Yakubu 1:19 - Hdi

¹⁹ Zwana ma ɗa gwal ya ɗvu yu, wya skwi ŋa snaŋta ghuni: Ɗina nzakwa inda mndu ka mndu ta gi slru gwaɗa da sləməŋa ni. Ka mndu kul haɗ gwaɗa ta nzuŋta ta wi a wu, ka mndu ta gi ɓasa ŋuɗuf a wu,

Yakubu 1:19 Mawu Ofanana

Nəhemiya 8:18

Ka dzaŋə lu ŋa taŋ inda fitika tsa skalu ya ta deftera zlaha Lazglafta, daga baɗ taŋtaŋa fitika ni ha ka kɗavakta fitika ni. Ndəfáŋ ka həŋ ta zatá fitik ta skala tsa skalu ya. Baɗ matghas fitik, ŋa tskafta taŋ ta tska vgha dagala manda ya mnaf lu.

Nəhemiya 9:17

Ka kwalaghutá həŋ ta snata, havak a həŋ ta mazəmzəmha gha ta maganatá həŋ wa. Ka təŋanaftá həŋ ta ghəŋ, ka fatá mgham ŋa vru da ga vuʼa taŋ ma Masar. Ama kagha, zlanava a ka ta həŋ wu, kabga Lazglafta ta pla dmaku ka, ta magay ka ta zɗakatahuɗi, nda tawa hiɗahiɗa. Zlah ta ɓasa ka ta ŋuɗuf, dagala zɗakwa gha, wuɗiŋ a ka ta həŋ,

Nəhemiya 9:3

Tahula tsa, ka sladatá həŋ ma vla taŋ. Ka magatá lu ta ler hkən ta dzaŋa deftera zlaha Yawe, Lazglafta taŋ. Ka magatá həŋ ta ler hkən guli ta manigiŋtá ta dmakuha, ta tsəlɓə ta kəma Yawe, Lazglafta taŋ.

Mbsak 22:27

Ka nghaŋtá tsa kəɗih ya ta tsa duhwala Yawe ya, ka hnatá tsi, tata nzaku Bilgham tida. Ka gufaftá ŋuɗufa Bilgham, ka dzuŋtá tsi ta tsa kəɗih ya nda dafa ni.

Mata 5:22

Ama ka iʼi ta mnaghunata ná, dər wa ta ɓasanavatá ŋuɗuf ta zwaŋama ni ka makuma ni a tsi katsi, dzaʼa klay lu ta tsa mndu ya da guma. Dər wa mndu dzaʼa mnay nda zwaŋama ni ka makuma ni a tsi kazlay: Ghwaɗak kəʼa ná, dzaʼa klay lu ta tsa mndu ya ta kəma guyatá ghəŋa gwal tsa guma. Dər wa mndu dzaʼa mnay nda zwaŋama ni ka makuma ni a tsi kazlay: Rgha kəʼa, nda ra tsa mndu ya ŋa vzaghata da duda vu.

Markus 12:37

Ya “Mghama ɗa ka,” ka vərɗa Dawuda ta hgay ní, wa kəʼa nzəglaku ka zwaŋa ni tama? » kaʼa guli. Tsa skwi ta tagh Yesu ya na, zɗəgana zɗa ta tsa dəmga ta snay ya.

Markus 2:2

ka sliʼadaghatá mnduha ŋərɓisl ndaghaganaptá vli nduk ta daɓi tgha, haɗ vli ŋa nzaku wu, ta mna *Lfiɗa Gwaɗa Yesu ŋa taŋ.

Lukwa 15:1

Ma sana fitik, ka gavadaghata gwal ta tska dzumna da sna gwaɗa da *Yesu.

Lukwa 19:48

Ama sna a həŋ ta tvi ka həŋ dzaʼa ɓhanavata wu, kabga dar fata mnduha ta vgha ka sna gwaɗa ni.

Slna gwal ghunay 1:15

Baɗu sana fitik, ma tsa fitik ta tskə həŋ ta vgha ya, ka tskavatá gwal zlghay nda ŋuɗuf ta magay həŋ ta dərmək nda hisambsak. Ka Piyer sliʼavata mataba taŋ mantsa:

Slna gwal ghunay 10:33

« Gi kəl yu ka ghunadaptá mnduha da kagha. Ɗina na sagha sagha ka na. Ndanana, wana aŋni demdem ta kəma gha ŋa sna skwi ya mna gha Mgham ŋa mnaŋnata, » kaʼa.

Slna gwal ghunay 13:48

Snay gwal kul nzakway ka la Yahuda ta tsa gwaɗa ya ná, ka rfu həŋ ta rfu, ka zləzlvu həŋ ta Lazglafta. Ka zlghaftá inda gwal thanaf lu ta hafu ŋa kɗekedzeŋ, ta həŋ.

Slna gwal ghunay 17:11

Mal la Yahuda ma Bere zɗakwa ghəŋa taŋ ka gwal ma luwa Tesalunik, kabga fa fa hahəŋ ta ghəŋa taŋ kahwathwata ka sna gwaɗa Lazglafta. Inda fitik həŋ ta vitsa vindatá skwi ma deftera Lazglafta ŋa nghay ka manda va tsaya tsi re, ka manda va tsaya a wa a tsa skwi ta mnə Pwal ŋa taŋ ya.

