Yuhwana 1:18 - Hdi

¹⁸ Haɗ mndu ta kəɗ walaŋtá nghaŋtá Lazglafta wa. Tsa zwaŋ turtuktuk ya ta nzakway ka Lazglafta, ta nzaku ma ghuva Da ya, tsatsi ta mnaŋtá nzakwa Lazglafta.

Yuhwana 1:18 Mawu Ofanana

Zlrafta 16:13

Ka hgaŋtá Hagar ta Yawe ta gwaɗganata ya: « Kagha Lazglafta nda ngha ta vli, » kaʼa, kabga kaʼa ma ghəŋa ni mantsa: « Nda ngha yu ta mndu ta nghaŋtá iʼi ya ra? » kaʼa.

Zlrafta 18:33

Manda kɗiŋta Yawe ta gwaɗa nda Abraham, ka sliʼaftá tsi ka laghu, ta vraghutá Abraham dzagha ni.

Sabi 23:21

Ka fanata kuni ta sləməŋ, ka sna kuni ta gwaɗa ni. Yaha kuni da təŋanaftá ghəŋ, ya haɗ dzaʼa plaghunatá dmakwa ghuni wu, kabga mamu hga ɗa ma tsatsi.

Sabi 24:10

Ka nghaŋtá həŋ ta Lazglafta la Israʼila. Mista səla ni mamu sana skwi manda brika pala ka saffir manda ghudzifa luwa hezleʼ.

Mbsak 12:8

Kuma nda kuma ta gwaɗa yu ta gwaɗa nda tsi, baŋluwa, ŋa uwalay nda uwala a wu, nda ngha ta tsatá Yawe. Waká kuni kuratá raza kwalva ɗa Musa na? » kaʼa.

Mata 11:27

« Da ɗa ta vliha ta inda skwi. Haɗ sana mndu nda sna ta Zwaŋ wa, ba Da yeya nda sna. Haɗ sana mndu nda sna ta Da guli wa, ba Zwaŋ yeya nda sna, nda mndu ta kum Zwaŋ ta maranata, » kaʼa.

Lukwa 10:22

« Inda skwiha vliha vla Da ɗa, haɗ mndu nda sna ta tsa Zwaŋ ya wa, Da yeya nda sna. Haɗ mndu nda sna ta tsa Da ya guli wa, Zwaŋ yeya nda sna nda mndu ya ta kum zwaŋ ta maranaŋta, » kaʼa.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 12:41

Ma tsa fitika nghaŋta Isaya ta glakwa *Yesu ka mnə tsi ta gwaɗa ta ghəŋa ni ya, mnata tsi ta tsa gwaɗa ya.

Yuhwana 13:23

Tsaw sani turtuk mataba duhwalha ni, tsa ta mamə Yesu ya, ta vata Yesu nzanavata tsi.

Yuhwana 14:9

Ka Yesu nda tsi mantsa: « Nda kɗa fitika ɗa kawadaga nda kaghuni Filip ná, ta sna a ka ta iʼi ra? Ka nda ngha mndu ta iʼi ná, nda ngha ta Da. Waká ka dzaʼa mnay kazlay: Maraŋna mara ta Da kəʼa na?

Yuhwana 17:26

Snanam sna yu ta kagha ta həŋ, ta dzaʼa snəglanamsna yu ta həŋ, kada nzamta tsa ɗvu ɗvaf ka ta iʼi ya ma həŋ, ŋa nzamta iʼi ma həŋ guli, » kaʼa.

Yuhwana 17:6

Snanam sna yu ta hga gha ta gwal hligiŋ ka ma ghəŋa haɗik ka vlihata ya. Si ka ŋa gha həŋ, ka hlaftá ka ta həŋ ka vlihata. Ka snatá həŋ ta gwaɗa gha.

Yuhwana 3:11

Kahwathwata ka yu ta mnaghata, skwi snaŋ ŋni ta mnə ŋni, skwi nghaŋ ira ŋni ta gwaɗ ŋni, tsaw tsuʼa a kuni ta skwi ta mnə ŋni wa.

Yuhwana 6:46

Va a tsaya ta mnay kazlay: Nda ngha tsa mndu ya ta Da nda ira ni kəʼa wu, ba mndu ta saha da Lazglafta yeya nda ngha ta Da nda ira ni.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

Vrafta ta zlahu 4:12

Ka gwaɗagapta Yawe ma vu ka kaghuni. Ka snaŋta kuni ta lwi ta gwaɗa, ama ngha a kuni ta tsata ni wa. Lwa ni yeya snaŋ kuni.

Kwalus 1:15

Tsa Kristi ta maramaŋtá Lazglafta kul nghaŋtá lu ya, tsatsi taŋtaŋa yaku ta ghəŋa inda skwi zlaganap lu.

1Tim 1:17

Ka nza sgit nda glaku ŋa ɗekɗek ŋa Mgham kul haɗ ta mtavata, kul haɗ ta nghavata, tsatsi turtuktuk Lazglafta ŋa kɗekedzeŋ. *Amin!

1Tim 6:16

Tsatsi turtukwa ni kul haɗ ta mtavata, ta nzaku ma tsuwaɗak kul laviŋtá mndu ta ɓhanavata. Haɗ mndu ta kəɗ nghaŋta wa. Haɗ mndu dzaʼa laviŋtá nghaŋta guli wa. Ŋa ni glaku, nda mbraku, ŋa kɗekedzeŋ. Amin!

Yəhusuwa 5:13

Ma sana fitik ta nzaku Yəhusuwa ndusa nda Yeriku, gi ka nghaŋtá tsi ta sana mndu ta sladu ta kəma ni, nda ŋatá limay tsəhagap tsi pət ma kupak. Ka gavadaghatá Yəhusuwa ta vata ni, kaʼa nda tsi mantsa: « Mista aŋni kagha re, ari mista ghumaha ŋni a ka na? » kaʼa.

1 Yuhwana 4:12

Haɗ mndu ta kəɗ nghaŋtá Lazglafta nda ira ni wa. Tsa ɗvutá vgha mu ta ɗvuta mu sani nda sani ya ná, nzakwa Lazglafta ta gɗavata kawadaga nda amu tsa. Ta ɗvu ɗva mu ta Lazglafta dar manda ya kumaŋ tsi kəʼa guli.

1 Yuhwana 4:20

Ka « ɗvu ɗva yu ta Lazglafta » ka mndu, tata husaŋ husa zwaŋama ni katsi ná, tsakalawi tsa ta tsakal tsa mndu ya, ɗvu a ta Lazglafta wa. Ka ɗvu a mndu ta zwaŋama ni ya nghaŋ tsi nda ira ni wu katsi ná, waká a dzaʼa ɗvutá Lazglafta ya kul nghaŋtá tsi na?

1 Yuhwana 4:9

Wya ká Lazglafta maramaŋtá tva ɗva mndani: Ghunaga ghuna ta zwaŋa ni turtuktuk ta ghəŋa haɗik kada nzakwa mu nda hafu ma tsatsi.

1 Yuhwana 5:20

Nda sna amu guli kazlay: Sasa Zwaŋa Lazglafta ta ghəŋa haɗik ka vlamatá tsi ta ɗifil ŋa snaŋtá vərɗa Lazglafta kəʼa. Ka ndiʼaftá mu ta vgha nda vərɗa Lazglafta nda ya nda zwaŋa ni *Yesu *Kristi. Tsatsi ná, vərɗa Lazglafta ta vlamatá hafu ŋa kɗekedzeŋ ya.