Yuhwana 1:51 - Hdi

⁵¹ Ka Yesu sganaghata mantsa: « Kahwathwata ka yu ta mnaghunata, dzaʼa nda ngha kuni ta gunatá luwa buwaŋ ŋa ŋla duhwalha Lazglafta, ŋa saha taŋ ta ghəŋa *Zwaŋa mndu, » kaʼa.

Yuhwana 1:51 Mawu Ofanana

Zlrafta 28:12

Ka fanaghata suni. Ka nghaŋtá tsi ta madzəɓara daga ta haɗik dikw ka lafi da ksaŋtá luwa. Ka nghaŋtá tsi ta duhwalha Lazglafta ta laf ya laha, ta saha ya laha tida.

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.

Mata 26:24

Dzaʼa laghulani *Zwaŋa mndu manda ya nda vinda ma gwaɗa Lazglafta ta ghəŋa ni. Ama ɗaŋwa ŋa mndu dzaʼa vlatá Zwaŋa mndu ma dzvu ŋa mnduha. Ta draŋ ya má kwal lu kul yatá tsa mndu ya, » kaʼa.

Mata 3:16

Kɗakwa lu ta maganaftá batem ta Yesu, ka sab tsi ma imi. Ka gi gunatá luwa buwaŋ, ka nghə tsi ta Sulkuma Lazglafta ta saha manda ghərbuʼ ta ghəŋa ni.

Mata 4:11

Mnata ni ta tsaya, ka zlanavatá halaway. Ka sliʼadaghatá duhwalha Lazglafta, ka vlaŋtá həŋ ta skwa zay.

Mata 8:20

Ka Yesu nda tsi mantsa: « Gərhaŋha ná, mamu ghurumha taŋ. Ɗyakha ta ndaraku ta luwa guli, mamu həgaha taŋ. Ama *Zwaŋa mndu ná, haɗ dər vli ŋa fadatani ta ghəŋa ni wu, » kaʼa.

Mata 9:6

Ala, kada grafta kuni mamu *Zwaŋa mndu nda mbrakwa pliŋtá dmakwa mnduha ta na ghəŋa haɗik na kəʼa, » kaʼa nda tsa mndu nda rwa səla ni ya mantsa: « Sliʼaf sliʼa gha, kla ta kativiŋa gha ka dzaʼa ka dzagha gha, » kaʼa.

Markus 1:10

Ta sab Yesu ma imi manda kɗaku ta maganaftá, ka nghadaftá tsi ta luwa, gi ka nghaŋtá tsi ta gunatá luwa buwaŋ, ka saha Sulkum nda ghuɓa manda ghərbuʼ ta ghəŋa ni.

Markus 14:62

Ka Yesu zlghanaftá mantsa: « Aŋi, iʼi ya. Dzaʼa nda ngha kuni ta iʼi *Zwaŋa mndu ta nzaku nda ga zeghwa Lazglafta nda mbra. Dzaʼa nghay kuni ta saha ɗa ma kusay ta luwa guli, » kaʼa.

Lukwa 2:13

Ka gi sliʼagatá ndəghata sanlaha ma duhwalha Lazglafta ta luwa ŋərɓisl slanaghatá tsa turtuk ya. Ka zləzlvu həŋ ta Lazglafta. Ka həŋ mantsa:

Lukwa 2:9

Ka zlagaptá duhwala Lazglafta ta kəma taŋ, ka wanaftá tsuwaɗaka glakwa Lazglafta ta həŋ. Ka ksaftá zləŋ ta həŋ katakata.

Lukwa 22:43

Ka gi saha duhwalha Lazglafta daga ta luwa da vlaŋtá mbraku.

Lukwa 22:69

Daga ndanana, dzaʼa nza nza *Zwaŋa mndu nda ga zeghwa Lazglafta nda mbra. » Ka Yesu zlghanaftá wa ni ta həŋ.

Lukwa 24:4

Triɗ, trap tra həŋ ta skwi ŋa ndanay. Gi ka zlagaptá duhwalha Lazglafta his ta kəma taŋ nda suɗatá lgut ta wuɗaku tilil ta vgha taŋ.

