Yuhwana 1:14 - Hdi

¹⁴ Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 1:14 Mawu Ofanana

Mata 1:16

Yakubu ta yatá Yusufu ta nzakway ka zəʼala Mari. Tsa Mari ya ta yatá Yesu ta hgə lu ka Kristi.

Lukwa 2:11

Gita yəgaghunata lu ta mnda mba mndu ta nzakway ka *Kristi ma luwa Dawuda.

Lukwa 2:7

Ka yatá tsi ta zumala ni ka zwaŋa zgun, ka mbsamtá tsi ma lgut ka hananamta ma tsughaŋ, kabga mutsaf a həŋ ta həga nzakwa mayəm wa.

Lukwa 9:32

Ma tsa fitik ya, nda ghərɓa i Piyer nda graha ni da hani, sliʼavata taŋ, ka nghaŋtá həŋ ta glakwa Yesu nda tsa mnduha his ya ta vata ni.

Yuhwana 1:1

Daga taŋtaŋ mamu gwaɗa. Kawadaga tsa gwaɗa ya nda Lazglafta. Tsa gwaɗa ya ta nzakway ka Lazglafta.

Yuhwana 11:40

« Mna gha a yu kazlay: Ka zlghaf zlgha ka ná, dzaʼa nda ngha ka ta mbrakwa Lazglafta kəʼa kay ra? » ka Yesu nda tsi.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 14:9

Ka Yesu nda tsi mantsa: « Nda kɗa fitika ɗa kawadaga nda kaghuni Filip ná, ta sna a ka ta iʼi ra? Ka nda ngha mndu ta iʼi ná, nda ngha ta Da. Waká ka dzaʼa mnay kazlay: Maraŋna mara ta Da kəʼa na?

Yuhwana 17:22

« Iʼi, ŋlanaf ŋla yu ta həŋ, manda tsa ŋliɗifta kagha ya, kada nzakwa həŋ ka mndu turtuk, manda nzakwa u ka mndu turtuk,

Yuhwana 17:24

Da! Tsəna mnduha vliha ka na ná, ta kumay yu ta nzakwa taŋ ma vli ya nza iʼi, ŋa nghay taŋ ta glakwa ɗa ya vliha kagha, kabga ɗvu ɗva ka ta iʼi daga ta kul zlraftá ghəŋa haɗik.

Yuhwana 18:37

« Tsaw va mgham kagha rke? » ka Pilat nda tsi. « Manda va tsa mna ka ya, Mgham yu. Yaya lu ta iʼi ŋa sagha mnaŋtá kahwathwata ma na ghəŋa haɗik na. Inda mndu ta nzakway ka ŋa kahwathwata ná, ta snay ta gwaɗa ɗa, » ka Yesu.

Yuhwana 2:11

Tsaya taŋtaŋa mazəmzəm maga Yesu ma luwa Kana ta haɗika Galili. Mantsa ya maraŋta tsi ta glakwa ni. Ka faftá duhwalha ni ta ghəŋ tida.

Yuhwana 3:16

« Ɗvu ɗva Lazglafta ta ghəŋa haɗik, kəl tsi ka vlatá Zwaŋa ni turtuktuk, dər wa ta zlghafta, zwaɗuta a wu, mutsaf mutsa ta hafu ŋa kɗekedzeŋ.

Yuhwana 3:18

Mndu ta zlghaftá Zwaŋa Lazglafta, haɗ guma ta ghəŋa ni wa. Mndu kul zlghafta, nda ghada tsatá guma ta ghəŋa ni, kabga kwala ni kul zlghaftá Zwaŋa Lazglafta turtuktuk.

Yuhwana 6:51

Iʼi buradi ta vla hafu ta saha daga ta luwa. Kata zay mndu ta tsa buradi ya, dzaʼa nzaku tsa mndu ya nda hafu ŋa kɗekedzeŋ. Tsa buradi ta vlə yu ya ná, sluʼuvgha ɗa ya. Dzaʼa vlay yu, kada nzakwa mnduha ta ghəŋa haɗik nda hafu, » ka Yesu nda həŋ.

Yuhwana 8:32

Dzaʼa nda sna kuni ta kahwathwata, ŋa vlaghunata tsa kahwathwata ya ta nzaku nda platá vgha, » kaʼa

Slna gwal ghunay 13:33

magama ta amu, ta nzakway ka zivira taŋ ya Lazglafta, ma sliʼaganaptani ta Yesu ma mtaku. Wya skwi nda vinda ma Zabura his: “Zwaŋa ɗa ka, gita yata yu ta kagha,” kaʼa.

La Ruma 8:3

Trap tra zlaha Musa ta maga tsa slna ya, kabga hta ta mbrakwa mnda səla ta pyafta ka magata. Ama ka magatá Lazglafta ma ghunagatani ta zwaŋa ni turtuktuk ma sluʼuvgha manda ŋa gwal dmaku, ŋa klagamapta ma dmaku. Nda tsaya tsanaghata Lazglafta ta guma ta dmaku ta mag mnda səla.

