Yuhwana 16:11 - Hdi

¹¹ Ta nanay mnduha ta ghəŋa haɗik ta ghəŋa taŋ ta ghəŋa skwi ka guma, kabga nda ghada tsanaghatá guma ta ghwaɗaka mghama na ghəŋa haɗik na.

Yuhwana 16:11 Mawu Ofanana

Zlrafta 3:15

Dzaʼa naghunaf na yu ka ghuma nda na marakw na. Mantsa dzaʼa nzakwa tsi mataba zivira gha nda zivira ni. Zivira ni dzaʼa dzaɓaghaptá ghəŋa gha, dzaʼa balay kagha ta durama guli, » kaʼa nda tsi.

Mata 12:18

Wya kwalva ɗa ya zbap yu, ya ɗvu yu, ya ta zɗəgihata katakata, dzaʼa fanagha fa yu ta Sulkuma ɗa, dzaʼa mnana mna ta inda mndəra mndu kazlay: Tɗukwa guma ɗa kəʼa.

Mata 12:36

Ka yu ta mnaghunata ná, nda wa taŋ dzaʼa mnəgiŋta mnduha baɗu guma ta inda ŋaslu ya brəfəgiŋ həŋ.

Lukwa 10:18

Ka Yesu nda həŋ mantsa: « Nda ngha yu ta halaway ta dəɗagata ta luwa manda wuɗakwa luwa.

Yuhwana 12:31

Ndanana tama, nda maga fitika tsanaghatá guma ta na ghəŋa haɗik na. Ndanana dzaʼa wuɗidiŋta lu ta mghama na ghəŋa haɗik na.

Yuhwana 14:30

Haɗ gwaɗa ta dagala ta ŋa mnaghunata ɗa wu, kabga wya tsa ghwaɗaka mghama na ghəŋa haɗik na ya ta sagha. Tsaw laviŋ a ta ŋraptá iʼi wa.

Yuhwana 16:12

« Ta dagala skwi má ŋa managhunata ɗa, tsaw laviŋta a kuni ta ŋafta ndanawa.

Slna gwal ghunay 10:42

Tsatsi ta mnaŋnata, ka mna kuni ŋa mnduha, ka sladanafta kuni kazlay: Tsatsi sladana Lazglafta ka mnda tsa guma ta ghəŋa gwal nda hafu, nda ya ta ghəŋa gwal nda rwa kəʼa.

Slna gwal ghunay 24:25

Ka zlraftá Pwal ta zwa gwaɗa ta ghəŋa nzaku ya ta zɗəganatá Lazglafta, nda gwaɗa ta nghuta mndu ta ghəŋa ni, nda gwaɗa ta ghəŋa ya ka Lazglafta dzaʼa tsa guma ta ghəŋa mnduha. Ka Feliks ksur tsi ka zləŋ mantsa: « La tama, baɗu mutsafər yu ta fitik ya guli ná, hgəgəlta ɗa ta kagha tsa, » kaʼa.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

La Ruma 16:20

Lazglafta ná, tsatsi ta vla zɗaku, dzaʼa gi huʼanap huʼa ta halaway, ŋa vlaghunata ni ta mbraku ta ghəŋa ni. Ka nza zɗakatahuɗa Mghama mu *Yesu kawadaga nda kaghuni.

La Ruma 2:16

Tsaya tama, manda na *Lfiɗa Gwaɗa ta mnə yu na, manda tsaya dzaʼa nzakwa tsi baɗu dzaʼa ghunagata Lazglafta ta *Yesu *Kristi ŋa tsanaghatá guma ta ghəŋa inda skwi nda ɗifa ma ŋuɗufa mnduha ya.

1Kwa 4:5

Tsa tama ná, ma gi tsə kuni ta guma ta ghəŋa mndu ta kul sagha fitika ni. Kzlawa, ta hway da wa kuni na! Baɗu sagha Mgham ná, dzaʼa kligiŋ kla ta daɓi ta skwi nda ɗifa. Ŋa kligiŋtani duway ta daɓi ta skwi ta ndanə mnduha. Baɗu tsa tama, dər wa dzaʼa mutsa rfa ni da Lazglafta manda ya ta raŋta.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

Afisus 2:2

Si ta gɗata ta ksa saɗa mnduha ma na ghəŋa haɗik na kuni. Gwaɗa halaway ta ga mgham ta ghəŋa ghwaɗaka sulkumha, ta nzaku ma ghuvaŋata luwa si sna kuni. Kulam ndana tsa ghwaɗaka sulkum ya ta gɗata ta ksa slna ma ŋuɗufa mnduha ta kwalaghuta sna gwaɗa Lazglafta.

Kwalus 2:15

Mantsa ya hləgadanaghuta Lazglafta ta mbraku ta ghwaɗaka sulkum ta nzanaghatá mnduha nda ga mgham ta ghəŋa taŋ. Ka pghanaghatá tsi ta hula ta həŋ ta kəma inda mnduha, ma hlaftá həŋ ka vuʼa zatá ghwa zwaŋa ni ta udza zləŋay.

Hebru 2:14

Tsa zwani mnə tsi ya ná, mnda səla həŋ demdem. Ka nutá Yesu ka ghəŋa ni guli ka mnda səla manda va hahəŋ, kada laviŋta tsi ta mtuta, ŋa nanatá halaway ta ŋanatá mbrakwa mtaku ya, ka mbegi.

Hebru 6:2

nda gwaɗa ta batemha, nda gwaɗa ta fa dzvu ta ghəŋa mndu, nda gwaɗa ta sliʼagapta ma mtaku, nda gwaɗa ta tsatá ghəŋa guma ŋa ɗekɗek ya.

Hebru 9:27

Inda mnda səla ná, thanaftha lu ta mtuta ni turtuktuk səla, tahula tsa ŋa tsanaghata Lazglafta ta guma.

2 Piyer 3:7

Na luwa nda ghəŋa haɗik ta nghə mu ndanana ná, va tsa gwaɗa Lazglafta ya ta ŋanata, ŋa zaɗanata nda vu. Ŋana ŋa ta həŋ ha sagha fitika guma, ŋa zaɗanatá ghwaɗaka mnduha.

1 Yuhwana 3:8

Mndu ta gɗata ta maga dmaku ná, mista halaway tsa mndu ya, kabga ta maga dmaku halaway daga ka yawu zlrafta ni ta gata. Tsaya kəl Zwaŋa Lazglafta ka saha. Saha ni ta ghəŋa haɗik ná, ŋa zliŋtá slna halaway.

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!