sa daga da Lazglafta yu, dzaʼa vru da Lazglafta yu kəʼa. Nda sna guli kazlay: Fanam fa Lazglafta ta inda skwi ma dzva ni kəʼa.

Yuhwana 13:36

Ka *Piyer mantsa: « Mghama ɗa! dzaʼa diga ka na? » kaʼa nda tsi. « Laviŋ a ka ta ɓhata da tsa vli ta dzaʼa yu ya ndanana wu, dazlay ya, dzaʼa ɓhaɓha ka mista ɗa, » ka *Yesu nda tsi.

Yuhwana 14:28

Nda sna kuni ta gwaɗa mnaghuna yu kay, “nda sliʼa yu, dzaʼa vragagha vra yu da kaghuni.” Ka ta ɗvay kuni ta iʼi katsi ná, dzaʼa rfay kuni ta rfu ta ghəŋa má snaŋta ghuni kazlay: Nda sliʼa yu da Da kəʼa, kabga mal Da ka iʼi.

Yuhwana 16:10

Ta nanay mnduha ta ghəŋa haɗik ta ghəŋa taŋ ta ghəŋa skwi tɗukwa, kabga nda sliʼa iʼi da Da, nghəglaŋta a kuni ta iʼi wa.

Yuhwana 16:16

Kaʼa guli mantsa: « Ta ɓets nzɗa, nghəglaŋta a kuni ta iʼi wa. Ɓats nzɗa guli, dzaʼa nghəglaŋ ngha kuni ta iʼi [kabga nda sliʼa yu da Da,] » kaʼa.

Yuhwana 16:17

Ka sanlaha ma duhwalha ni mataba hahəŋ hahəŋ mantsa: « “Ta ɓets nzɗa nghəglaŋta a kuni ta iʼi wu, ɓats nzɗa guli ná, dzaʼa nghəglaŋ ngha kuni iʼi guli. Nda sliʼa yu da Da,” kaʼa ná, gwaɗa wu tsa gwaɗa ya ta gwaɗamata tsi na? »

Yuhwana 16:28

Sliʼaf daga da Da iʼi ka saha ta ghəŋa haɗik. Ndanana guli, wana yu ta sliʼafta ta ghəŋa haɗik ka vru da Da, » kaʼa.

Yuhwana 17:13

Ndanana dzaʼa da kagha yu. Manda tsaya ta mna yu ma na nzakwa ɗa tata ghəŋa haɗik na, kada ndəghafta rfa ɗa ma həŋ.

Yuhwana 17:4

Maraŋ mara yu ta glakwa gha ta ghəŋa haɗik, kɗiŋ kɗa yu ta magatá slna ya vliha ka ŋa magay.

Yuhwana 6:62

A ka tsa nghaŋ kuni ta *Zwaŋa mndu ta ŋlu da vli si hada tsi ghalya, waká ŋuɗufa ghuni dzaʼa magay tama?

Yuhwana 7:33

Ka Yesu mantsa: « Ta tekeʼa nzɗa ɗa kwitikw da kaghuni, kada vra yu da mndu ta ghunɗikta.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.