Yuhwana 13:11 - Hdi

¹¹ Nda sna Yesu ta mndu dzaʼa skwapta, tsaya kəl tsi ka mnay kazlay: Kaghuni demdem a tsuweɗaka wu kəʼa ya.

Yuhwana 13:11 Mawu Ofanana

Yuhwana 13:18

Nda kaghuni demdem a ta gwaɗa yu ta tsa gwaɗa ya wu, nda sna yu ta gwal zabap yu. Tsa gwaɗa nda vinda ma defteri ya ná, ɗina ka magata ni mantsa. “Mndu ta zə ŋni ta skwa zay kawadaga nda tsi ta liɗista.”

Yuhwana 13:2

Ka zə Yesu ta skwa zay nda duhwalha ni ga hawu. Nziya nza tsi, ghada ghada halaway ta hbutá Zudas zwaŋa Simuŋ Iskaryut ŋa skwaptá Yesu.

Yuhwana 13:21

Tahula kɗiŋta *Yesu ta mana tsa gwaɗaha ya, ka ghudzavaftá ŋuɗufa ni, kaʼa mantsa: « Kahwathwata ka yu ta mnaghunata, mamu sani ma kaghuni dzaʼa skwaptá iʼi, » kaʼa mnanaŋta həŋ baz.

Yuhwana 13:26

Ka Yesu mantsa: « Tsa mndu dzaʼa niʼagafta yu ta ndurzla ɗafa ka vlaŋta ya ná, va ni tsaya, » kaʼa nda tsi. Ka niʼagaftá tsi ta ndurzla ɗafa ka vlaŋtá Zudas zwaŋa Simuŋ Iskaryut.

Yuhwana 17:12

Ma tsa nzakwa ɗa kawadaga nda həŋ ma ghəŋa haɗik ya ná, si ta nghay yu ta həŋ nda mbrakwa gha ya vliha ka. Ŋana ŋa yu ta həŋ, haɗ ya ta zaɗavaghuta wu, ba ya ta nzakway nda fa ŋa zwaɗuta, ŋa kɗiŋtá skwi ya nda vinda ma defteri yeya ta zaɗapta.

Yuhwana 18:4

Manda ya nda sna Yesu ta skwi dzaʼa slanaghata, ka sliʼaftá tsi da gəma həŋ. Kaʼa mantsa: « Wa ta zbə kuni na? » kaʼa nda həŋ.

Yuhwana 2:25

Psa a ta mnanata mndu ta gwaɗa ta ghəŋa nzakwa sana mndu wu, kabga nda sna tsatsi ta skwi ma ŋuɗufa mndu.