Slna gwal ghunay 2:42

Inda tsa mnduha ya ná, ta gɗata ta ŋavata ka sna skwi ta tagh gwal ghunay həŋ. Ta ŋava ŋa həŋ ka guya vgha nda zwana ma. Ta ŋava ŋa həŋ guli ka guya ghəŋ ta ghəŋa skwa zay, nda ya ma vla maga duʼa.

Afisus 4:26

Ka gaf ga kuni ta sidi, ɗasuwa ká kuni da magata kuni ta ghwaɗaka skwi. Ma dəɗaghunagha fitik nda ɓasatá ŋuɗuf,

Afisus 4:31

Hliŋwa dgun ma ŋuɗufa ghuni, zlaŋwa ɓasa ŋuɗuf, zlaŋwa sidi, ma zlərɗ kuni ta wi nda mndu, ma raz kuni ta mndu, yaha kuni da maga dər mndəra wati ma ghwaɗaka skwi.

Kwalus 3:15

Ka pgha zɗakwa Kristi ta ŋuɗufa ghuni. Guyaghuna guya Lazglafta ka vgha turtuk ŋa nzakwa ghuni ma tsa zɗaku ya. Rfawa rfa.

Kwalus 3:8

Ndanana tama, zlaŋwa zla ta inda tsaha ya: Daga dugun, ɓasa ŋuɗuf, sidi, yaha razu nda ŋruhu tani sabi ma wa ghuni.

1Tes 2:13

Ta gɗa gɗa ŋni ta rfa Lazglafta guli, kabga ma fitika mnaghunata ŋni ta gwaɗa Lazglafta ná, tsuʼaf tsuʼa kuni, ka zlghafta manda va gwaɗa gwaɗagap Lazglafta, manda ya gwaɗagap mnduha a wa. Manda va tsaya nzakwa ni kahwathwata, sagha da Lazglafta tsa gwaɗa ya, ka ksə tsi ta slna ma kaghuni ta zlghafta ya.

Yakubu 1:16

Zwana ma ɗa, gwal ta ɗvu yu, ma nanə kuni ta ghəŋa ghuni.

Yakubu 1:2

Zwana ma ɗa, ka slaghunagha sla dər mndərga wati ma ghuya ɗaŋwa tsi katsi, nghawa ngha manda skwa rfu.

Yakubu 1:26

Ka mnda dina yu ka mndu ta gray, tsaw sna a ta ksanaghutá ghanika ni wu katsi, nana ghəŋa ni ta nanə tsi, bətbət tsa dinani ya.

Yakubu 2:1

Zwana ma ɗa, yaha kuni da gala mndu nda gala ma nzakwa ghuni ma zlghay nda ŋuɗuf, ma glakwa Mgham Yesu Kristi.

Yakubu 2:5

Zwana ma ɗa gwal ɗvu yu, fawa fa ta sləməŋ. Lazglafta a ta zabaptá gwal ka pɗu ta wa ira gwal ma ghəŋa haɗik, ŋa nzaku ka Gadghəl ma zlghay nda ŋuɗuf, ŋa mutsay taŋ ta ga mgham ya tanaf tsi ta imi ta sləməŋ, ta gwal ta ɗvuta ra?

Yakubu 3:10

Ma va tsa wubisim ya ta sliʼagapta tfa wi nda ksiʼi tani. Zwana ma ɗa, ra a ka nzakwa ni mantsa wa.

Yakubu 4:11

Ma vazu kuni ta rutsak ta sani nda sani. Mndu ya ta vza rutsak ta zwaŋama, ka ta tsanaghatá guma a tsi ná, ta vza rutsak tsa mndu ya ta zlahu. Ta tsanaghatá guma guli ta zlahu nda tsa. Ala, ka ta tsanagha tsa ka ta guma ta zlahu katsi ná, nza a kagha ka mnda sna zlahu nda tsa wa, ama mnda tsa guma kagha nda tsa.

Yakubu 5:12

Zwana ma ɗa, sana skwi guli ná, ma waɗu kuni ta waɗu, dər nda luwa, dər nda haɗik, dər nda wati ma skwa waɗu tsi. Ama ka « aŋi » tsi, ka nza tsi ka aŋi. Ka « mantsa a tsi wu, » ka nza tsi ka mantsa a wu, kada kwala kuni dəɗamta ma guma Lazglafta.

Yakubu 5:19

Zwana ma ɗa, ka mamu sani mataba ghuni ta diʼiŋaghuta nda kahwathwata Lazglafta, ka vranaktá sani ma mndu katsi,

1 Yuhwana 2:21

Kəl yu ka vindaghunafta na: « Kwala ghuni kul snaŋtá vərɗa skwi a wu, kabga nda sna kuni. » Nda sna kuni guli kazlay: Guya a tsakalawi ta vgha nda kahwathwata wu kəʼa.