Yakubu 1:17 - Hdi

¹⁷ Inda skwi ya ta ɗinuta, nda inda mbəhu ya kul haɗ sana skwi ta ghəŋa ni ná, ta luwa ta saha tsi, da Lazglafta ta nzakway ka Da ni ma tsuwaɗakha. Haɗ tsatsi ta mbəɗavafta wa, haɗ sana skwi ta zawataku ka grum da tsatsi wa.

Yakubu 1:17 Mawu Ofanana

Zlrafta 41:16

Ka Yusufu nda Firʼawna mantsa: « Iʼi a wu, Lazglafta ya dzaʼa mnanatá Firʼawna ta klaŋta ghəŋa ni manda ya ta zɗəganata, » kaʼa.

1Rus 22:12

Kweŋkweŋ ná, ka vlagha vla Yawe ta ndanu ɗina nda mahizl, ka dihaghata tsi ta ghəŋa la Israʼila, ŋa ŋanatá gha ta zlaha Yawe, Lazglafta gha.

1Rus 29:19

Vlaŋ vla ta zwaŋa ɗa Salumuŋ, ta fatá ŋuɗuf tasl ŋa ŋanatá zlahuha gha, nda tva skwiha ŋa magay, nda tva dva mnda gha, ka maga tsi ta slna nda həŋ demdem, ka bafta tsi ta na həga gha dagala papayaf yu ta skwiha ŋa bay na, » kaʼa.

Mbsak 11:17

Hada dzaʼa laha yu, ŋa gwaɗgaghata ɗa. Dzaʼa klaʼa kla yu kiʼa ta sulkum ma kagha ka pghamta ma həŋ. Mantsa tama, ŋa klay taŋ kawadaga nda kagha ta ndəgakwa mnduha, kagha turtukwa gha a dzaʼa kləgəlta wa.

Mbsak 11:25

Ka saha Yawe ma kusay ka gwaɗganata, ka klaʼatá tsi kiʼa ta sulkum ma Musa, ŋa fafamta ma tsa galata mnduha ndəfáŋ mbsak ya. Na tsa nzanzanaghata sulkum ta həŋ ya, ka zlraftá həŋ ta kla lwa Lazglafta, ama kɗaŋ a həŋ wa.

Mbsak 23:19

Mnda səla a Lazglafta ŋa tsakalay ni ta wi wa. Zwaŋa mnda səla a ŋa mbəɗanaftá skwi kura tsi wa. Ta gwaɗay ta gwaɗa ŋa kwal kul magata ra? Ta gwaɗay ta gwaɗa ŋa kwal kul ksa slna nda tsi ra?

Mata 7:11

Ka si kaghuni ta nzakway ka ghwaɗaka mnduha, nda sna kuni ta klaftá ŋərma skwiha ka vlaŋtá zwana ghuni ya ní, Da ghuni ta luwa yeya dzaʼa kwal kul snaŋta klaftá skwiha ɗina ɗina, ka vlaŋtá gwal ta ɗawaŋta da tsi rki? »

Lukwa 11:13

Ka si kaghuni ta nzakway ka ghwaɗaka mnduha ya, nda sna kuni ta vla skwi ɗina ŋa zwana ghuni ya ní, Da ya ta nzakway ta luwa yeya dzaʼa kwal kul vlaŋtá Sulkum ta mndu ta ɗawaŋta rki na? » kaʼa.

Yuhwana 1:9

Tsa tsuwaɗak ya ná, vərɗa tsuwaɗak ya. Ma sagha ni ta ghəŋa haɗik ka tsuwaɗak tsi ta mnda səla.

Yuhwana 3:27

Ka Yuhwana mantsa: « Haɗ mndu dzaʼa mutsaftá sana skwi ka Lazglafta a ta vlaŋta wa.

Yuhwana 3:3

« Kahwathwata ka yu ta mnaghata, ka ya a lu ta mndu ka mahis wu katsi, laviŋ a ta nghaŋtá ga mghama Lazglafta wu, » ka Yesu nda tsi.

Yuhwana 8:12

Ka *Yesu nda həŋ guli mantsa: « Iʼi tsuwaɗaka ghəŋa haɗik, mndu ta dzaʼa mista ɗa ná, haɗ dzaʼa mbaɗa ma grusl wu, dzaʼa mutsay ta tsuwaɗaka hafu, » kaʼa.

Slna gwal ghunay 11:18

Tahula snaŋta taŋ ta tsa gwaɗa ya, ka lɓatá həŋ demdem, ka zləzlvu həŋ ta Lazglafta « ta vlaŋtá tva mbəɗanaftá nzakwa taŋ ta gwal kul nzakway ka la Yahuda kada mutsafta həŋ ta vərɗa hafu tama, » ka həŋ.

Slna gwal ghunay 5:31

Tsatsi kapanaf Lazglafta ka Mgham ka fata nda ga zeghwa ni, ka mnda mba mndu, ŋa vla tvi ŋa mnduha la Israʼila ŋa mbəɗanafta taŋ ta nzakwa taŋ, ŋa mutsafta taŋ ta platá dmakwa taŋ.

