Yuhwana 13:8 - Hdi

⁸ « Kadzeŋkadzeŋ, haɗ ka ta walaŋtá mbaza səla ɗa wu, » ka Piyer nda tsi. « Ka mbazagha a yu ta səla gha wu, haɗ ima gha ma iʼi wu, » ka Yesu nda tsi.

Yuhwana 13:8 Mawu Ofanana

Zlrafta 42:38

« Kadzeŋkadzeŋ, haɗ zwaŋa ɗa ta laha mista ghuni wa. Mtu mta zwaŋama ni, tsatsi turtuktuk pɗakwa ni. A ka lagha skwi ka slanaghata ta tvi ta lab kuni, kaghuni dzaʼa kladatá na ɓata ghəŋa ɗa na da haɗik ma ŋərata ŋuɗuf, » ka Yakubu.

2Sam 20:1

Mamu sana falaya mndu hada ma Gilgal ta hgə lu ka Seva, zwaŋa Bikri, mnda la Biŋyamiŋ ya. Ka vyatá tsi ta duli, kaʼa mantsa: « Haɗ skwi ta nghaŋnaghatá aŋni nda Dawuda wa. Haɗ aŋni ta zuvustá həga nda tsa zwaŋa Yisay ya wa. Ariwa la Israʼila, ka vra dər wa dzagha ni! » kaʼa.

1Mgh 12:16

Nghadapta inda la Israʼila ná, fana a mgham ta sləməŋ ta həŋ ka sna skwi ta ɗaw həŋ wu, ka mnduha zlghanaftá wi ta mgham mantsa: « Nahgani ŋa ŋni nda Dawuda na? Haɗ ŋni ta zuvustá həga nda tsa zwaŋa Yisay ya wa! Ariwa la Israʼila, ka vra dər wa dzagha ni! Ndanana, nghap ngha ka həga gha a Dawuda! » ka həŋ. Ka varaghutá la Israʼila dzagha taŋ.

Mata 16:22

Lagha *Piyer ka ksaghutá Yesu nda ghəŋa ni ta slərpa vli, ka dvanaghata: « Ka kliŋ kla Lazglafta ta tsaya Mghama ɗa. Ma walaŋ tsaya ta slaghaghata, » kaʼa.

Mata 21:29

“La a yu wu,” kaʼa. Tahula tsa, ka ndanglaptá tsi ka sliʼafta ka laghu da vwah.

Mata 26:33

Ka *Piyer nda tsi mantsa: « Dər ma dzaʼa hwayaghu hwaya lamndu ka zlavaghata ná, haɗ iʼi dzaʼa walaŋta hwayaghuta ka zlavaghata wu, » kaʼa.

Mata 26:35

« Dər ŋa mtuta ɗa kawadaga nda kagha tsi, haɗ yu dzaʼa mnay kazlay: Sna a yu ta kagha wu kəʼa wu, » ka Piyer. Manda va tsaya ka inda sanlaha ma duhwalha ni mnata guli.

Yuhwana 13:6

Ka lagha tsi ta Simuŋ *Piyer. Ka Simuŋ Piyer mantsa: « Mghama ɗa! Kagha ná, ŋa mbaza səla ɗa! » kaʼa nda tsi.

Yuhwana 13:9

Kaʼa mantsa: « Mghama ɗa! Səlaha ɗa kweŋkweŋ a dzaʼa ka mbazihata tama wu, nda dzvuha ɗa nda ghəŋa ɗa tani, » ka Simuŋ Piyer nda tsi.

Yuhwana 3:5

Ka Yesu mantsa: « Kahwathwata ka yu ta mnaghata, ka ya a lu ta mndu nda imi nda Sulkum wu katsi, laviŋ a ta walaŋtá lami da ga mghama Lazglafta wa.

Slna gwal ghunay 22:16

Ndanana, haɗ sana skwi ŋa kzləgəlta gha wa. Sliʼaf sliʼa, sawi ka magaghafta lu ta batem, ka ghuɓata dmakwa gha nda ma hgaŋta gha ta Mgham Yesu,” » kaʼa.

1Kwa 6:11

Manda tsaya si nzatá nzakwa sanlaha mataba ghuni ghalya. Ndana tama, Sulkuma Lazglafta mu ta ghuɓaghunata, ka nzatá kuni hezleʼ, ka naghunafta ka ŋərma mndu kabga zlghafta ghuni ta Mghama mu *Yesu *Kristi.

Afisus 5:26

Mtu mta ta ghəŋa ni, ka ghuɓiŋtá tsi nda imi nda ma gwaɗa ni kada nzakwa tsi hezleʼ.

Vrafta ta zlahu 12:12

Dzaʼa nzakway kuni ma rfu ta kəma Yawe, Lazglafta ghuni, kaghuni, nda zwana ghuni, nda kwagha ghuni, nda kwalvaha ghuni, nda kurɗuha ghuni. Mantsa ya la Levi ta nzakw ma luwaha ghuni guli, kabga haɗ mayaka hahəŋ ma za həga kawadaga nda kaghuni wa.

Kwalus 2:18

Yaha kuni zlanaŋtá ghəŋa ghuni ta sanlaha ma mnduha, tsa gwal ta tsəlɓu ta kəma duhwalha Lazglafta ta mna gwaɗa ta ghəŋa mazəmzəmha nghaŋ həŋ manda skwi ma suni ya, da ŋraptá həŋ ta kaghuni. Tsa mnduha ya ná, ndana mnda səla ma ghəŋa taŋ,

Kwalus 2:23

Ka nda ghada klafta mndu ta tsa zlahuha ya ka sana skwi ná, ta dza dza ta vgha ni ka tsəlɓu ŋa tsa mbrakuha ta nzanaghata ya, ka va magay ni ta tsa slnaha ya, ka va zlahafta vgha ni. Kulam nda tsa, haɗ dzaʼa kataŋta ŋa dzatá ghudzaku ma vgha ni wa.

Titus 3:5

ka mbamaftá tsi. Vəl magata mu ta skwiha tɗukwa a wu, hiɗahiɗa tawa tsi ta amu, ka ghuɓimistá mbrakwa Sulkum nda ghuɓa, kəl mu ka mutsaftá lfiɗa yaku.

Hebru 10:22

Ma tsa nzakwa ni mantsa ya tama, gavanamavagava ta Lazglafta nda ŋuɗuf turtuk, nda fata ghəŋ dar, nda ghuɓata ŋuɗuf kul haɗ dmaku mida, nda mbazatá mbaza nda imi tsələŋa.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 7:14

« Kagha yeya nda sna Mghama ɗa, » ka yu nda tsi. Kaʼa nda iʼi mantsa: « Hahəŋ ná, gwal ta sabi ma giri ganap lu ta həŋ katakata ya həŋ. Ka ghwaɓaptá həŋ ta lguta taŋ, ka ɓaɓaptá həŋ ma usa Zwaŋa Tuwak.