Yuhwana 14:6 - Hdi

⁶ Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 14:6 Mawu Ofanana

Mata 11:27

« Da ɗa ta vliha ta inda skwi. Haɗ sana mndu nda sna ta Zwaŋ wa, ba Da yeya nda sna. Haɗ sana mndu nda sna ta Da guli wa, ba Zwaŋ yeya nda sna, nda mndu ta kum Zwaŋ ta maranata, » kaʼa.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 1:17

Nda ma dzva Musa vlata Lazglafta ta zlahu, ka sagha zɗakatahuɗi nda kahwathwata nda da *Yesu *Kristi.

Yuhwana 1:4

Ma tsatsi zlrafta hafu. Tsa hafu ya ta nzakway ka tsuwaɗaka mnduha.

Yuhwana 10:28

Ta vlaŋ vla yu ta hafu ŋa kɗekedzeŋ ta həŋ. Haɗ həŋ dzaʼa walaŋta zwaɗuta wu, haɗ mndu dzaʼa hlaptá həŋ ma dzva ɗa guli wa.

Yuhwana 10:7

Ka *Yesu nda həŋ guli mantsa: « Kahwathwata ka yu ta mnaghunata, iʼi wa tgha gamaka tuwakha.

Yuhwana 10:9

Iʼi wa tgha gamaka tuwak, ka lam la mndu nda ta iʼi, dzaʼa mbaku. Dzaʼa laviŋ lava ta lami ka sabi, ŋa mutsafta ni ta skwa zay ni.

Yuhwana 14:19

Ta ɓats nzɗa ɗa, nghaŋta a mnduha ma ghəŋa haɗik ta iʼi wa. Kaghuni ya, dzaʼa nda ngha kuni ta iʼi, kabga ta nzaku nda hafu iʼi, dzaʼa nzata nda hafu kaghuni guli.

Yuhwana 15:1

« Iʼi vərɗa fwa inabi, Da ɗa mnda hvay.

Yuhwana 18:37

« Tsaw va mgham kagha rke? » ka Pilat nda tsi. « Manda va tsa mna ka ya, Mgham yu. Yaya lu ta iʼi ŋa sagha mnaŋtá kahwathwata ma na ghəŋa haɗik na. Inda mndu ta nzakway ka ŋa kahwathwata ná, ta snay ta gwaɗa ɗa, » ka Yesu.

Yuhwana 5:21

Manda ya ta sliʼaganapta Da ta gwal nda rwa nda hafu ya, mantsa ya ta vlaŋta zwaŋ ta hafu ŋa mndu ta kum tsi.

Yuhwana 6:33

Tsa Buradi vlaga Lazglafta ya ná, tsa ta saha ta luwa ta vla hafu ŋa mnduha ta ghəŋa haɗik yeya, » kaʼa nda həŋ.

Yuhwana 6:51

Iʼi buradi ta vla hafu ta saha daga ta luwa. Kata zay mndu ta tsa buradi ya, dzaʼa nzaku tsa mndu ya nda hafu ŋa kɗekedzeŋ. Tsa buradi ta vlə yu ya ná, sluʼuvgha ɗa ya. Dzaʼa vlay yu, kada nzakwa mnduha ta ghəŋa haɗik nda hafu, » ka Yesu nda həŋ.

Yuhwana 6:57

Tsa Da ta ghunigihata ya ná, nda hafu mida. Nda tsatsi ta nzakwa iʼi nda hafu. Mantsa ya guli ka ta zay mndu ta iʼi, dzaʼa nza nza nda hafu.

Yuhwana 6:68

Ka Simuŋ *Piyer mantsa: « Mghama ɗa! Da wa ta dzaʼa ŋni? Ya wana mamu gwaɗa hafu ŋa kɗekedzeŋ da kagha.

Yuhwana 8:32

Dzaʼa nda sna kuni ta kahwathwata, ŋa vlaghunata tsa kahwathwata ya ta nzaku nda platá vgha, » kaʼa

Yuhwana 8:51

Kahwathwata ka yu ta mnaghunata, mndu ta snatá skwi ta tagh yu, haɗ dzaʼa mtuta ɗekɗek wa, » kaʼa nda həŋ.

