Suna Yuhwana 7:9 - Hdi

⁹ Tahula tsa, ka nghaŋtá yu guli ta ŋəɗdəma ŋəɗdəma ta mnduha kul laviŋta lu ta mbəɗafta. Tsa mnduha ya ná, sab ma inda haɗikha, nda ya ma inda mndəra mndu, nda ya ma inda zivira mnduha, nda ya ma inda gwaɗa ta gwaɗ mndu saba həŋ. Ta sladu həŋ ta kəma dughuruk nda ya ta kəma Zwaŋa Tuwak nda suɗatá lguta ŋusliŋ nda ŋatá zlizlam ma dzvu, həŋ.

Suna Yuhwana 7:9 Mawu Ofanana

Zlrafta 13:16

Dzaʼa yanaf ya yu ta zivira gha tusak manda gəninika haɗik. Ka dzaʼa mbəɗaf mbəɗa lu ta gninika haɗik katsi ná, dzaʼa mbəɗaf mbəɗa lu ta zivira gha guli.

Zlrafta 49:10

Ma həga ga Yahuda dzaʼa gɗavata dafa ga mgham. Ma dzva gwal dzaʼa yata lu ma zivira taŋ dzaʼa nzata mbrakwa ga mgham, ha fitika sagha vərɗa mndani, ya dzaʼa snu ndəghata mndəra mnduha ta gwaɗa da tsi.

Danyel 4:1

« Iʼi Nevuhadnetsar, ta nzakwa ɗa yu nda zɗaku ta zutá mghama ɗa ma həga ɗa, ma həga ta gə yu ta mgham.

Danyel 6:25

Ka mgham mnafta mantsa: « Kasagaghawa kasa ta tsa mnduha ta tsanavatá gwaɗa ta Danyel ya, » kaʼa. Ka kasagaghatá lu ta həŋ, nda hahəŋ tani, nda miʼa taŋ tani, nda zwana taŋ tani, ka pghadamta da ghuruma rveriha. Na tsa pghadamta lu ta həŋ ya, gi ta luwa ta luwa ka rveriha tsaʼuwaghutá həŋ, ka ɓalanaptá ghudzifa taŋ, ka dəghaɗutá həŋ, dɗada a həŋ ta haɗik wa.

La Levi 23:40

Baɗ taŋtaŋa fitik, dzaʼa ɗaga ɗaga kuni ta yakwa fuha ɗina ɗina, nda dzva zlizlam, nda zligama fuha ka sluhwa dzeʼdzeʼ, ka fuha ta wa lika a tsi, ka rfay ghuni ta rfu ta kəma Yawe, Lazglafta ghuni ka fitik ndəfáŋ.

Lukwa 12:1

Mataba tsaya, ka tskadaghatá mnduha ta vgha ŋəɗdəm ta vata *Yesu ka ɓisla vgha sani ta vata sani. Ka Yesu nda duhwalha ni mantsa: « Ɗasuwa ka kuni nda Isa la *Farisa ta nzakway ka maɗgwirmaɗgwir ta mag həŋ ya.

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Yuhwana 12:13

Ka ɓal həŋ ta sluhwa zlizlam ka dzaʼa da guyay ta tvi. Ka həŋ mantsa: « Ŋa Lazglafta glaku! Ka tfanagha tfa Lazglafta ta wi ta mndu ta sagha nda hga Mgham. Ka tfanagha tfa Lazglafta ta wi ta Mghama la Israʼila, » ka həŋ ka hla wi.

La Ruma 11:25

Zwana ma ɗa, va a yu ta nzakwa ghuni kul snaŋta ɗifatá skwa Lazglafta wu, da klaftá kuni ta ghəŋa ghuni ka gwal nda ɗifil ma ghəŋa taŋ. Gɗava gɗa sanlaha ma la Israʼila nda təŋatá ghəŋ, ha ka sliʼadaghata nekwata gwal kul nzakway ka la *Yahuda da Lazglafta.

