Yakubu 3:17 - Hdi

¹⁷ Taŋtaŋ karaku, ɗifil ya ta saha ta luwa ná, nda ghuɓa. Tahula tsa, ta klak kla ta zɗaku nzaku, leɓtekwa, ta dzra ghəŋ, dagala hiɗahiɗa da tsi, slna ɗina ɗina ta sabi da tsi, haɗ ta gala mndu wu, haɗ maɗgwirmaɗgwir da tsi wa.

Yakubu 3:17 Mawu Ofanana

1Mgh 3:12

dzaʼa magagha mag yu manda ya ɗawaŋ ka. Ta vlagha vla yu ta ɗifil nda ghwinslak ta hemuta, ya kul haɗ ma kɗaku kagha, ya dzaʼa kwal lu walaŋta nghaŋtá mndu ka guram nda kagha.

1Mgh 3:28

Ka snaŋtá inda la Israʼila ta tsa tsatá guma mgham ya. Ka zləŋ həŋ nda zləŋa ta mgham, kabga nghadapta taŋ ná, mamu ɗifila Lazglafta ma ghəŋa ni ŋa tsa guma nda tva ni.

1Mgh 3:9

Vlaŋ vla ta ɗifil tɗukwa ta kwalva gha ta gá mgham ta ghəŋa mnduha gha, ŋa tsislaptá skwi ɗina nda skwi kul ɗinaku. Ka haɗ tsi mantsa wu, wa dzaʼa laviŋtá gá mgham ta ghəŋa mnduha gha, nana ndəghata mnduha na na? » kaʼa.

1Rus 22:12

Kweŋkweŋ ná, ka vlagha vla Yawe ta ndanu ɗina nda mahizl, ka dihaghata tsi ta ghəŋa la Israʼila, ŋa ŋanatá gha ta zlaha Yawe, Lazglafta gha.

1Rus 22:9

ama dzaʼa yaya ka ta zwaŋ, dzaʼa vlaŋ vla yu ta mbiʼa vgha, nda ma klapta ma dzva inda ghumaha ni ta wanafta, Salumuŋ dzaʼa hga lu. Dzaʼa vlaŋ vla yu ta nzakw ləŋləŋ ma zɗaku ta la Israʼila ma nzakwa ni nda hafu.

Sabi 36:2

Ka hagaktá Musa ta i Betsalʼel nda Uhuliyav nda inda mnduha ta vivɗa ya fanam Yawe ta ɗifil ma ghəŋ ta həŋ, nda inda gwal ya ksaŋ tsa slna ya ta ŋuɗuf taŋ ŋa sagha magay.

Danyel 1:17

Ka vlaŋtá Lazglafta ta tva snaŋta dganatá skwiha, nda mahizla dzaŋa inda vindi, nda ɗifil ta tsa galaɓayha fwaɗ ya. Ta ghəŋa tsa guli, nda sna Danyel ta paslaptá inda suniha kavghakavgha, nda skwiha ta maravata.

Mata 23:28

Manda va tsaya kaghuni guli. Ta nghadaghatá mnduha ta kaghuni ná, manda skwi tɗukwa nzakwa ghuni. Ama ta ghəŋa maɗgwirmaɗgwir, nda kwal kul sna gwaɗa da Lazglafta yeya ma kaghuni.

Mata 5:8

Rfu da gwal hezleʼ a ŋuɗufa taŋ, kabga dzaʼa nghaŋ ngha həŋ ta Lazglafta.

Mata 5:9

Rfu da gwal ta slga zɗaku mataba mnduha, kabga zwana ɗa kuni ka Lazglafta dzaʼazlay nda həŋ.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

Lukwa 6:36

« Tawawa tawa ta hiɗahiɗa ta mndu, manda ya ta taw Da ghuni ta hiɗahiɗa ta mndu ya.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 1:47

Nghay Yesu ta lagha ni, « wana vərɗa mnda la Israʼila kul haɗ sana skwi ŋa tsanavata, » ka Yesu nda Natanayel.

Slna gwal ghunay 11:24

Tsaw tsa Barnabas ya ná, ŋərma mndu ya, mnda zlghay nda ŋuɗuf ya ndəghundəgha nda Sulkum nda ghuɓa. Ka sgavaghatá ndəghata mnduha ta zlghaftá Mgham Yesu.

Slna gwal ghunay 9:36

Mamu sana marakw ma luwa Yafu ta hgə lu ka Tabita mataba gwal zlghay nda ŋuɗuf. Tsaya « Durkas » nda gwaɗa *Grek, manda mnay kazlay: Madva kəʼa ya. Dagala ŋərma skwi maga tsi, ta katay ta gwal ka pɗu.

