Yuhwana 1:12 - Hdi

¹² Lagha gwal ta tsuʼafta, ka zlghaftá hga ni. Ŋa tsaha ya, ka vlaŋtá tsi ta həŋ ta mbrakwa nzaku ka zwana Lazglafta.

Yuhwana 1:12 Mawu Ofanana

2Sam 7:24

Ka dihanatá ka ta mnduha gha la Israʼila ŋa nzakwa taŋ ka mnduha gha ŋa ɗekɗek, ta nzatá kagha Yawe guli ka Lazglafta taŋ.

Mata 10:40

« Ka tsuʼaf tsuʼa mndu ta kaghuni, iʼi tsaya tsuʼaf tsi. Mndu ta tsuʼaftá iʼi guli, mndu ta ghunagatá iʼi tsaya tsuʼaf tsi guli.

Mata 12:21

Ŋa fafta mndəra mnduha ta ghəŋa taŋ ta hga ni kəʼa ya.

Mata 18:5

Dər wati ma mndu ta tsuʼaftá zwaŋ manda na zwaŋ wana tsi na ta ghəŋa gwaɗa ta iʼi ná, vərɗa iʼi tsuʼaf tsi. »

Yuhwana 1:11

Sagha ni da mnduha, ka kwalaghuta mnduha ta tsuʼafta.

Yuhwana 1:7

Ka sagha tsi ŋa nzaku ka masləmtsəka tsuwaɗak, kada zlghafta inda mnduha nda ma tsatsi.

Yuhwana 11:52

Ŋa la Yahuda nda ghəŋa taŋ a wu, nda nza guli ŋa tskanatá inda zwana Lazglafta ta wiɗatá vgha.

Yuhwana 2:23

Ma fitika nzakwa *Yesu ma Ursalima ta skala *Pak, nda ndəgha gwal ta zlghafta nghər həŋ ta mazəmzəmha ta mag tsi.

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Yuhwana 3:18

Mndu ta zlghaftá Zwaŋa Lazglafta, haɗ guma ta ghəŋa ni wa. Mndu kul zlghafta, nda ghada tsatá guma ta ghəŋa ni, kabga kwala ni kul zlghaftá Zwaŋa Lazglafta turtuktuk.

Slna gwal ghunay 3:16

Ma fatá ghəŋa ŋni ta Yesu, kəl mbrakwa tsa Yesu ya ka sliʼanaftá na mndu ta nghə kuni snaŋ kuni ta sladu na. Mantsa, ma fatá ghəŋ ta Yesu kəl na mndu na ka mutsafta mbaku guzlindiliŋ, manda ya ta nghə kuni demdem ya.

La Ruma 8:14

Inda gwal ta pghə Sulkuma Lazglafta ná, nda nza həŋ ka zwana Lazglafta.

La Ruma 8:16

Tsa Sulkuma Lazglafta ya ta mnay ŋa sulkuma vgha mu kazlay: Zwana Lazglafta amu kəʼa.

La Ruma 8:19

Inda skwi zlagəgiŋ Lazglafta ná, nda mndər ta kəzla həŋ ta tsa fitik dzaʼa maraŋta Lazglafta ta zwana ni ya.

Galat 3:26

Kaghuni demdem, nda nza kuni ka zwana Lazglafta ma zlghafta ghuni ta Yesu Kristi.

Galat 4:6

Ŋa maraŋta kazlay: Zwana ni kuni kəʼa, ka ghunagatá Lazglafta ta Sulkuma zwaŋa ni da ŋuɗufa mu. Tsa Sulkum ya ta mnay kazlay: Aba! Da! kəʼa.

Kwalus 2:6

Zlghaf zlgha kuni ta *Yesu *Kristi ka nzaku tsi ka Mghama ghuni. Ndiʼanavawandiʼa ta vata ni ndiʼets.

2 Piyer 1:4

Nda ma tsa skwiha ya vlamata tsi ta tsa skwiha ta ɗinuta katakata, ya tamaf tsi ta imi ta sləməŋ daga manda ghalya ŋa vlamata ya. Ma mutsafta ghuni ta tsa skwiha ya, laviŋta kuni ta ndapta ma ghwaɗaka skwiha ya ta haraʼuwa iri ta ghəŋa haɗik, ka ksay ghuni ta saɗa Lazglafta.

1 Yuhwana 3:1

Nghawa ka Da mu Lazglafta ɗvutá amu ɓa! Zwana ɗa kəʼa ta hga amu. Manda va tsaya nzakwa ni guli, zwana Lazglafta amu. Tsaw sna a mnduha ma ghəŋa haɗik ta amu wu, kabga sna a həŋ ta Lazglafta wa.

1 Yuhwana 3:10

Dər wati ma mndu kul haɗ ta maga skwi tɗukwa, nza a tsa mndu ya ka Zwaŋa Lazglafta wa. Mantsa ya mndu kul ɗva zwaŋama ni guli. Ta tsaha ya ta tsatsafta lu ta nzakwa zwana Lazglafta nda nzakwa zwana halaway.

1 Yuhwana 3:2

Zwana ma ɗa, daga ndanana zwana Lazglafta amu. Nziya nza tsi, tsa nzaku ká mu dzaʼa nzakway ta kəma ya ná, ta ma ɗifa karaku. Tsaw nda sna amu kazlay: Baɗu vragata dzaʼa vragata Kristi ná, dzaʼa nzakway amu manda tsatsi kəʼa, kabga dzaʼa nda ngha mu ta nzakwa ni.

1 Yuhwana 3:23

Ká tsa zlaha Lazglafta ya ta mnay na: « Fafwa fa ta ghəŋa ghuni ta hga Yesu Kristi zwaŋa ni, ka ɗvuvusta kuni ta vgha ghuni sani nda sani, » ka zlaha ni ta mnamata.