Slna gwal ghunay 3:15

Ka dzatá kuni ta mndu ya nda hafu da tsi. Tahula dzata ghuni, ka sliʼaganaptá Lazglafta mataba gwal nda rwa. Ma tsa sliʼagapta sliʼagap tsi ya ná, nda nza aŋni ka masləmtsəka ni.

Slna gwal ghunay 4:12

Ma tsatsi ta mutsakwa hafu, kabga haɗ sana mndu ta ghəŋa tsatsi vlaga Lazglafta ta ghəŋa haɗik tender ŋa mba amu wu, » kaʼa.

Slna gwal ghunay 9:2

ŋa ɗawaftá ɗelewer ŋa dzaʼa ni vlaŋtá la maliha ma həga tagha skwa la *Yahuda ma luwa Damas. Tsa ɗelewer ya dzaʼa vlaŋtá tvi, ka slanagha sla tsi ta gwal zlghay nda ŋuɗuf hada, ŋa kasaftani ta həŋ ka hlakta da luwa Ursalima.

La Ruma 15:16

ka faftá iʼi ka kwalva *Yesu *Kristi mataba gwal kul nzakway ka la *Yahuda. Ka faghutá tsi ta iʼi ŋa mna Lfiɗa Gwaɗa ni, ŋa nuta gwal kul nzakway ka la Yahuda ka skwi vlaŋ lu ta zɗəganatá Lazglafta. Sulkum nda ghuɓa ta nanaftá tsa skwi ya vla lu ya ka skwi ta raŋta Lazglafta.

La Ruma 5:2

Nda ma tsa Yesu Kristi ya mutsafta mu ta zɗakatahuɗa Lazglafta nda ma zlghafta mu nda ŋuɗuf. Ta tsa zɗakatahuɗi ya sladafta amu ka rfu, kabga nda fa ghəŋa mu ta gwata Lazglafta nda amu ma glakwa ni.

La Ruma 5:21

Manda va nzakwa gay dmaku ta mgham nda ma mtaku ya ná, manda va tsaya ta ga zɗakatahuɗa Lazglafta ta mgham nda ma nzaku tɗukwa ŋa mutsa hafu ŋa kɗekedzeŋ nda ma Yesu Kristi Mghama mu.

1Kwa 15:45

Manda ya nda vinda ma deftera Lazglafta na: « Adamu taŋtaŋa mnda səla vuslanam Lazglafta ta hafu. » Mahisa *Adamu ta nzakway ka *Kristi ya ná, ta luwa saha tsatsi, tsatsi ta vla hafu ŋa mnduha.

Afisus 2:18

Əŋkaʼ a ka Kristi kəl amu demdem, kaghuni nda aŋni tani, ka laviŋta ndusanavatá Lazglafta ta nzakway ka Da, nda ma tsa Sulkum nda ghuɓa turtuk ya.

Kwalus 2:17

Inda tsaha ya ná, nda nza ka sulkuma skwi dzaʼa sagha nda sa. Vərɗa ni tama ná, Kristi ya.

Kwalus 2:9

Inda glakwa Lazglafta ná, nzamə ma Kristi.

Kwalus 3:4

Vərɗa hafa ghuni ná, Kristi ya. Baɗu da zlagapər tsi, dzaʼa zlagaku kaghuni guli kawadaga nda tsi. Tekw kaghuni ma glakwa ni dzaʼazlay.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

Hebru 9:8

Mantsa ya kumaŋta Sulkum nda ghuɓa ta mnamaŋta kazlay: Haɗ tvi ŋa lami da tsa huɗi nda ghuɓa katakata ya, ka ta gɗava gɗa tsa taŋtaŋa huɗi ya wa.

1 Piyer 1:21

Nda ma tsatsi zlghafta kuni ta Lazglafta ya ta sliʼaganapta ma mtaku mataba gwal nda rwa, ka vlaŋtá glaku. Tsaya kəl kuni ka zlghafta, ka faftá ghəŋa ghuni ta Lazglafta.

1 Piyer 2:4

Gavanavawagava ta Mgham Yesu Kristi. Tsatsi tsa pala ta vla hafu wuɗidiŋ mnduha ya. Tsatsi zbap Lazglafta ta hemanata inda skwi ta wa ira ni.

