Suna Yuhwana 7:3 - Hdi

³ Kaʼa nda həŋ mantsa: « Ma ɓadziŋ kuni karaku ta dər haɗik, dər drəf, dər fuha ta kul ndeʼanafta mu ta ŋizla ta kuma ta gwal ta ksanatá slna ta Lazglafta mu ya, » kaʼa.

Suna Yuhwana 7:3 Mawu Ofanana

Sabi 12:13

Us dzaʼa nzakway ka ŋizla ta həga mida kuni. Na nghaŋta ɗa ta us ya, ŋa tsughwaɗaghuta ɗa ta kaghuni, haɗ tsa zləmnda zaɗa mndu ya dzaʼa slaghunaghata ta dzuŋtá yu ta haɗika Masar wa.

Sabi 12:23

Ma ranafta dzaʼa ranafta Yawe ta Masar ŋa dzuŋtá həŋ, ka nda ngha tsi ta us ta zləŋatá wa tgha, nda ya ta slərpuha ni his his katsi, dzaʼa tsughwaɗaghu tsughwaɗa Yawe, haɗ dzaʼa zlanatá tsa mnda zaɗanatá mndu ya ŋa lama ni da həga ghuni ŋa dzughunusta wa.

Danyel 3:17

Rvera ɗa, dər vzam vza ka ta aŋni da tsa duda vu ghandand ya ná, mamu Lazglafta ŋni ya ta ksanata ŋni ta slna nda mbraku ŋa katagaŋnapta ma tsa həga vu ghandand ya, dzaʼa katagaŋnapta guli ma dzva gha!

Danyel 3:26

Ka lagha Nevuhadnetsar ta wa tgha tsa həga vu ghandand ya. Kaʼa nda lwi dagala nda i Sadrak, nda Mesak, nda Ghaveɗnegu mantsa: « Kwalvaha Lazglafta Dagala, sabwa sa, saghuwa sa! » kaʼa. Ka sab i Sadrak, nda Mesak, nda Ghaveɗnegu ma tsa vu ya.

Danyel 6:16

Ama ka gi lagha tsa mnduha ya tskavata tizlik ta vata mgham. Ka həŋ nda mgham mantsa: « Rvera ɗa, nda sna ka ná, ka zlaha la Mediya nda la Persiya ná, haɗ mndu dzaʼa laviŋtá mbəɗanafta skwi pyaf lu, ka zlahu a tsi fa lu thaf mgham ta dzvu tida wu, » ka həŋ.

Mata 24:22

Ka má haɗ ka Lazglafta ta htanaktá tsa fitik ya wu, ma haɗ mndu dzaʼa ndapta wa. Ama kabga gwal ya zabap tsi, ka htanaktá tsi ta tsa fitik ya.

Mata 24:31

Ŋa ghunafta ni ta duhwalha Lazglafta ŋa vyata taŋ ta duli ta taw katakata, ŋa tsakakta taŋ ta gwal ya ɗagap tsi ta slərpa luwa fwaɗ, sliʼafta ni ta mndəra luwa dikw dista luwa. »

Yuhwana 12:26

Ka ta kumay mndu ta magihatá slna ná, ka sawi tsi mista ɗa, ma tsa vli dzaʼa nzata iʼi ya, hada dzaʼa nzata tsa mndu ta magihatá slna ɗa ya guli. Ka ta magiha maga mndu ta slna, dzaʼa ŋlanaf ŋla Da ɗa ta tsa mndu ya, » kaʼa nda həŋ.

Yuhwana 3:33

Mndu ta tsuʼaftá gwaɗa ni ná, graf gra tsa mndu ya ta Lazglafta kazlay: Kahwathwata ya kəʼa.

La Ruma 6:22

Ndana tama guli ná, pligighunispla lu ma dmaku ka nutá kuni ka kwalva Lazglafta ka mutsaftá kuni ta nzata nda ghuɓa ma nzakwa ghuni, ŋa mutsay ghuni ta hafu ŋa kɗekedzeŋ ma kɗavakta ni.

Suna Yuhwana 13:16

Ka tsa mahisa nimtak ya mantsa: Tahanafwataha ta ŋizla ta dzva zeghwi, ka ma bizlbizla kuma a tsi ta zwani, nda galata mnduha, nda la ka gadghəl, nda la ka pɗu, nda la kul haɗ ka vuʼa, nda la ka vuʼa tani.