La Ruma 12:18

Ka ta magaku tsi ŋa nzata nda zɗaku nda inda mndu ná, magawa maga ta kɗavakta mbrakwa ghuni.

La Ruma 12:9

Hmətət ka kuni ɗvuvustá vgha ghuni, ma mag kuni ta maɗgwirmaɗgwir. Ka husaghuna husa inda ghwaɗaka skwi. Ŋafwa vgha ta skwi ɗina.

La Ruma 15:14

Zwana ma ɗa, graf gra iʼi ka ghəŋa ɗa kazlay: Nda fa vgha ghuni ŋa maga skwi ɗina, nda sna kuni ta inda skwi ya nda ra ka snaŋta, nda sna kuni ta tva vluvtá hiɗaku kəʼa.

1Kwa 12:8

Mbrakwa gwaɗa nda ɗifil vlaŋ Sulkum ta sani. Midala gwaɗa vlaŋ va tsa Sulkum ya ta sani.

2Kwa 10:1

Iʼi Pwal ka ghəŋa ɗa, ta ndəɓa dzvu yu da kaghuni, nda hanatá ghəŋ nda zɗaku manda ŋa *Kristi. Ka lu ta mnay ta iʼi ná, ka mataba ghuni yu ya ná, leɓtekwa yu, ka haɗ yu mataba ghuni ya guli ná, ta sidi yu, ka lu.

2Kwa 6:6

Ta maray ŋni ta nzakwa ŋni ka gwal kul haɗ sana skwi ŋa tsanavata, ka gwal nda sna ta skwa Lazglafta, ka gwal ksa ŋuɗuf, ka gwal maga zɗaku, ka gwal nda Sulkum nda ghuɓa ma həŋ, ka gwal ta ɗvutá mndu nda ŋuɗuf turtuk.

2Kwa 7:11

Nghawa ngha ta skwi klaghunak tsa gurɗatá ŋuɗuf manda ya ta zɗəganatá Lazglafta ya ɓa, nghawa ngha ká kuni ta ŋavata ka payanatá nzaku, ka tsalaptá ghəŋa ghuni mida kəʼa ta husaghunata, ká kuni ta zləŋay, ká kuni ta mama nghaŋtá iʼi, ká kuni ta kuma maga skwi ta zɗəganatá Lazglafta, ká kuni ta fata ghəŋa ghuni ka zlaha mnda dmaku. Ma maga inda tsa skwiha ya maraŋta kuni kazlay: Ta haɗ kuni ma tsa skwiha ya wu kəʼa.

2Kwa 9:10

Lazglafta ta vlaŋtá hulfa ta mndu ŋa sləgay, tsatsi guli ta vlaŋtá skwi ŋa zay. Tsatsi guli dzaʼa vlaghunatá inda hulfa ta kum kuni, ŋa tfaghunaghatani ta wi ta ghəŋa ni ŋa sgakwa dzaʼa ghuni ta kəma ta kəma ma maga zɗaku.

Afisus 5:9

Kəl yu ka mnay mantsa ya ná, ta sliʼagapta ma tsuwaɗak na skwiha ɗina ɗina, nda skwiha tɗukwa tɗukwa, nda kahwathwata.

Filip 1:11

Ŋa nzakwa ghuni ka gwal maga skwi tɗukwa nda mbrakwa Yesu Kristi. Na nghaŋta mnduha ta tsa ŋərma skwi ta mag kuni ya, ŋa zləzlvay taŋ ta Lazglafta, ŋa vlay taŋ ta glaku ŋa ni guli.

Filip 4:8

Zwana ma ɗa, wya kɗavakta gwaɗa ɗa: Skwi ŋa ŋanata ghuni ná, ŋanawa ŋa ta inda kahwathwata, nda inda skwi ɗina ta ghubu lu, nda inda skwi tɗukwa, nda inda skwi nda tsala, nda inda skwi ta raku ka mamay, nda inda skwi ta raku, nda inda skwi ta ɗinuta, nda inda skwi ta raku ka zləzlvay. Tsaha ya skwiha ŋa ŋanata ghuni ma ghəŋa ghuni.

Kwalus 1:10

ŋa nzay ghuni ta nzaku manda ya ta kum Mgham Yesu, ka maga skwi ya ta zɗəganata, ŋa gɗata ghuni ta maga skwi ɗina ɗina, ŋa sgakwa snaŋta ghuni ta Lazglafta.

