Yəhusuwa 8:33 - Hdi

³³ Inda la Israʼila, nda la galata mnduha taŋ tani, nda maliha taŋ tani, nda gwal tsanatá guma ta həŋ tani, nda zwana haɗik tani, nda la mayəm ma səla taŋ tani, inda tsa mnduha ya ta sladata nda ga slərpuha tsa akwata dzratá wa Yawe ya. Ka nzatá həŋ mbəŋ nda tsa la Levi gwal dra skwi ŋa Lazglafta ya ta kla tsa akwati ya. Gəts la Israʼila nda təv ghwá Gərizim. Gəts la Israʼila guli nda təv ghwá Gheval. Mantsa ya ka lu dzaʼa magata, ka Musa kwalva Yawe mnuta ŋa tfanaghatá wi ta la Israʼila.

Yəhusuwa 8:33 Mawu Ofanana

Sabi 12:49

Tsaya zlahu turtuktuk ŋa la Israʼila nda mayəmha ta nzakw ma mataba ghuni, » kaʼa.

La Levi 24:22

Ka skwa turtuk zlaha ghuni, dər nda zwana haɗik tani dər nda mayəmha ta nzakw ma səla ghuni tani, kabga iʼi Yawe, Lazglafta ghuni, » kaʼa.

Mbsak 15:15

Tsa tva skwi ŋa magay ya ná, nda nza ŋa inda guyatá ghəŋa ghuni, ŋa ghuni nda ya ŋa mayəm ta nzaku ma səla ghuni. Nda nza ka tva skwi ŋa magay ghuni ŋa kɗekedzeŋa ghuni ha zivira zivirha ghuni. Ka nzakwa tsi ŋa ghuni nda ya ŋa mayəm mataba ghuni ta kəma Yawe.

Mbsak 15:16

Ka skwa turtuk zlahu nda tva skwi ŋa magay ghuni nda ya ŋa magay mayəm ta nzaku ma səla ghuni,” » kaʼa.

Mbsak 15:29

Dər má mnda Israʼila tsi, dər mayəm ta nzaku mataba ghuni a tsi, nda nza tsa tva skwi ŋa magay ya ŋa inda mndu dzaʼa gatá dmaku ka fərtaku.

Yuhwana 4:20

Dzidzíha ŋni la Samari ná, ta na ghwá na si ta maga həŋ ta duʼa ŋa Lazglafta. Ka kaghuni la Yahuda ná, ma Ursalima vla maga duʼa ŋa Lazglafta, ka kaghuni, » ka tsa marakw ya.

Vrafta ta zlahu 11:29

Ɓhadaghunamta Yawe, Lazglafta ghuni da haɗik dzaʼa kuni klaghuta ŋa nzakwa ni ŋa ŋa ghuni ya ná, ka mna kuni ta tfa wi ta ghwá Gərizim, ka mna kuni guli ta ksiʼi ta ghwá Gheval.

Vrafta ta zlahu 31:12

Ka tskanata kuni ta mnduha, zgwana, nda miʼaha, nda zwani, nduk nda la matbayha ta nzakw ma luwaha ghuni, ŋa snay taŋ, ŋa taghay taŋ ta zləŋa Yawe, Lazglafta ghuni, ka magay taŋ ta slna nda inda gwaɗaha tsa zlahu ya.

Vrafta ta zlahu 31:25

ka mnanaftá tsi ta la Levi ta kla akwata dzratá wa Yawe ya kazlay na:

Vrafta ta zlahu 31:9

Ka vindaftá Musa ta tsa zlahu ya, ka vlaŋtá gwal dra skwi ŋa Lazglafta, mndəra la Levi ta kla akwata dzratá wa Yawe, nda inda la galata mnduha la Israʼila.

Yəhusuwa 23:2

Ka hagaŋtá Yəhusuwa ta inda la Israʼila, nda la galata mnduha taŋ, nda maliha taŋ, nda gwal tsanatá guma ta həŋ, nda gwal ta nghapta, kaʼa nda həŋ mantsa: « Wana nda hala yu, lula ima ɗa katakata.

Yəhusuwa 24:1

Ka tskanatá Yəhusuwa ma Səkem ta inda mndəra la Israʼila. Ka hagaŋtá tsi ta la galata mnduha taŋ, nda maliha taŋ, nda gwal tsanatá guma ta həŋ, nda gwal ta nghapta. Ka lagha həŋ maravata ta kəma Lazglafta.

Yəhusuwa 3:14

Ka sliʼaftá mnduha ma tumpula taŋ ŋa dzaʼa tsughwaɗa zala Yardeŋ. Ka klə tsa gwal ta dra skwi ŋa Lazglafta ya ta kəma, tsa gwal ta kla akwata dzratá wi ya.

Yəhusuwa 3:3

Wya zlahu mnana həŋ ta mnduha: « Ka nda ngha kuni ta gwal ta dra skwi ŋa Lazglafta, la Levi ta kla akwata dzratá wa Yawe, Lazglafta ghuni ya, ka sliʼafta kuni ma vli ya hada kuni, ka dzaʼa mista taŋ.

Yəhusuwa 3:6

Ka Yəhusuwa ga mahtsima ni nda gwal ta dra skwi ŋa Lazglafta guli mantsa: « Klawa kla ta akwata dzratá wi, ka mbaɗa kuni ta kəma mnduha, » kaʼa. Ka mag həŋ mantsa.

Yəhusuwa 4:10

Ka sladatá tsa gwal ta dra skwi ŋa Lazglafta ta kla akwati ya ma takataka Yardeŋ ha ka magata mnduha ta inda tsa skwiha mnanaf Yawe ta Yəhusuwa ya. Mantsa ya tama, ka mag Yəhusuwa manda va ya mnaf Musa. Tahula tsa, ka tsughwaɗadaptá mnduha ta tsa ghwa ya misimmisim.

Yəhusuwa 4:18

Na gi saba tsa gwal ta dra skwi ŋa Lazglafta ta kla akwata dzratá wa Yawe ya ma takataka Yardeŋ, ka zlraftá zala ta mbaɗa, ka ndəghafta pesleʼ pesleʼ manda va si nzakwa ni taŋtaŋ.

Yəhusuwa 6:6

Ka hagaktá Yəhusuwa zwaŋa Nuŋ ta gwal dra skwi ŋa Lazglafta, kaʼa nda həŋ mantsa: « Klafwa kla ta akwata dzratá wi, ka laba gwal ndəfáŋ mataba ghuni nda duli nda duli ta kəma akwata Yawe, » kaʼa.