Yuhwana 15:18 - Hdi

¹⁸ Ka *Yesu mantsa: « Ka ta husaŋ husa kuni ta mnduha ta na ghəŋa haɗik na katsi, tiŋəl iʼi ta husaŋtá həŋ ka kaghuni.

Yuhwana 15:18 Mawu Ofanana

1 Yuhwana 3:13

Zwana ma ɗa, ka ta husaŋ husa kuni ta mnduha ma ghəŋa haɗik katsi, yaha da nzakway ka skwa ndərmimay da kaghuni.

Yuhwana 7:7

Haɗ kaghuni ta husaŋtá mnduha wa. Iʼi ná, husaŋ husa yu ta mnduha, kabga ta mnanaŋ mna yu ta slna taŋ kul ɗinaku ta həŋ.

Yuhwana 3:20

Inda mndu ta maga ghwaɗaka skwi, husaŋ husa tsuwaɗak. Haɗ tsa mndu ya dzaʼa walaŋta sagha da tsuwaɗak wu da maravata slna ni duway ta daɓi.

Markus 13:13

Dzaʼa husaŋ husa kuni ta inda mnduha, kabga nzakwa ghuni ka duhwalha ɗa, ama mndu ya dzaʼa kɗanakta suʼafta dzaʼa mbaku, » kaʼa.

Lukwa 6:22

Rfawa rfa ta rfu ka ta husaŋ husa kuni ta mnduha, ka ta vzighunisvza həŋ, ka ta razay həŋ ta kaghuni, ka ta vazay həŋ ta rutsak ta kaghuni kabga vəl zlghafta ghuni ta Zwaŋa mndu.

Mata 10:22

Dzaʼa husaŋ husa kuni ta inda mnduha ta ghəŋa gwaɗa ta iʼi. Ama mndu dzaʼa kɗanakta ná, dzaʼa mbaku.

1 Yuhwana 3:1

Nghawa ka Da mu Lazglafta ɗvutá amu ɓa! Zwana ɗa kəʼa ta hga amu. Manda va tsaya nzakwa ni guli, zwana Lazglafta amu. Tsaw sna a mnduha ma ghəŋa haɗik ta amu wu, kabga sna a həŋ ta Lazglafta wa.

Mata 5:11

Rfu da kaghuni, ka ta rarazay lu ta kaghuni, ka ta gay lu ta iri ŋa ghuni, ka ta vazay lu ta rutsak ta kaghuni ta ghəŋa gwaɗa ta iʼi.

Yakubu 4:4

Fkərwaha na! Sna a kuni kazlay: Ɗvutá ghəŋa haɗik ná, ga ghuma nda Lazglafta ya kəʼa ra? Mndu ya ta kuma ksa gra nda ghəŋa haɗik ná, ta kumay ta nzakway ka ghuma Lazglafta.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

1Mgh 22:8

Ka mghama la Israʼila nda Yəhusafat mantsa: « Ta mamu mndu turtuk dzaʼa laviŋta lu ta snanatá ndana Yawe nda da tsatsi, ama iʼi, husiha husa tsa mndu ya, kabga haɗ ta mnaŋtá skwi ɗina ta ghəŋa iʼi wu, ta ghəŋa ghwaɗaka ni ta mnə tsi. Mihayhu, zwaŋa Yimla ya, » kaʼa. Ka Yəhusafat mantsa: « Ma gwaɗ mgham ta gwaɗa mantsa! » kaʼa.

1 Yuhwana 3:3

Ka si mantsa tsi katsi, inda mndu ta faftá ghəŋa ni ta Kristi ná, dzaʼa waray ta ghəŋa ni da dmaku manda ŋa Kristi kul gatá dmaku ya.

Mata 24:9

« Dzaʼa vla vla lu ta kaghuni ma dzvu ŋa mnduha, ŋa gaghunaptá iri. Dzaʼa psla psla lu ta kaghuni guli. Dzaʼa husaŋ husa kuni ta inda mndəra mnduha ta ghəŋa haɗik kabga gwaɗa ta iʼi.

Yuhwana 16:1

Ka Yesu mantsa: « Managhuna mana yu ta tsa skwiha ya, kada kwala kuni zlanavatá zlghay nda ŋuɗufa ghuni.

Yuhwana 16:33

Managhuna mana yu ta inda tsaha ya, kabga ŋa mutsafta ghuni ta zɗaku ma nzakwa guyata vgha ghuni nda iʼi. Dzaʼa ghuyay mnduha ta ghəŋa haɗik ta ɗaŋwa ŋa ghuni. Ka nzata kuni drusa. Iʼi, ghuɓasap ghuɓasa yu ta mbrakwa na ghəŋa haɗik na, » kaʼa.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.