1Tes 2:7

Dər má dzaʼa maray ŋni ta glakwa nzakwa ŋni ka ghunata mnda *Kristi mndani ná, maraŋ a aŋni wa. Katək ná, leɓtekw hanaganata ŋni ta ghəŋa ŋni manda ya ta nghə marakw ta zwana ni ya.

1Tim 5:21

Ta ndəɓa dzvu yu ŋa gha ta kəma Lazglafta, nda *Yesu *Kristi, nda ya ta kəma duhwalha ni zabap Lazglafta. Sna sna ta tsa gwaɗa ya, yaha ka da laghu da ɗva ghəŋ. Yaha ka da gala mndu nda gala.

2Tim 2:24

Va ni ná, haɗ mndu ta ksa slna Mgham Lazglafta ta zlərɗa wi wa. Katək ná, ta mamay ká inda mnduha ta tsa mndu ya, laviŋ lava katsi ta taghanaftá skwi ta mnduha. Ta ksay katsi ta ŋuɗuf ma skwi ta mnə mnduha tida.

Titus 1:15

*Nda ghuɓa inda skwi demdem ŋa gwal nda ghuɓa. Haɗ skwi nda ghuɓa da gwal kul ghuɓaku kul zlghaftá gwaɗa Lazglafta wu, ɗina a ndana taŋ wu, ɗina a ghunislaka taŋ wa.

Titus 3:2

Mnana mna ta həŋ, yaha həŋ da mna ghwaɗaka skwi ta mndu, nda zɗaku ka həŋ nzaku nda mndu. Ka gwal dzra nzaku ka həŋ, leɓtekwa ka həŋ nzata nda inda mndu,

Hebru 12:11

Ma tsa fitik ta zlahu lu ta amu ya ná, nda nza ka skwi kul zɗəgamata, rfa a mu ta rfu ta ghəŋa ni wa. Ama tahula tsa, ŋa yiganaptani ta zɗaku, nda nzaku tɗukwa ta tsa gwal zlahaf lu ya.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

Yakubu 1:17

Inda skwi ya ta ɗinuta, nda inda mbəhu ya kul haɗ sana skwi ta ghəŋa ni ná, ta luwa ta saha tsi, da Lazglafta ta nzakway ka Da ni ma tsuwaɗakha. Haɗ tsatsi ta mbəɗavafta wa, haɗ sana skwi ta zawataku ka grum da tsatsi wa.

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.

Yakubu 2:13

Baɗu fitika tsa guma ná, haɗ Lazglafta dzaʼa tawa hiɗahiɗa ta mndu ya kul haɗ ta tawa hiɗahiɗa ta sanlaha wa. Ama tawa hiɗahiɗa ta ga mgham ta ghəŋa guma.

Yakubu 2:4

Ka si mantsa tsi, daganap a kuni ta vgha ma vgha ghuni nda tsa ra? Nza a kuni ka gwal tsa guma nda ghwaɗaka ndanu nda tsa guli ra?

Yakubu 3:15

Mndərga tsa ɗifil ya ná, ta saha ta luwa a wa. Ŋa ghəŋa haɗik tsaya, ŋa sluʼuvgha ya, ŋa halaway ya guli.

Yakubu 4:8

Gavanavawagava ta Lazglafta, dzaʼa gavaghunavagava tsatsi guli. Mbaziŋwa dzva ghuni, kaghuni gwal ta nzakway ka gwal dmaku. Ghuɓiŋwa ŋuɗufa ghuni, kaghuni gwal nda ghwaɗaka ndanu.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

1 Piyer 2:1

Hliŋwa hla ta inda ghwaɗaka skwiha ma ŋuɗufa ghuni, ma kuslember kuni ta kuslemberaku, ma pghə kuni ta wirak his ma vu, ma haraʼu kuni ta haraʼuwaku, ma tsanava kuni ta skwi ta mndu guli.

1 Piyer 2:18

Kaghuni la kwalva, hanaganawa ghəŋa ghuni mista daŋahəga ni həga ghuni, ka zləŋa kuni ta həŋ kahwathwata. Mista gwal zɗa ghəŋa taŋ nda gwal leɓtekwa yeya a wu, ama nduk nda ya mista gwal təŋ təŋa nzakwa taŋ tani.

1 Yuhwana 3:18

Zwana ɗa, gwaɗay ma wi kweŋkweŋ a ɗva zwaŋama wa. Ɗvama ɗva kahwathwata ma ŋuɗufa mu, ka maga mu ta skwi manda tsaya.

1 Yuhwana 3:3

Ka si mantsa tsi katsi, inda mndu ta faftá ghəŋa ni ta Kristi ná, dzaʼa waray ta ghəŋa ni da dmaku manda ŋa Kristi kul gatá dmaku ya.