La Ruma 9:5

dzidzíha taŋ gwal kulaŋ lu, nda tvi sluʼuvgha guli ná, ma mndəra taŋ saba Kristi. Tsatsi ta hemanatá inda skwi demdem. Zləzlvama ŋa ɗekɗek ta Lazglafta. Ka nza tsi mantsa.

1Kwa 15:47

Tsa taŋtaŋa mndu tsagap lu ma haɗik ya ná, ŋa haɗik tsa, sa ta luwa tsa ka mahis ya.

2Kwa 12:9

« Vlagha vla yu ta zɗakatahuɗa ɗa, prək ka nda tsa, ma hta ta ŋa gha ma mbraku ta maravata ŋa ɗa ma mbraku, » kaʼa nda iʼi. Mantsa tama, mal ghərɓay ɗa ta ghərɓaku ta ghəŋa hta ta mbrakwa ɗa kada bukwamta mbrakwa *Kristi ta iʼi.

Galat 4:4

Ama magatá tsa fitik ya, ka ghunagata Lazglafta ta zwaŋa ni. Marakw ta yagata ma sagha ni, ka nziŋtá tsi mista zlaha Musa,

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Kwalus 1:19

kabga kura kura Lazglafta ta nzamta dar ma tsatsi.

Kwalus 2:3

Inda gadghəla ɗifil nda ghunislak ná, ma *Yesu Kristi ɗifaghuta həŋ.

Kwalus 2:9

Inda glakwa Lazglafta ná, nzamə ma Kristi.

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Hebru 1:5

Haɗ duhwala Lazglafta ya ta kəɗ walaŋta Lazglafta ta mnanata kazlay: « Kagha ná, Zwaŋa ɗa ka, nda nza yu ka Da gha daga gita » kəʼa wa. Haɗ ya guli ta kəɗ walaŋta tsi ta mnanata kazlay: Dzaʼa nzakway yu ka Da gha, dzaʼa nzakway kagha ka Zwaŋa ɗa kəʼa guli wa.

Hebru 10:5

Tsaya kəl Kristi ka mnay ŋa Lazglafta ma fitika dzaʼa ni saha ta ghəŋa haɗik, kaʼa mantsa: « Va a ka ta plaghatá ghəŋ nda rini wu, va a ka ta vlaghatá sana skwi ŋa plaghata ghəŋ guli wa. Ama ka vlihatá ka ta sluʼuvgha ŋa vlaghata.

Hebru 2:11

Tsa mndu ta ghuɓa mndu ya nda tsa gwal ghuɓiŋ lu ya tani ná, ma da turtuk həŋ. Tsaya tsa kwal hula ksaŋtá Yesu ka hga həŋ ka zwana ma ni ya. Kaʼa nda Lazglafta mantsa:

Hebru 5:5

Manda va tsaya *Kristi guli, tsatsi a ta fanaghatá ghəŋa ni ta nzaku ka mali ta ghəŋa gwal ksa slna Lazglafta wu, ama Lazglafta ta nzakway ka Da ta mnay ŋa ni kazlay: Kagha ná, Zwaŋa ɗa ka, nda nza yu ka Da gha gita kəʼa.

1 Yuhwana 4:14

Ghunaga ghuna Lazglafta ta zwaŋa ni ta nzakway ka mnda mba mndu ta ghəŋa haɗik, ka nghaŋtá aŋni nda ira ŋni, tsaya ta mnə aŋni ŋa mnduha.

1 Yuhwana 4:9

Wya ká Lazglafta maramaŋtá tva ɗva mndani: Ghunaga ghuna ta zwaŋa ni turtuktuk ta ghəŋa haɗik kada nzakwa mu nda hafu ma tsatsi.

2 Yuhwana 1:7

Kəl yu ka mnay mantsa ná, nda ndəgha gwal nana mndu ta tamtá vgha ma ghəŋa haɗik. Ka həŋ ta mnay ná, ka mndu tsakwam a saha *Yesu *Kristi ta ghəŋa haɗik wu, ka həŋ. Tsa mndu ta mnay mantsa ya ná, ghuma Kristi ya. Tsatsi ná, nana sanlaha ma mnduha ta nanə tsi.

Suna Yuhwana 19:13

Lgut tsghumam lu ma us suɗava tsi ta vgha. « Gwaɗa Lazglafta » hga ni.

Suna Yuhwana 21:3

Ka snaŋtá yu ta sana lwi ta gugɗagapta ma dughuruk. Kaʼa mantsa: Wya həga tumpula nzakwa Lazglafta mataba mnduha! Ŋa nzakwa ni kawadaga nda həŋ, ŋa nzakwa taŋ ka mnduha ni, ŋa nzakwa tsatsi guli kawadaga nda həŋ,