Yuhwana 15:16 - Hdi

¹⁶ Kaghuni a ta zbaptá iʼi wu, iʼi ta zabaptá kaghuni, ka faghunaghatá slna ŋa magay, ŋa yafta ghuni, ŋa gɗavata tsa yakwa ghuni ya. Mantsa tama, dzaʼa vlaghuna vla Da ɗa ta inda skwi dzaʼa kuni ɗawaŋta nda hga ɗa.

Yuhwana 15:16 Mawu Ofanana

Zlrafta 18:18

Ya wana dzaʼa nzakway Abraham ka dzidza mndəra mndu dagala, nda mbra, nda ma tsatsi dzaʼa mutsafta ndəghata inda mndəra mnduha ta haɗik ta tfa wi.

Mata 21:22

Inda skwi dzaʼa ɗawaŋta kuni nda zlghay nda ŋuɗuf nda ma maga duʼa ná, dzaʼa mutsay kuni, » kaʼa.

Mata 7:7

« Ɗawawa ɗawa dzaʼa vlaghuna vla lu. Zbawa zba dzaʼa mutsay kuni. Gawaga ta zgu dzaʼa gunaghunaguna lu ta wa tgha.

Lukwa 6:13

Tsaɗakwa vla ni, ka hagadaghatá Yesu ta duhwalha ni ta vata ni, ka sliʼadaghatá həŋ. Ka zabaʼatá tsi ta mnduha ghwaŋpəɗ his mataba taŋ, ka tsanaftá tsi ta hgu ta həŋ ka gwal ghunay.

Yuhwana 13:18

Nda kaghuni demdem a ta gwaɗa yu ta tsa gwaɗa ya wu, nda sna yu ta gwal zabap yu. Tsa gwaɗa nda vinda ma defteri ya ná, ɗina ka magata ni mantsa. “Mndu ta zə ŋni ta skwa zay kawadaga nda tsi ta liɗista.”

Yuhwana 15:19

Ka má ŋa na ghəŋa haɗik na kaghuni katsi, má dzaʼa ɗvaf ɗva mnduha ta na ghəŋa haɗik na ta kaghuni, kabga ŋa taŋ kuni mazlay. Zabap zaba yu ta kaghuni, ka hligiŋtá kaghuni mataba mnduha ta ghəŋa haɗik. Ta ka ŋa mnduha ta ghəŋa haɗik a kaghuni wu, kəl kuni ka husaŋtá həŋ.

Yuhwana 15:5

Iʼi fwa inabi, kaghuni dzvuha ni, mndu ta gɗavata ndiʼatani ta iʼi manda iʼi nda tsatsi ya, dzaʼa yaf ya tsatsi rgədzəɓ. Ka haɗ iʼi wu, laviŋ a kuni ta magatá sana skwi wa.

Yuhwana 6:70

Ka Yesu mantsa: « Iʼi a ta ɗagaptá na kaghuni ghwaŋpəɗ his na ra? Nziya nza tsi ná, ka halaway ya turtuk mataba ghuni, » kaʼa nda həŋ.

Slna gwal ghunay 1:24

Ka ndəɓ həŋ ta dzvu, ka həŋ mantsa: « Mghama ɗa, nda sna kagha ta ŋuɗufa inda mnduha. Maraŋna mara ta ya zbap kagha mataba na mnduha his na,

Slna gwal ghunay 1:8

Kaghuni, dzaʼa mutsay kuni ta mbraku sarə Sulkum nda ghuɓa ta ghəŋa ghuni. Ŋa nzakwa ghuni ka masləmtsəka ɗa ma luwa Ursalima, nda ya ta haɗika Zudiya, nda ya ta haɗika Samari, nda ya ta kɗavakta ghəŋa haɗik demdem, » ka *Yesu nda həŋ.

Slna gwal ghunay 10:41

Ŋa tsa aŋni tiŋlaghu Lazglafta ta zbapta ŋa nzakway ka masləmtsəka ni ya. Ŋa tsa aŋni si ta za skwi, ka sa skwi kawadaga nda tsi ya maraŋta tsi ta ghəŋa ni, tahula sliʼagaptani mataba gwal nda rwa ya. Ŋa inda mnduha demdem a maraŋta tsi ta ghəŋa ni wa.

Slna gwal ghunay 22:14

Ka Hananiya nda iʼi guli mantsa: “Zbuzba Lazglafta dzidzíha mu ta kagha daga ghalya ŋa snaŋtá skwi ta kum tsi, ŋa nghaŋta gha ta tsa tɗukwa mndu ya, ŋa snaŋta gha ta gwaɗa vərɗa tsatsi nda wa ni.

Slna gwal ghunay 9:15

Ka Mgham Yesu nda tsi mantsa: « La! Iʼi ta zbaptá tsa mndu ya ŋa ghunay ɗa, ŋa mnanaŋtá hga ɗa ta sanlaha ma mnduha, nda ya ŋa mghamha, mantsa ya guli ŋa mnduha la Israʼila.

La Ruma 1:13

Zwana ma ɗa, ta kumay yu ta snaŋta ghuni kazlay: Nda kɗa fitika ɗa ta zba ɓhadaghata da kaghuni kəʼa, ama kulam gita ta mutsaf a yu ta fitik wa. Ta kumay yu ta ɓhadaghata ɗa ŋa maga slna mataba ghuni, ya dzaʼa kla kaghuni ta kəma ta kəma manda ya ta mag yu mataba sanlaha ma mnduha ta sana haɗikha ya.

