Yuhwana 14:2 - Hdi

² Nda ndəgha vla nzaku ma həga ga Da ɗa, ka má haɗ tsi mantsa wu, má mnaghuna mna yu. Dzaʼa nda sliʼa yu da payaghunatá vli.

Yuhwana 14:2 Mawu Ofanana

Lukwa 14:22

Tahula magata ni, ka vradaghatá tsi. “Mghama ɗa, nda maga tsa skwiha mna ka ya kay, tsaw ta tekeʼa vla nzakuha, kaʼa.”

Yuhwana 13:33

Zwana ɗa, ta ɓats yeya nzɗa ɗa kawadaga nda kaghuni, dzaʼa zbay kuni ta iʼi. Manda va ya mnana yu ta la *Yahuda kazlay: Laviŋ a kuni ta ɓhata ma vli ta dzaʼa yu wu kəʼa ya, manda tsaya ta mnaghunaŋta yu ta kaghuni guli ndana.

Yuhwana 13:36

Ka *Piyer mantsa: « Mghama ɗa! dzaʼa diga ka na? » kaʼa nda tsi. « Laviŋ a ka ta ɓhata da tsa vli ta dzaʼa yu ya ndanana wu, dazlay ya, dzaʼa ɓhaɓha ka mista ɗa, » ka *Yesu nda tsi.

Yuhwana 14:28

Nda sna kuni ta gwaɗa mnaghuna yu kay, “nda sliʼa yu, dzaʼa vragagha vra yu da kaghuni.” Ka ta ɗvay kuni ta iʼi katsi ná, dzaʼa rfay kuni ta rfu ta ghəŋa má snaŋta ghuni kazlay: Nda sliʼa yu da Da kəʼa, kabga mal Da ka iʼi.

Yuhwana 16:4

Kaʼa guli mantsa: « Ka sagha sa tsa fitik ya, dzaʼa havak hava kuni ta skwiha managhuna yu. Tsaya kəl yu ka managhunatá tsaha ya. Ta kawadaga yu nda kaghuni kwal yu ka mnaghunata daga taŋtaŋ.

Yuhwana 17:24

Da! Tsəna mnduha vliha ka na ná, ta kumay yu ta nzakwa taŋ ma vli ya nza iʼi, ŋa nghay taŋ ta glakwa ɗa ya vliha kagha, kabga ɗvu ɗva ka ta iʼi daga ta kul zlraftá ghəŋa haɗik.

Slna gwal ghunay 9:16

Dzaʼa maranaŋ mara iʼi ka ghəŋa ɗa, ta inda ghuya ɗaŋwa ya tkweʼ dzaʼa tsi ghuyay ta ghəŋa hga ɗa, » kaʼa.

2Kwa 5:1

Nda sna mu kazlay: Ka zliŋ zla lu ta na dumbi ta nzaku mu mida na katsi ná, dzaʼa bamaf ba Lazglafta ta sana həga ta luwa kəʼa. Ta ghəŋa vgha mu dzaʼa vlamata Lazglafta ŋa kɗekedzeŋ ta luwa ya ta gwaɗa yu ta tsa gwaɗa ya.

1Tes 5:9

Pəgha a Lazglafta ta amu ŋa ghuzlamap ta iri wa. Hgaf hga ta amu ŋa mbamafta nda ma Mghama mu *Yesu *Kristi.

Titus 1:2

Ŋa nzakwa taŋ nda fatá ghəŋ ta mutsa hafu ŋa kɗekedzeŋ, kabga ghada ghada Lazglafta kul haɗ ta tsakalawi ta tamaftá imi ta sləməŋ, ma kɗaku tsi ka tsaftá ghəŋa haɗik.

Hebru 11:10

Ka nzatá Abraham ka kəzla tsa luwa dihana Lazglafta ta tughwa ni ya. Lazglafta ka ghəŋa ni ta garafta, tsatsi mnda bafta guli.

Hebru 13:14

kabga ta na ghəŋa haɗik na a luwa amu ŋa kɗekedzeŋ wa. Ama luwa dzaʼa nzakway ŋa kɗekedzeŋ ŋa amu ta pahay.

Hebru 6:20

Da hada tiŋlaghuta *Yesu ta lami ka amu, ŋa nzaku ŋa kɗekedzeŋ ka mali ta ghəŋa gwal dra skwi ŋa Lazglafta manda ŋa Melkisedek ya.

Hebru 9:8

Mantsa ya kumaŋta Sulkum nda ghuɓa ta mnamaŋta kazlay: Haɗ tvi ŋa lami da tsa huɗi nda ghuɓa katakata ya, ka ta gɗava gɗa tsa taŋtaŋa huɗi ya wa.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 21:2

Ka gi nghaŋtá yu ta saha luwa dagala nda ghuɓa, ta nzakway ka luwa Ursalima ta luwa daga da Lazglafta. Nda rka rka ni manda makwa ta dzaʼa da zəʼal.

Suna Yuhwana 3:12

« Dzaʼa nanaf na yu ta mndu ta zata ghwa ka guguɗi ma həga Lazglafta ɗa. Haɗ dzaʼa walaŋta sabi mida wa. Dzaʼa vindaf vinda yu ta hga Da ɗa nda hga luwa Da ɗa tani tida. Tsa luwa ya ná, lfiɗa Ursalima ya dzaʼa saha ta luwa, ghunaf Lazglafta. Dzaʼa vindaf vinda yu guli tida ta lfiɗa hgu ya mutsaf yu.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.