Titus 3:1 - Hdi

¹ Havanakhava ta gwal zlghay nda ŋuɗuf, ka hanaganata həŋ ta ghəŋ mista mghamha nda ya da la ŋumna ka maga həŋ ta skwi ta mnanata lu ta həŋ.

Titus 3:1 Mawu Ofanana

Mata 22:21

« Ŋa mgham Sezar ya, » ka həŋ. « Ka mantsa tsi ya ní, vlaŋwa vla ta mgham Sezar ta ya ta nzakway ka ŋa mgham Sezar. Vlaŋwa vla guli ta Lazglafta ta ya nzakway ka ŋa Lazglafta, » kaʼa.

1Kwa 15:58

Mantsa tama zwana ma ɗa gwal ta ɗvu yu, dihavawa diha, ma gigɗava kuni, lawa la ta kəma ta kəma nda slna Mgham Lazglafta, ya haɗ visa ghuni dzaʼa nzata ka mbalay da Mgham Lazglafta wa.

Afisus 2:10

Magatá slna Lazglafta na amu na. Vlama vla ta hafu ka lfiɗ ma ndiʼatá amu nda Yesu Kristi ŋa gɗata mu ta maga slnaha ɗina ɗina. Nda ghada payafta Lazglafta manda tsaya, ŋa magay mu.

Vrafta ta zlahu 17:12

Ama ka kwalaghu kwala mndu ma gla ghəŋa ni ta gwaɗa mnda dra skwi ŋa Lazglafta fa lu ŋa maganata slna ta Yawe, Lazglafta ghuni, sna a ta ŋa mnda tsa guma wu, dzatá tsa mndu ya. Mantsa ya dzaʼa kliŋta kuni ta ghwaɗaka skwi mataba la Israʼila.

Filip 1:11

Ŋa nzakwa ghuni ka gwal maga skwi tɗukwa nda mbrakwa Yesu Kristi. Na nghaŋta mnduha ta tsa ŋərma skwi ta mag kuni ya, ŋa zləzlvay taŋ ta Lazglafta, ŋa vlay taŋ ta glaku ŋa ni guli.

Kwalus 1:10

ŋa nzay ghuni ta nzaku manda ya ta kum Mgham Yesu, ka maga skwi ya ta zɗəganata, ŋa gɗata ghuni ta maga skwi ɗina ɗina, ŋa sgakwa snaŋta ghuni ta Lazglafta.

1Tim 2:2

Ɗina ka maga duʼa ta ghəŋa mghamha nda inda gwal ta ŋanatá ga mgham, kada mutsafta mu ta nzaku leɓtekw, ma zɗaku, ma zləŋa Lazglafta nda tva ni, ŋa nzay mu ta nzaku manda ya ta raku dər ta wati ma tvi tsi.

1Tim 4:6

Ka taghanaf tagha ka ta inda tsa skwiha ya ta zwana ma katsi, dzaʼa nzakway ka ka ŋərma kwalva *Yesu *Kristi. Dzaʼa maraŋ mara ka kazlay: Nda bagha ka nda gwaɗa zlghay nda ŋuɗuf, nda ya nda vərɗaka tagha skwi ya taghaf ka kəʼa.

1Tim 5:10

Ta ghubay ka lu ma ŋərma slnaha ni ta mag tsi. Va galanaf gala katsi ɗina ta zwani, ta tsuʼay katsi ta mayəm ga taŋ, ta mbazay katsi ta səla gwal zlghay nda ŋuɗuf, ta katay katsi ta gwal ta sa duni, fa fa katsi ta ghəŋa ni ka maga inda ŋərma slna.

2Tim 1:6

Tsaya ta kəl yu ka havglaghakta, yaha ka da wuɗiŋtá skwi ya vlagha Lazglafta, ma fitika faghaghata ɗa ta dzvu ya.

2Tim 2:14

Havanakhava ta tsa skwiha ta mnaghata yu ya ta sanlaha. Mnana mna ta həŋ ta kəma Lazglafta, ka zlaŋta həŋ ta zlərɗa wi ta ghəŋa gwaɗaha. Haɗ sana skwi ta kataŋta tsa zlərɗa wi ya ta mndu wu, ta ghəŋa zaɗiŋtá gwal ta snay yeya katək ta zaɗiŋta tsi.

2Tim 2:21

Ka Zlaŋ zla mndu ta maga tsa ghwaɗaka skwiha mnə yu ya katsi, dzaʼa nzakway tsa mndu ya ka guram nda huzla ta kəl lu ka ksa slna nda tsi baɗu gwaɗa dagala, ya faghu lu nda paya ŋa maga inda slna ɗina ɗina.

Titus 1:16

Nda sna ŋni ta Lazglafta ka həŋ ta mnay, nda ta tva skwi ta mag həŋ ya ná, sna a həŋ ta Lazglafta wu, nda nza həŋ ka skwa mbiɗay ka gwal mbrəs, laviŋ a həŋ ta magatá skwi ɗina dər ka kiʼa wa.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Titus 3:14

Ɗina ka taghanaftá gwal zlghay nda ŋuɗuf manda amu ta ŋavata ka maga skwiha ɗina ɗina, ŋa kataŋta taŋ ta gwal htaghu skwi da həŋ, kabga dzaʼa mutsay həŋ ta nisəla taŋ.

Titus 3:8

Vərɗa skwi na gwaɗa ta mnə yu na. Ka gɗata ka ta mna tsa gwaɗa ya ka ŋɗaŋɗa ŋa mnduha, kada maga gwal zlghay nda ŋuɗuf ta ŋərma skwiha inda fitik. Tsaya vərɗa skwi ta kata mnduha.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!

2 Piyer 1:12

Tsaya ta kəl yu ka gɗavata ta hava tsa skwiha ya ŋa ghuni, dər má nda ghada snaŋta ghuni, ta ŋava ŋa kuni ma tsa kahwathwata taghaghunaf lu ya.

Yuda 1:5

Ka havaghunak hava yu ta skwi ghada kuni ta snaŋta ɓa. Ghalya, ka kataŋtá Lazglafta ta la Israʼila, ka hlagaptá həŋ ma Masar. Ka rwanaghutá tsi ta gwal kul faftá ghəŋa taŋ ta tsatsi.