Yuhwana 1:39 - Hdi

³⁹ « Saghawa sa ka nghanata kuni ɓa! » kaʼa nda həŋ. Ka laghu həŋ mista ni, ka nghanatá həŋ ta vla nzakwa ni. Ta fitik hawu ta nzemndi fwaɗ vli nda tsa. Ka kɗiŋtá həŋ ta vaghay kawadaga nda tsi.

Yuhwana 1:39 Mawu Ofanana

Lukwa 24:29

« Nawa nawa, nza nza kawadaga nda aŋni, nda hləma fitik, ndusa rviɗik, » ka həŋ nzafta tida, ka ŋanata, ka lam tsi da həga ka nzata kawadaga nda həŋ.

Yuhwana 1:38

Kəʼa ka Yesu mbəɗavata, ta nghə tsi ná, ta dzaʼa mista ni həŋ. « Nu ta zbə kuni ɓa? » kaʼa nda həŋ. « Maləma ɗa! Ga ta nzakwa ka na? » ka həŋ nda tsi.

Yuhwana 1:40

Mataba tsa mnduha his ta snaŋtá gwaɗa Yuhwana ka laghu mista Yesu ya ná, tekw Andre ta nzakway ka zwaŋama ni ma Simuŋ *Piyer.

Yuhwana 1:46

« Mndərga wati skwi ya ɗina dzaʼa sabi ma luwa Nazaret na? » ka Natanayel nda tsi. « Sawi ka nghanata ka ɓa! » ka Filip. Ka sliʼaftá tsi ka lagha.

Yuhwana 4:40

Ma lagha la Samari da slanaghatá Yesu, ka ndəɓ həŋ ta dzvu da tsi ŋa nzata ni kawadaga nda həŋ. Ka nzatá tsi ka zatá fitik his hada da həŋ.

Yuhwana 6:37

Inda gwal vliha Da, dzaʼa sagha sa həŋ da iʼi. Haɗ iʼi guli dzaʼa zlaŋtá mndu ya ta sagha da iʼi mabli wa.

Suna Yuhwana 3:20

Wana yu ta sladu ta wa tgha ka dza wa tgha. Ka snaŋ sna mndu ta lwa ɗa ka gunihata wa tgha, dzaʼa lam la yu da taŋ, dzaʼa zay yu ta skwa zay kawadaga nda tsi, dzaʼa zay tsatsi kawadaga nda iʼi guli.