Yuhwana 16:2 - Hdi

² Dzaʼa taliŋ tala lu ta kaghuni ma həga tagha skwa la *Yahuda. Tsa yeya a va ni wu, ta sagha sa fitik dzaʼa kəl mnduha dzaʼa pslatá kaghuni ka ndanay kazlay: Na skwi maga mu na ná, maga maga mu ta skwi ta zɗəganatá Lazglafta kəʼa.

Yuhwana 16:2 Mawu Ofanana

Danyel 11:33

Dzaʼa taghanaf tagha gwal nda ɗifil ma ghəŋa taŋ ta pgha mnduha ta skwi ta ndəghata mnduha. Ama dzaʼa mamu fitik dzaʼa pslata lu nda kafay ta sanlaha mataba taŋ. Dzaʼa driŋta nda dra lu ta sanlaha, dzaʼa pgham pgha lu ta sanlaha da gamak tahula hlaghutá huzla taŋ.

Mata 10:28

Ma zləŋ kuni ta gwal ta dzatá sluʼuvgha ta kwal kul laviŋta dzatá hafu. Lazglafta ta laviŋta zaɗanatá sluʼuvgha nda hafu tani ma həga vu ya ŋa zləŋay katək.

Mata 24:9

« Dzaʼa vla vla lu ta kaghuni ma dzvu ŋa mnduha, ŋa gaghunaptá iri. Dzaʼa psla psla lu ta kaghuni guli. Dzaʼa husaŋ husa kuni ta inda mndəra mnduha ta ghəŋa haɗik kabga gwaɗa ta iʼi.

Lukwa 6:22

Rfawa rfa ta rfu ka ta husaŋ husa kuni ta mnduha, ka ta vzighunisvza həŋ, ka ta razay həŋ ta kaghuni, ka ta vazay həŋ ta rutsak ta kaghuni kabga vəl zlghafta ghuni ta Zwaŋa mndu.

Yuhwana 12:42

Ma va tsaya ná, mamu ndəghata la mali ta ghəŋa la *Yahuda ta zlghaftá Yesu. Ama ka kwalaghutá həŋ ta maraŋtá ghəŋa taŋ, kabga zləŋa gwaɗa da la *Farisa, da taliŋtá lu ta həŋ ma həga tagha skwa taŋ.

Yuhwana 16:25

Kaʼa guli mantsa: « Ka mahdihdi mnaghunata yu ta tsa gwaɗa ya. Dzaʼa sagha sa fitik dzaʼa kwal yu mnəgəlta mantsa ŋa ghuni, ŋa mnaghunaŋta ɗa ta skwi tsiɗiɗ ta ghəŋa Da.

Yuhwana 16:32

Wya fitik ta sagha, nda ghada va sagha ni katək ŋa wutsata ghuni ta vgha, ta ksə ya ta tva ni ta ksə ya ta tva ni, ŋa zliɗivata ghuni turtukwa ɗa. Tsaw kahwathwata ná, turtukwa ɗa a yu wu, kabga kawadaga ŋni nda Da.

Yuhwana 4:21

Ka Yesu nda tsi mantsa: « Marakw na, zlghaf zlgha ta iʼi. Dzaʼa sagha sa fitik dzaʼa kwal kuni maga duʼa ŋa Da ta na ghwá na, dər ma Ursalima.

Yuhwana 4:23

Dzaʼa sagha sa fitik, nda maga va ni ndanana. Ma Sulkum nda ya ma kahwathwata dzaʼa kəl mnduha ka maga duʼa, ŋa tsəɓay taŋ ta tsəlɓu ŋa Da, kabga mndərga tsa mnduha ta tsəlɓa tsa tsəlɓu ya ta zbə Da.

Yuhwana 9:22

Ta zləŋay tsa dadaha ni ya ta la maliha ta ghəŋa la Yahuda, kəl həŋ ka mnay mantsa. Tsaw la mali ta ghəŋa la Yahuda ya ná, nda ghada dzrafta taŋ. Mndu ta mnay kazlay: Yesu ná *Kristi ya kəʼa ná, dzaʼa taliŋ tala lu ta tsa mndu ya ma həga tagha skwa mu kəʼa.

Yuhwana 9:34

Ka həŋ nda tsi mantsa: « Kagha yaga lu ka dmaku dzeʼdzeʼ guli ná, ka taghəgəltá skwi ŋa ŋni, » ka həŋ, ka ghəzlagapta ma həga tagha skwa taŋ.

Slna gwal ghunay 5:33

Ka kuzlanaftá tsi ta ŋuɗuf ta tsa gwal dagala dagala ya. Ta kumay həŋ má ta zaɗanatá tsa gwal ghunay ya.

Slna gwal ghunay 7:56

Kaʼa nda həŋ kay guli mantsa: « Wana nda ngha yu ta gunatá luwa. Waʼa *Zwaŋa mndu ta sladu nda ga zeghwa Lazglafta, » kaʼa.

1Kwa 4:13

Dər kinawu ká mnduha ta raraza aŋni ya ná, sleɗeɗa ka aŋni ta gwaɗa nda həŋ. Ka maghdzəka taŋ ká mnduha ma na ghəŋa haɗik na fatá aŋni. Manda ŋəɗak ká həŋ ta ngha aŋni.

Filip 3:6

His his dzvu ŋanata yu ta tva nzakwa la Yahuda ha ka ghuyay ɗa ta ɗaŋwa ŋa gwal zlghay nda ŋuɗuf. Haɗ zlaha la Yahuda zlanaghu yu dər turtuk wa. Haɗ sana skwi dzaʼa tsaɗivata lu wa.

Suna Yuhwana 6:9

Manda pslanapta tsa Zwaŋa Tuwak ya ta tsa mahutafa tsa ŋizla ya, ka nghə yu mista gwir ta hafa gwal psla lu ta ghəŋa gwaɗa Lazglafta nda ya ma vəl mnay si ta mnə həŋ.

Gwal tsa guma 6:30

Ka mnduha ma luwa nda Yuʼas tama mantsa: « Klagap kla ta zwaŋa gha ka dzata lu, kabga zliŋ zla ta gwira Baghal, ka tsiŋtá udza Asera si ta vata ni ya guli, » ka həŋ.