Lukwa 3:21

Manda ya ta maganafta Yuhwana ta batem ta mnduha, ka lagha *Yesu ka maganaftá lu ta batem guli. Ta ndəɓu tsi ta dzvu, ka gunatá luwa buwaŋ,

Yuhwana 1:50

« Zlray kagha ta zlghay tsa ɓa, kabga mnay ɗa kazlay: Nda ngha yu ta kagha mista ghuraf kəʼa? dzaʼa nda ngha ka ta skwiha ta malaghutá tsaya, » ka Yesu nda tsi.

Yuhwana 10:1

Ka *Yesu mantsa: « Kahwathwata ka yu ta mnaghunata, mndu ta kwal kul lami nda ta wa tgha gamaka tuwakha, ka valadata nda ta muhul ná, ghali tsa mndu ya, gənda tsa mndu ya guli.

Yuhwana 10:7

Ka *Yesu nda həŋ guli mantsa: « Kahwathwata ka yu ta mnaghunata, iʼi wa tgha gamaka tuwakha.

Yuhwana 13:16

Kahwathwata ka yu ta mnaghunata, haɗ kwalva ta malaghutá mghama ni wu, haɗ mnda ghunay guli ta malaghutá mndu taghunafta wa.

Yuhwana 13:38

Ka Yesu mantsa: « Va kahwathwata, fa fa ka ta vgha gha ŋa ɗa ra? Kahwathwata ka yu ta mnaghata, ma kɗaku vazak wahata ná, hkən səla dzaʼa mnata ka kazlay: Sna a yu ta na mndu na wu, kəʼa nda iʼi, » kaʼa.

Yuhwana 14:12

Kahwathwata ka yu ta mnaghunata, mndu ta zlghaftá iʼi, dzaʼa magay tsatsi guli ta slna ta mag yu. Dzaʼa magay ka malaghuta kabga nda sliʼa iʼi da Da ɗa.

Yuhwana 16:20

Kahwathwata ka yu ta mnaghunata, dzaʼa taway kuni ta taw, dzaʼa ŋaɗay kuni ta ghəŋ, ta rfu mnduha ta ghəŋa haɗik ta rfu. Dzaʼa gurɗaku ŋuɗufa ghuni, ŋa nutá tsa gurɗatá ŋuɗufa ghuni ya ka rfu.

Yuhwana 16:23

« Ka sagha sa tsa fitik ya, haɗ kaghuni dzaʼa ɗawaŋta skwi nda ɗawa da iʼi wa. Kahwathwata ka yu ta mnaghunata, dzaʼa vlaghuna vla Da ta inda skwi. Dzaʼa kuni ɗawaŋta nda hga ɗa.

Yuhwana 21:18

« Kahwathwata ka yu ta mnaghata, ma fitika nzakwa gha ka duhwal, kagha ka ghəŋa gha ta hba ɓanava gha misti, ka dzaʼa gha da vli ta kum ka. Ka hwaluhwala ka, dzaʼa pgha pgha ka ta dzvuha gha ŋa nzɗaghafta sana mndu ta ɓanava gha, ka kla kagha da vli kul kum ka ta dzaʼa, » kaʼa.

Yuhwana 3:3

« Kahwathwata ka yu ta mnaghata, ka ya a lu ta mndu ka mahis wu katsi, laviŋ a ta nghaŋtá ga mghama Lazglafta wu, » ka Yesu nda tsi.

Yuhwana 3:5

Ka Yesu mantsa: « Kahwathwata ka yu ta mnaghata, ka ya a lu ta mndu nda imi nda Sulkum wu katsi, laviŋ a ta walaŋtá lami da ga mghama Lazglafta wa.

Yuhwana 5:19

Ka *Yesu vrəgliŋtá gwaɗa ni nda həŋ mantsa: « Kahwathwata ka yu ta mnaghunata, laviŋ a zwaŋ ta magatá skwi gaghəŋ gaghəŋani, ka ngha a tsi ta skwi ta mag Da wa. Ka kinawu ta maga Da ta inda skwi ya, ka gragra mantsa ya ta maga zwaŋ guli.

Yuhwana 5:27

Ka vlaŋtá tsi ta mbrakwa tsa guma, kabga nzakwa ni ka *Zwaŋa mndu.