Afisus 6:13

Tsaya tama, hlawa hla ta inda tsa huzla vulu ta vlaghunata Lazglafta ya, da hwayaftá kuni saghar ghuya ɗaŋwa, ŋa dihavata ghuni ka ŋɗaŋɗa ka ghəzlafta, ta darra kaghuni.

Hebru 11:12

Mantsa ya, ma mndu turtuk ya nda hala, taghwaŋ a ka mtaku wu, yata lu ta zivira mndu nda ndəgha manda tekwatsa ta luwa, nda ya manda wutak ma ghwa.

Hebru 12:22

Ama kaghuni, gavadagha ta vata ghwá *Tsiyuŋ, nda ya ta vata luwa Lazglafta ya ta vla hafu tsaya ta nzakway ka Ursalima ta luwa, nda tskata vgha duhwalha Lazglafta ka rfu kul laviŋtá lu ta mbəɗaftá həŋ ya kuni.

Suna Yuhwana 11:15

Ka vyata mandəfáŋa duhwala Lazglafta ta ŋa ni ma duli. Ka snaku sana lwiha dagala dagala daga ta luwa. Ka həŋ mantsa: « Mgham Lazglafta ŋni nda Kristani ta ga mgham ta ghəŋa haɗik ndana. Tsatsi dzaʼa ga Mgham ŋa kɗekedzeŋ, » ka həŋ.

Suna Yuhwana 22:3

Haɗ skwi ksiʼaf Lazglafta dzaʼa lami da tsa luwa ya wa. Dughurukwa Lazglafta nda ŋa Zwaŋa Tuwak dzaʼa nzaku ma tsa luwa ya, ŋa tsəlɓay kwalvaha ni ta tsəlɓu ŋa ni.

Suna Yuhwana 3:18

Hiɗaku ya ta vlə yu ŋa gha ná, skwa da iʼi ta dasu ya sluwap lu ma vu, ka da nzakwa ka, ka gadghəl. Skwa guli ta lguta ŋusliŋ ŋa suɗavata gha, ka bukwanatá hula nzakwa gha ka fərdiʼu. Skwa ta ghwana skwi ta iri ŋa ta ira gha, kada nghaŋta ka ta vli.

Suna Yuhwana 4:4

Mamu dughurukha hisambsak fwaɗ mida guli ta wanafta tsa dughuruk ya. Hisambsak fwaɗ mida galata mnduha guli ta nzanzafta tida, nda susuɗatá lguta ŋusliŋ ta vgha taŋ, nda wawa ta zewzewa dasu guli ma ghəŋa taŋ.

Suna Yuhwana 5:11

Ka nghaŋta yu ta ŋəɗdəma ta duhwalha Lazglafta kul laviŋta lu ta mbəɗafta ta wanafta tsa dughuruk ya, nda tsa skwiha nda hafu ma həŋ ya, nda tsa galata mnduha ya tani. Ka fə həŋ ta laha.

Suna Yuhwana 5:9

Ka fə həŋ ta lfiɗa laha. Ka həŋ mantsa: « Nda ra ka ka klafta na defteri na, ka ɓlanaptá ŋizlaha ni, kabga si dza dza lu ta kagha, ka varanaktá ka ta Lazglafta nda usa gha ta inda mndəra mndu ma inda mndəra gwaɗa ta gwaɗ lu, nda inda mnduha, nda inda zivira mnduha.

Suna Yuhwana 6:11

Ka daganafta lu ta lguta ŋusliŋ ta inda taŋ. Ka lu nda həŋ mantsa: « Swidwa karaku, ksanawa ksa ta ŋuɗuf ŋa fitik kwitikw, ha ka hɗamta mbsaka zwana ma ghuni nda graha ta ksa slna ghuni ya dzaʼa pslata lu manda kaghuni ya, » ka lu nda həŋ.

Suna Yuhwana 7:8

Dəmbuʼ ghwaŋpəɗ his mataba mndəra la Zəvuluŋ. Dəmbuʼ ghwaŋpəɗ his mataba mndəra la Yusufu. Dəmbuʼ ghwaŋpəɗ his mataba mndəra la Biŋyamiŋ. Inda tsa mnduha ya ndendeʼanaf lu ta ŋizla Lazglafta ta həŋ.