Suna Yuhwana 13:17

Ka haɗ tsa ŋizla ta nzakway ka hga tsa nimtak ya, ka mbsaka hga ni a tsi ya, ta tsa mndu ya wu katsi, yaha da skwa skwi, yaha da dzawaptá skwi guli, kaʼa.

Suna Yuhwana 14:1

Ka nghaŋtá yu kay guli ta Zwaŋa Tuwak ta sladu ta ghwá *Tsiyuŋ. Ta sladu mnduha dəmbuʼ dərmək nda fwaɗ mbsak fwaɗ mida kawadaga nda tsi. Inda taŋ, nda vinda hga Zwaŋa Tuwak nda hga Da ni guli ma bizlbizla kuma taŋ.

Suna Yuhwana 14:9

Ka sab mahkəna sana duhwala Lazglafta guli. Kaʼa nda lwi dagala dagala mantsa: « Ka ta tsəlɓay mndu ta tsəlɓu ŋa tsa nimtak ya, nda ya ŋa tsa skwa wuyay tsaf lu ya, ka tsuʼaftá tsi ta ŋizla ta bizlbizla kuma ni ka ta dzva ni a tsi,

Suna Yuhwana 19:2

Nda tva ni manda ya ta raku ta tsatsi ta guma. Ka tsanaghatá tsi ta guma ta tsa mghama sliʼiŋ ta ɓadziŋta haɗik nda tsa sliʼiŋsliʼiŋani ya. Ganap ga Lazglafta ta iri kabga vəl pslata ni ta kwalvaha ni, » kaʼa.

Suna Yuhwana 20:4

Tahula tsa guli, ka nghaŋtá yu ta dughurukha. Ka vlaŋtá lu ta mbrakwa tsa guma ta gwal ta nzaku tida. Ka gi nghaŋtá yu ta hafa gwal ɗatsaghu lu ta ghəŋa taŋ ta ghəŋa vəl mna gwaɗa Yesu nda ya ta ghəŋa gwaɗa Lazglafta. Hahəŋ ná, tsəlɓaŋ a həŋ ta tsəlɓu ŋa tsa nimtak ya nda ya ŋa skwa wuyay ni tani wa. Haɗ ŋizla ni ta kuma taŋ nda ya ta dzvuha taŋ wa. Ka vramtá həŋ, ka gə həŋ ta mgham kawadaga nda Yesu Kristi ka vaku dəmbuʼ.

Suna Yuhwana 22:4

Dzaʼa nghaŋ ngha həŋ ta kuma ni, dzaʼa mamu hga ni ma bizlbizla kuma taŋ guli.

Suna Yuhwana 6:6

Ka snə yu ta gwaɗagapta sana lwi ma takataka tsa skwiha fwaɗ nda hafu ma həŋ ya. Kaʼa mantsa: « Darama alkama turtuk ya ná, prək ka kwaɓa vagha mndu turtuk ta ksa slna. Darama hpwa hya hkən ya guli ná, prək ka kwaɓa vagha mndu turtuk ta ksa slna. Ama rɗi nda ima inabi ya, ma ksaŋ ka ta tsaha ya, » kaʼa.

Suna Yuhwana 7:1

Tahula tsa, ka nghaŋtá yu ta duhwalha Lazglafta fwaɗ ta sladu ta slərpuha haɗik fwaɗ. Ka ŋaghuta həŋ ta falakha fwaɗ, kada kwala həŋ ta vyaku ta haɗik dər ta drəf, dər ta fuha.

Suna Yuhwana 7:2

Ka nghə yu ta sana duhwala Lazglafta ta safi nda ma mndəra luwa nda ŋatá ŋizla Lazglafta ta vla hafu. Ka hgaŋtá tsi nda lwi dagala dagala ta tsa duhwalha Lazglafta valaŋ lu ta həŋ ta mbrakwa ɓadziŋtá haɗik nda imiha tani ya.

Suna Yuhwana 9:4

Ka lu nda həŋ mantsa: « Yaha kuni da ksaŋtá kuzuŋ ta haɗik, dər fu, dər wati ma skwi ta ɗyafta nda ɗya. Mnduha kul haɗ ŋizla Lazglafta ma bizlbizla kuma taŋ yeya kweŋkweŋ dzaʼa kuni hahay.