Yuhwana 14:12 - Hdi

¹² Kahwathwata ka yu ta mnaghunata, mndu ta zlghaftá iʼi, dzaʼa magay tsatsi guli ta slna ta mag yu. Dzaʼa magay ka malaghuta kabga nda sliʼa iʼi da Da ɗa.

Yuhwana 14:12 Mawu Ofanana

Mata 21:21

Ka Yesu nda həŋ mantsa: « Kahwathwata ka yu ta mnaghunata, ka zlghaf zlgha kuni ta Lazglafta nda ŋuɗuf dgaŋ a kuni ta ghəŋ ɗekɗek wu katsi ná, skwi magana lu ta na ghuraf na yeya a dzaʼa kuni magay wa: “Ama, sliʼaf sliʼa hada ka vzamta ka ta vgha da drəf,” ka kuni dzaʼazlay nda ya ghwá ya ná, dzaʼa magaku manda va tsaya.

Markus 11:13

Ka nghaŋtá tsi ta sana ghuraf manda a nda sləhwa tbukw tida. Ka lab tsi nghanata, ka dzaʼa slanaghar slanagha a wa yu ta zwaŋ tida kəʼa. Lagha ni ta vata tsa fu ya, kəʼa kəʼa ná, sləhwa yeya tida, kabga ta fitika yakwa ghuraf a wa.

Markus 16:17

Wya ŋizla dzaʼa maraŋtá gwal ta zlghaftá iʼi: Nda hga ɗa, dzaʼa ghazlay həŋ ta duhwalha halaway ma mnduha, dzaʼa gwaɗay həŋ ta sana Lfiɗa Gwaɗa.

Yuhwana 14:28

Nda sna kuni ta gwaɗa mnaghuna yu kay, “nda sliʼa yu, dzaʼa vragagha vra yu da kaghuni.” Ka ta ɗvay kuni ta iʼi katsi ná, dzaʼa rfay kuni ta rfu ta ghəŋa má snaŋta ghuni kazlay: Nda sliʼa yu da Da kəʼa, kabga mal Da ka iʼi.

Yuhwana 16:7

Kahwathwata na skwi ta mnaghunata yu na. Mal ma na laghu dzaʼa laghu yu na kata ta kaghuni. Ka laghu a yu wu, sata a tsa mndu dzaʼa kata kaghuni ya da kaghuni wa. Ka laghu la yu, dzaʼa ghunaga ghuna yu.

Yuhwana 4:37

Tsa mahdihdi mnə lu kazlay: Slgadatá slgayslgay ŋa sani, tskatá tskaytskay ŋa sani kəʼa ya ná, kahwathwata nzakwa ni.

Yuhwana 5:20

Ta ɗvay Da ta zwaŋ. Tsaya ta kəl tsi ka maranaŋtá inda skwi ta mag tsi, ŋa maranaŋta ni ta slnaha ta malaghutá nana, kada nghaŋta kuni ta skwa ndərmimay.

Yuhwana 7:33

Ka Yesu mantsa: « Ta tekeʼa nzɗa ɗa kwitikw da kaghuni, kada vra yu da mndu ta ghunɗikta.

Yuhwana 7:39

Tsaya ná, ta gwaɗ ta ghəŋa Sulkum dzaʼa tsuʼu gwal dzaʼa zlghaftá tsatsi ta tsa gwaɗa ya. Ta vla a lu ta Sulkum karaku ma tsa fitik ya wu, kabga ta kapanaf a lu karaku ta Yesu ma glakwa ni wa.

Slna gwal ghunay 10:46

Ka snə həŋ ta gwaɗay tsa mnduha ya ta gwaɗa nda sanlaha ma gwaɗa. Ka zləzlvu həŋ ta glakwa Lazglafta. Ka Piyer mantsa:

Slna gwal ghunay 16:18

Nda za fitikha ni ta mna tsa gwaɗa ya tama, ka psanaghatá tsi ta Pwal. « Nda hga *Yesu *Kristi, sab sa ma na makwa na, » kaʼa nda tsa ghwaɗaka sulkum mida ya. Ka gi sab tsi mida hada hada.