1 Piyer 3:18

Mantsa ya luta tsi guli nda Yesu Kristi, tsatsi ta nzakway ka tɗukwa mndu, ka mtutá tsi turtuktuk ta ghəŋa ghwaɗaka mnduha, ŋa ɓhadamaghata da Lazglafta. Ma nzakwa ni ma sluʼuvgha dzata lu, ka nzaku tsi nda hafu ma Sulkum.

1 Yuhwana 1:8

Ka haɗ mu ta ga dmaku wu ka mu katsi ná, nana ghəŋa mu ta nanə mu, haɗ kahwathwata ma amu nda tsa wa.

1 Yuhwana 2:23

Dər wati ma mndu ta vziŋtá Zwaŋa Lazglafta ná, haɗ tva ni ŋa nzuvta nda Lazglafta ta nzakway ka Da ni wa. Ala dər wati ma mndu ta mnay baŋluwa kazlay: Yesu ná, Zwaŋa Lazglafta ya kəʼa, nda nza nzakwa ni nda Lazglafta ta nzakway ka Da ni guli.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.

1 Yuhwana 5:6

*Yesu *Kristi ná, sasa ta ghəŋa haɗik, ka lam tsi nda ma ima batem, ka pghiŋtá tsi ta usa ni ma mtakwa ni. Lami nda ma ima batem kweŋkweŋ yeya wu, pghiŋ pgha ta usa ni guli. Sulkuma Lazglafta ta mnamatá tsa skwiha ya kazlay: Mantsa ya nzakwa ni kəʼa, kabga haɗ tsatsi ta tsakalawi wa.

2 Yuhwana 1:9

Dər wati ma mndu ta kwal kul ŋanatá tagha skwa Kristi, ka tsanaghatá ŋa ni nda tsa, ta ndiʼa a nzakwa ni nda Lazglafta wa. Ala ka gɗava gɗa mndu ma tagha skwi taghanaf Kristi katsi ná, nda ndiʼa nzakwa tsa mndu ya nda Da mu Lazglafta nda ya nda Yesu Kristi Zwaŋa ni.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 19:11

Tahula tsa, ka nghaŋtá yu ta gunatá luwa, gi ka zlagapta sana plis ka ŋusliŋ. Ŋərma mndu nda vərɗa mndu ta hga lu ta tsa mndu ta tsa plis ya. Tɗukwa ta tsatsi ta guma, tɗukwa ta vula tsi ta vulu guli.

Suna Yuhwana 20:15

Ka slanagha a lu ta vindatá ta hga dər wati ma mndu ma tsa deftera hafu ya wu katsi, dzaʼa klaf kla lu ta tsa mndu ya ka vzaghata da duda vu.

Suna Yuhwana 22:1

Tahula tsa, ka marihatá tsa duhwala Lazglafta ya ta ghwa ima ta vla hafu, ta wuɗaku manda dalagar, ta mbəzagapta ma dughurukwa i Lazglafta nda Zwaŋa Tuwak,

Suna Yuhwana 22:17

Ka i Sulkum nda makwamidzi mantsa: « Sagha sa, » ka həŋ. Ka inda mndu ya ta snay guli mantsa: « Sagha sa, » kaʼa. Mndu ya ta kuzlaŋta ndala, ka sawi tsi da sa ima hafu, dzaʼa vlaŋ vla lu ka mbalay.

Suna Yuhwana 3:14

« Vinda ŋa duhwala Lazglafta ta nzakway ka ŋa *Igliz ma luwa Lawdikiya. « Wya gwaɗa ta mnə mndu ta hgə lu ka Amin. Mndu ya ta nzakway ka vərɗa tughwa ni nda kahwathwata ni. Nda ma tsatsi magafta Lazglafta ta inda skwi demdem.

Suna Yuhwana 3:7

« Vinda ŋa duhwala Lazglafta ta nzakway ka ŋa *Igliz ma luwa Filadelfi. « Wya gwaɗa ta mnə mndu ya nda ghuɓa. Tsatsi kahwathwata, tsatsi ta ŋanata makuɓla mgham Dawuda. Ka guna guna tsi, haɗ wa mndu ka hafta wa. Ka haf ha tsi guli, haɗ wa mndu ka gunata guli wa.