Titus 2:10 - Hdi

¹⁰ Yaha həŋ da kasaŋtá skwiha taŋ. Ŋərma skwi ka həŋ da magay katək, kada grafta daŋahəga ni həga taŋ kazlay: Tɗukwa mnduha həŋ kəʼa. Mantsa dzaʼa kəl mnduha ka ghuba tsa skwiha ta tagh mu ta ghəŋa Lazglafta mnda mba amu ya.

Titus 2:10 Mawu Ofanana

Mata 24:45

« Wa na ŋərma kwalva nda hiɗa fanam daŋahəga ni həga ni ma dzvu ta inda gwal ksanata slna, ŋa nghapta ni ka həŋ ka dgay ni ta skwa zay ŋa taŋ nda fitika ni na na?

Mata 5:16

Manda tsaya dzaʼa tsuwaɗakakwa tsuwaɗaka ghuni ta kəma mnduha, kada nghaŋta həŋ ta ŋərma slna ta mag kuni, ŋa zləzlvay taŋ ta da ghuni ta luwa. »

Lukwa 1:47

Ta taku ŋuɗufa ɗa da rfu ta ghəŋa tsatsi mnda mba iʼi,

Lukwa 1:80

Mbaɗa tsa zwaŋ ya ka glaku, ka sgaku mbrakwa ni ma Sulkum, ka nzatá tsi ma mtak ha ka sagha fitik kəl tsi ka maraŋtá nzakwa ni baŋluwa da la Israʼila.

Lukwa 16:10

Ka nda sna mndu ta ŋanatá skwi kwitikw, nda sna guli ta ŋanatá skwi dagala. Ka sna a mndu ta ŋanatá skwi kwitikw wu katsi, sna a guli ta ŋanatá skwi dagala wa.

Yuhwana 12:6

Vərɗa gwaɗa ta la pɗu a gwaɗ tsi wa. Vərɗa tsatsi ná, ghali ya kabga ta dzaʼa tsatsi nda klaʼatá tsa skwi ta tskə lu ma zlibi da tsi ya.

1Kwa 4:2

Vərɗa skwi ya ta psə lu da mndu ya fanam lu ta skwi ma dzvu ná, nzakwa ni ka ŋərma mndu.

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Filip 4:8

Zwana ma ɗa, wya kɗavakta gwaɗa ɗa: Skwi ŋa ŋanata ghuni ná, ŋanawa ŋa ta inda kahwathwata, nda inda skwi ɗina ta ghubu lu, nda inda skwi tɗukwa, nda inda skwi nda tsala, nda inda skwi ta raku ka mamay, nda inda skwi ta raku, nda inda skwi ta ɗinuta, nda inda skwi ta raku ka zləzlvay. Tsaha ya skwiha ŋa ŋanata ghuni ma ghəŋa ghuni.

1Tim 1:1

Iʼi Pwal, ghunatá mnda *Yesu *Kristi, manda ya mnaf Lazglafta mnda mba amu nda Yesu Kristi ya faf mu ta ghəŋ tida ta vinda na ɗelewer na.

1Tim 5:17

La galata mndu ta ksa slna ɗina mataba *Igliz ná, ɗina ka vla glaku dagala ŋa taŋ. Katkatatani gwal ta mna gwaɗa, nda gwal ta tagha skwi ŋa mnduha.

1Tim 6:1

Inda gwal ta ga vuʼa, ka vla həŋ ta glaku ŋa daŋahəgaha taŋ, kada kwala mnduha ta raza Lazglafta, nda skwiha ya ta tagh mu.

1Tim 6:3

Ka lagha mndu ka tagha sana skwi tskəm, ka zluŋtá vərɗaka gwaɗa Mghama mu *Yesu *Kristi, nda skwi ya ta tagh mu ta raŋtá zlghay nda ŋuɗufa amu katsi,

Titus 1:3

Ka kligiŋtá Lazglafta ta gwaɗa ni ŋa mnduha ma fitik ya kumaŋ tsi nda ma mna gwaɗa ni. Tsatsi Lazglafta mnda mba mndu ta ghunaftá iʼi ŋa magay.

Titus 3:4

Ama, manda maraŋta Lazglafta mnda mba amu ta zɗakwa ni nda ɗva mndani katakata,

1 Piyer 2:12

Ɗina ka kuni nzaku mataba gwal kul snaŋtá Lazglafta. Ŋa nzakwa ni dər má ta vaza rutsak həŋ ta kaghuni, ŋa nghay taŋ ta ŋərma slna ya ta mag kuni, ŋa zləzlvay taŋ ta Lazglafta baɗu dzaʼa sagha tsi da guyaku nda həŋ.

1 Piyer 3:16

Ta zlghə kuni ta tsa wi ya, zlghawazlgha nda hanatá ghəŋ, nda ya nda vla glaku ŋa taŋ guli. Gɗata kaghuni ta maga tsa skwi ɗina ya ŋa ghuni, kada ksuta tsi ka hula ta həŋ, dər klaf kla həŋ ta kaghuni ka ghwaɗaka mnduha, ka raraza ŋərmata nzakwa ghuni ta tva Kristi.

2 Yuhwana 1:9

Dər wati ma mndu ta kwal kul ŋanatá tagha skwa Kristi, ka tsanaghatá ŋa ni nda tsa, ta ndiʼa a nzakwa ni nda Lazglafta wa. Ala ka gɗava gɗa mndu ma tagha skwi taghanaf Kristi katsi ná, nda ndiʼa nzakwa tsa mndu ya nda Da mu Lazglafta nda ya nda Yesu Kristi Zwaŋa ni.

1Sam 22:14

Ka Ahimelek zlghanaftá wi ta mgham mantsa: « Mataba inda kwalvaha gha ná, mamu vərɗa mndu manda Dawuda ra? Gwasa mgham ya, tsatsi mali ta ghəŋa gwal ta ngha kagha, ya malaghu lu ta vlaŋtá sgit ma həga ga ghuni.

1Sam 26:23

Ka planam pla Yawe ta dər wati ma mndu, taɓ ta skwi maga tsi nda tɗukwa ni nda ŋərma ni. Gita ná, si vliha vla Yawe ta kagha ma dzva ɗa, ama ka zlanatá yu ta faftá dzvu ta kagha, kabga mndu zbaf Yawe nda ma pghanaghatá rɗi ka.