La Ruma 6:23

Manda va tsaya ná, ka ta ga dmaku mndu, nisəla ni ná mtaku ya. Ama skwi ka mbalay ta mutsu lu da Lazglafta ná, hafu ŋa kɗekedzeŋ ya ma ndiʼatá vgha mu nda *Yesu *Kristi Mghama mu.

1Kwa 4:7

Wa ta mnay ŋa gha kazlay: Mal kagha ka sanlaha kəʼa na? Lazglafta a ta vlaghatá inda skwi ra? Ka si Lazglafta ta vlaghata ya ní, kabgawu ta kəl ka ka ghərɓaku manda skwi vlagha nda vla a lu wu ɓa?

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

Afisus 1:18

Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.

Afisus 2:8

Zɗakatahuɗa ni tani kəl Lazglafta ka mbaghunafta nda ma zlghafta ghuni ta Kristi. Mbaghunaf a ta ghəŋa vəl magata ghuni ta skwiha ɗina ɗina wu, ka mbalay mbaghunafta tsi.

Vrafta ta zlahu 4:19

Ɗasuwa ka kuni ma nghadafta ghuni ta luwa ka nghaŋtá kuni ta fitik, nda tili, nda tekwatsaha, nda inda tsatsatá skwiha ta luwa, da tɗaghatá həŋ ta kaghuni ŋa tsəlɓay ghuni tsəlɓu ŋa taŋ ka maganatá slna ta həŋ. Vlaŋtá inda hamata sanlaha ma mndəra mnduha ta ghəŋa haɗik demdem Yawe, Lazglafta ghuni ta tsaha ya.

Filip 1:29

Zɗaghunaŋzɗa Lazglafta ta huɗi nda ma *Yesu Kristi kəl kuni ka zlghafta. Zlghafta ghuni kweŋkweŋ yeya a wu, ta ghuyay kuni ta ɗaŋwa ka ŋa ni guli.

1Tim 6:16

Tsatsi turtukwa ni kul haɗ ta mtavata, ta nzaku ma tsuwaɗak kul laviŋtá mndu ta ɓhanavata. Haɗ mndu ta kəɗ nghaŋta wa. Haɗ mndu dzaʼa laviŋtá nghaŋta guli wa. Ŋa ni glaku, nda mbraku, ŋa kɗekedzeŋ. Amin!

Hebru 13:8

Va tsa *Yesu *Kristi ya ta nzakway ɗahawu, tsa tsatsi ya ta nzakway gita, tsatsi dzaʼa nzakway ŋa kɗekedzeŋ guli.

Yakubu 1:5

Ka mamu sana mndu mataba ghuni pɗugudunus ɗifil katsi, ka ɗawa tsi da Lazglafta, dzaʼa vlaŋ vla. Ta muvla Lazglafta nda inda mndu, ta vlay nda zɗaku.

Yakubu 3:15

Mndərga tsa ɗifil ya ná, ta saha ta luwa a wa. Ŋa ghəŋa haɗik tsaya, ŋa sluʼuvgha ya, ŋa halaway ya guli.

Yakubu 3:17

Taŋtaŋ karaku, ɗifil ya ta saha ta luwa ná, nda ghuɓa. Tahula tsa, ta klak kla ta zɗaku nzaku, leɓtekwa, ta dzra ghəŋ, dagala hiɗahiɗa da tsi, slna ɗina ɗina ta sabi da tsi, haɗ ta gala mndu wu, haɗ maɗgwirmaɗgwir da tsi wa.

1 Yuhwana 1:5

Tsuwaɗaka nzakwa Lazglafta, haɗ skwi ka grum da tsi wu, na skwi snaŋ aŋni da tsi, ta mnaghunata aŋni.

1 Yuhwana 4:10

Tiŋəl Lazglafta ta ɗvutá amu ka ghunagatá tsi ta Zwaŋa ni ka saha da mtuta ŋa pla ghəŋ ŋa plamata Lazglafta ta dmakwa mu. Tsaya na vərɗa ɗvutá mndu, da thə amu kazlay: Tiŋəl amu ta ɗvutá Lazglafta kəʼa.

Suna Yuhwana 21:23

Zba a tsa luwa ya dər fitik, dər tili ŋa tsuwaɗaka vli mida wa. Glakwa Lazglafta ta tsuwaɗaka vli mida. Zwaŋa Tuwak pitirla tsa luwa ya.

Suna Yuhwana 22:5

Haɗ ta a rviɗik ɗekɗek wa. Zbəgəlta a həŋ dər pitirla, dər tsuwaɗaka fitik wu, kabga Mgham Lazglafta dzaʼa tsuwaɗaka həŋ ŋa gay taŋ ta mgham ha ŋa kɗekedzeŋ.

1Sam 15:29

Yawe, glakwa la Israʼila ná, haɗ ta tsakalawi wu, haɗ ta haga madər wu, kabga nza a tsatsi manda mnda səla ta haga madər ya wu, » kaʼa.