Yuhwana 6:26

Ka *Yesu nda həŋ mantsa: « Kahwathwata ka yu ta mnaghunata, ta zbə kabga vəl nghaŋta ghuni ta mazəmzəm a kuni ta iʼi wa. Ta zbə kabga zuta ghuni ta buradi, ka baghaftá kuni, kuni ta iʼi.

Yuhwana 6:32

Ka Yesu nda həŋ mantsa: « Kahwathwata ka yu ta mnaghunata, Musa a ta vlaghunatá buradi ta saha ta luwa wa, Da ɗa ta vlatá buradi ta saha ta luwa.

Yuhwana 6:47

Kahwathwata ka yu ta mnaghunata, mndu ta zlghaftá iʼi, nda mutsa hafa ni ŋa kɗekedzeŋ.

Yuhwana 6:53

Ka Yesu nda həŋ mantsa: « Kahwathwata ka yu ta mnaghunata, ka za a kuni ta sluʼuvgha Zwaŋa mndu, sa a kuni ta usa ni wu katsi, haɗ hafu ɗekɗek ma kaghuni wa.

Yuhwana 8:34

Ka Yesu nda həŋ mantsa: « Kahwathwata ta mnaghunata yu, inda mndu ta ga dmaku ná, nda nza ka vuʼa dmaku.

Yuhwana 8:51

Kahwathwata ka yu ta mnaghunata, mndu ta snatá skwi ta tagh yu, haɗ dzaʼa mtuta ɗekɗek wa, » kaʼa nda həŋ.

Yuhwana 8:58

Ka Yesu mantsa: « “Kahwathwata ka yu ta mnaghunata, makəɗ lu ka Yatá Abraham ná, mamu iʼi,” » kaʼa nda həŋ.

Slna gwal ghunay 10:11

Ka nghə tsi ta gunata luwa, ka saha sana skwi manda gatá gwada habuŋ lu ta wa ni ta wa ni, ka saha ta haɗik.

Slna gwal ghunay 7:56

Kaʼa nda həŋ kay guli mantsa: « Wana nda ngha yu ta gunatá luwa. Waʼa *Zwaŋa mndu ta sladu nda ga zeghwa Lazglafta, » kaʼa.

2Tes 1:7

Ma zlagapta dzaʼa zlagapta Mgham *Yesu *Kristi ná, dzaʼa vlaghuna vla ta mbiʼa vgha ta kaghuni ta ghuytá ɗaŋwa ya, nda aŋni tani. Ta luwa dzaʼa saha tsi kawadaga nda duhwalha Lazglafta gwal nda mbra ya.

2Tes 1:9

Tsa ghuzla iri dzaʼa ghuzlanapta lu ta həŋ ya ná, tsaya zaɗanatá həŋ dzaʼa zaɗanata lu diʼiŋ nda wa ira Mgham Yesu, nda glakwa mbrakwa ni tani.

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

Hebru 1:14

*Duhwalha Lazglafta ná, sulkumha ta maganatá slna ta Lazglafta, ta ghwanu lu ta həŋ ŋa kataŋtá gwal ta nzakway ŋa mutsa mbaku ya.

Yuda 1:14

Ka Inuk ta nzakway ka mandəfáŋa dzidzí daga ta *Adamu mnata ta ghəŋa mndərga tsa mnduha ya daga ghalya na: « Wya Mgham ta saha kawadaga nda duhwalha ni nda ndəgha ŋəɗdəm,

Suna Yuhwana 19:11

Tahula tsa, ka nghaŋtá yu ta gunatá luwa, gi ka zlagapta sana plis ka ŋusliŋ. Ŋərma mndu nda vərɗa mndu ta hga lu ta tsa mndu ta tsa plis ya. Tɗukwa ta tsatsi ta guma, tɗukwa ta vula tsi ta vulu guli.

Suna Yuhwana 4:1

Tahula tsa, ka nghaŋtá yu ta gunatá wa tgha ta luwa. Ka snəglaŋta yu ta tsa lwi si ta gwaɗgihata nda lwi dagala manda ghudzaga duli ya kay. Kaʼa nda iʼi mantsa: « Saf sa da hadna ka maraghata yu ta skwi ya dzaʼa magaku tahula tsa, » kaʼa.