Slna gwal ghunay 19:12

Tsaya ta kəl lu ka klaftá lgut nda salawar ya ta ksaŋtá vgha Pwal tazlay, ka klaŋtá gwal kul ɗughwanaku ŋa ksaŋtá həŋ, ŋa saghwa tsa ɗaŋwa nda ghwaɗaka sulkum ya tani ma həŋ.

Slna gwal ghunay 2:33

Ka kapanaftá Lazglafta ka nzanata nda ga zeghwa ni. Ka zlghafta tsi da Da ta tsa Sulkum nda ghuɓa tamaf lu ta imi ta sləməŋ ya, ka pghaŋnaghatá tsi. Tsaya skwi ta nghə kuni nda ya ta snə kuni ndanana ya.

Slna gwal ghunay 2:41

Nda ndəgha gwal ta zlghaftá tsa gwaɗa Piyer baɗu tsaya. Ka maganaftá lu ta batem ta həŋ. Tsa mnduha ta sgavaghata ta ghəŋa gwal zlghay nda ŋuɗuf baɗu tsaya ná, ta magay həŋ ta dəmbuʼ hkən.

Slna gwal ghunay 4:16

Ka həŋ mantsa: « Waká mu dzaʼa magay nda na mnduha na na? Wana nda sna inda mnduha ma Ursalima kahwathwata kazlay: Hahəŋ ta magatá tsa mazəmzəm ya kəʼa, laviŋ a amu ta waɗay guli wa.

Slna gwal ghunay 4:33

Nda kuzla nda kuzla ta gwaɗa gwal ghunay ta gwaɗa ta sliʼagapta Mgham *Yesu. Ka tfə Lazglafta ta wi ta ghəŋa taŋ demdem.

Slna gwal ghunay 4:4

Tsaw mataba tsa gwal ta snaŋtá tsa gwaɗa gwal ghunay ya, nda ndəgha həŋ ta zlghafta. Ta magay mbsaka taŋ ta dəmbuʼ hutaf.

Slna gwal ghunay 5:15

Ta hlak hla lu ta gwal kul ɗughwanaku, ka pghatá həŋ ta wa tvi ta kativiŋ nda ya ta pəta, ŋa lanaghata dər sulkuma *Piyer yeya tsi ta sanlaha ma həŋ ta lab tsi ta tvi.

Slna gwal ghunay 6:7

Ka sgavaghatá tutá gwaɗa Lazglafta. Ka sgavaghatá gwal zlghay nda ŋuɗuf ma luwa Ursalima. Nda ndəgha gwal dra skwi ŋa Lazglafta katakata ta faftá ghəŋa taŋ ta *Yesu guli.

Slna gwal ghunay 8:7

kabga ta sliʼagap sliʼa ghwaɗaka sulkumha nda dza lili ma ndəghata mnduha. Nda ndəgha gwal nda raghwa, nda gwal matavaghu səla taŋ ta mbambafta.

Slna gwal ghunay 9:34

Ka Piyer nda tsi mantsa: « Ayniya! *Yesu *Kristi ta mba kagha. Sliʼaf sliʼa ka payanata ka ta ghəzləŋa gha, » kaʼa. Ka gi sliʼaftá Ayniya.

Slna gwal ghunay 9:40

Ka Piyer nda inda mndu ma həga mantsa: « Labwa la dzibil, » kaʼa. Ka saghu həŋ. Tahula tsa, ka tsəlɓatá Piyer ka maga duʼa. Ka mbəɗavatá tsi təv mbli. Kaʼa mantsa: « Tabita, Sliʼaf sliʼa! » kaʼa. Ka gunaŋtá Tabita ta iri. Nghaŋta ni ta Piyer, ka sliʼavatá tsi ka nzata nda nza.

La Ruma 15:19

Nda ya nda ma mazəmzəmha nda mandərmimiha, nda mbrakwa Sulkuma Lazglafta magata tsi. Zlraf ma luwa Ursalima yu ta tuza tsa *Lfiɗa Gwaɗa ta Kristi ya ka laghu dikw ta haɗika Iliri.