Yuhwana 15:12 - Hdi

¹² Wya zlaha ɗa ta mnaghunata yu, ɗvuwa ɗva ta vgha ghuni sani nda sani manda va ya ɗvu iʼi ta kaghuni ya.

Yuhwana 15:12 Mawu Ofanana

Yuhwana 13:34

Wana lfiɗa zlahu ta vlaghunata yu. Ɗvuwa ɗva ta vgha ghuni sani nda sani. Manda va ya ɗvu iʼi ta kaghuni ya, ɗvuwa ɗva kaghuni guli ta vgha ghuni sani nda sani.

Yuhwana 15:17

Skwi ta mnaghunata yu ná, ka ɗvuta kuni ta vgha ghuni sani nda sani, » kaʼa.

La Ruma 12:10

Manda zwana ma ka kuni ɗvuvustá vgha ghuni mataba ghuni. Ŋavawa ŋa ta tiŋlaghuta vlaŋtá glaku ta sani ta ghəŋa ghuni.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

1Tes 3:12

Kaghuni ya guli, má ka sgaghunagha sga Mgham Yesu ta tsa ɗvu mataba ghuni ya, nda ya ta mag kuni ŋa inda sanlaha ma mnduha ya guli, ka nzakwa tsi manda va ya ta ɗvu aŋni ta kaghuni ya.

1Tes 4:9

Ta ghəŋa ɗvuvusta ghuni ta ghəŋa ghuni ná, ta dzaʼa vindaghunafta nda vinda a lu wu, kabga ghada ghada Lazglafta ka ghəŋa ni ta taghaghunafta.

2Tes 1:3

Zwana ma ɗa, haɗ ŋni ta zlaŋta rfanaghatá Lazglafta ta ghəŋa kaghuni wa. Nda nza tsaya tɗukwa, kabga ta dzaʼa ta kəma ta kəma zlghay nda ŋuɗufa ghuni, nda ɗvu ta dzaʼa ta kəma ta kəma ta mag inda kaghuni ŋa sanlaha ya.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Piyer 3:8

Ŋa kɗiŋta ná, guyawa guyatá ndana ghuni ka skwa turtuk, tawavuswa hiɗahiɗa, ɗvuvuswa vgha ghuni ka zwana ma nda kwaghama, magawa zɗaku nzawa nza nda hanatá ghəŋ.

1 Piyer 4:8

Mali ma inda skwi ná, tsaya gɗavata ghuni nda ɗvuvustá vgha nda ŋuɗuf turtuk sani nda sani, kabga ta tiŋway ɗvu ta mndu ŋa plinistá ndəghata dmakwa mnduha.

1 Yuhwana 3:23

Ká tsa zlaha Lazglafta ya ta mnay na: « Fafwa fa ta ghəŋa ghuni ta hga Yesu Kristi zwaŋa ni, ka ɗvuvusta kuni ta vgha ghuni sani nda sani, » ka zlaha ni ta mnamata.

1 Yuhwana 4:21

Ka ɗvu ɗva yu ta Lazglafta ka mndu katsi ná, ka ɗvu ɗva tsi ta zwaŋama ni guli, ka zlaha Kristi mnata.

2 Yuhwana 1:5

Ari makwa ta rka, ya lfiɗa zlahu a na skwi ta vindaghafta na wu, va tsa zlahu da amu daga manda zlrafta mu ta zlghaftá gwaɗa Lazglafta yeya. Skwi ta ndəɓu yu ta dzvu da kagha ná, ɗvumaɗva amu gwal ta zlghafta Kristi ta vgha mu.