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 15:4

Tsaw inda skwi ya vindaf lu ma deftera Lazglafta manda ghalya ná, vindaf vinda lu ŋa gunamatá sləməŋ, kada nzakwa mu nda fata ghəŋ ta Lazglafta, ma lɓa ŋuɗuf nda ksa ŋuɗuf ya ta mnamata gwaɗa Lazglafta.

La Ruma 9:21

Tsa mnda tsafta huzla ya a ta laviŋta maga skwi ya kumaŋ tsi nda tsa rɓisl ya ra? Nda va tsa rɓisla turtuk ya, laviŋ lava ta tsatsaftá huzla ya ŋa maga slna nda tsi baɗu gwaɗa, nda ya ŋa maga slnaha baɗu walaya fitikha.

1Kwa 10:11

Magu maga tsa skwiha ya nda həŋ ŋa snanamtá sanlaha. Ka vindaftá lu ma defteri ŋa gunamaŋtá sləməŋ ta amu gwal ta ndusakta nda kɗakwa na ghəŋa haɗik na.

Galat 1:15

Kulam nda tsa, zbuzba Lazglafta ta iʼi daga ma nzakwa ɗa ma huɗa ma ɗa. Ka zɗəɗiŋtá tsi ta huɗi ka hgaftá iʼi, ŋa ksa slna ni.

Afisus 2:10

Magatá slna Lazglafta na amu na. Vlama vla ta hafu ka lfiɗ ma ndiʼatá amu nda Yesu Kristi ŋa gɗata mu ta maga slnaha ɗina ɗina. Nda ghada payafta Lazglafta manda tsaya, ŋa magay mu.

Kwalus 1:23

Gɗavawagɗa ma zlghay nda ŋuɗuf, dihavawa diha ma gigɗava kuni. Ma dgaghu kuni ta vgha nda Lfiɗa Gwaɗa. Tida fatá ghəŋa mu, ka lu mnamata. Tsa Lfiɗa Gwaɗa ya ná, ŋa inda mndu ta ghəŋa haɗik ta mna lu. Nana iʼi Pwal na ná, mna tsa Lfiɗa Gwaɗa ya slna ɗa.

Kwalus 1:6

Manda va ya ɓhadagha tsa Lfiɗa Gwaɗa ya da kaghuni ya ná, mantsa ya tata tsi ta ghəŋa haɗik demdem. Ndaɗaʼa tfa wi ta klakta tsi wa. Mantsa ya nzakwa ni guli da kaghuni daga baɗu tsuʼafta ghuni ka snaŋtá kuni ta zɗakatahuɗa Lazglafta kahwathwata.

1Tim 2:7

Ŋa tsaya kəl lu ka fatá iʼi ka mnda mnay, ka mnda ghunay guli. Nda nza yu ka mnda taghanaftá gwal kul nzakway ka la Yahuda ta gwaɗa ta zlghay nda ŋuɗuf, nda kahwathwata. Tsakalawa ɗa a wu, kahwathwata ta mnə yu.

2Tim 1:11

Ŋa mna tsa Lfiɗa Gwaɗa ya ŋa gwal kul nzakway ka la *Yahuda fata Lazglafta ta iʼi ka mnda ghunay, ka taghay ɗa ŋa taŋ.

2Tim 2:2

Skwi ya snaŋ ka da iʼi ta kəma ndəghata masləmtsəkha ya, taghanaf tagha ta ŋərma mnduha ta laviŋtá taghanaftá sanlaha guli.

Titus 1:5

Zlagha zla yu ma luwa Kret ŋa payanata gha ta skwiha ta paɗaku. Ka zabapta ka ta gwal ngha *Igliz ma inda luwa manda ya taghaghaf yu.

Hebru 11:4

Nda ma zlghay nda ŋuɗufa ni klafta Abel ta skwa pla ghəŋ ta malaghutá ɗinaku ka ŋa Kayinu, ka vlaŋtá Lazglafta. Tsa zlghay nda ŋuɗufa ni ya kəl Lazglafta ka klafta ka mndu tɗukwa, kabga tsuʼaf tsuʼa ta tsa skwi vlaŋ tsi ya. Nda mta Abel má mndani, ama kabga zlghay nda ŋuɗufa ni ná, tata gwaɗa tsatsi.

Yakubu 3:18

Gwal ta ɗva zɗaku ná, zɗaku ŋa taŋ ta sləgay, yakwa ni ya ta mutsu həŋ ná, tsaya nzaku tɗukwa.

1 Piyer 3:15

Fafwa fa ta ghəŋa ghuni ta *Yesu *Kristi turtukwa ni, ka ga tsi ta mgham ma ŋuɗufa ghuni. Fata kaghuni ta ghəŋa ghuni ŋa ghuni ŋa zlgha wi da inda gwal ta ɗawaghunata ka kabgawu kəl kaghuni ka faftá ghəŋa ghuni ta Yesu Kristi.

1 Piyer 3:2

Dzaʼa nghaŋ ngha həŋ ta ŋərmata nzakwa ghuni, nda ya ká kuni ta sna gwaɗa da həŋ.

1 Yuhwana 4:10

Tiŋəl Lazglafta ta ɗvutá amu ka ghunagatá tsi ta Zwaŋa ni ka saha da mtuta ŋa pla ghəŋ ŋa plamata Lazglafta ta dmakwa mu. Tsaya na vərɗa ɗvutá mndu, da thə amu kazlay: Tiŋəl amu ta ɗvutá Lazglafta kəʼa.

1 Yuhwana 4:19

Amu ná, ɗvu ɗva mu ta Lazglafta kabga tiŋəl tsatsi ta ɗvuta amu.