Suna Yuhwana 3:4 - Hdi

⁴ Nziya nza tsi, mamu sanlaha ma mnduha gha, ma va tsa luwa Sardis ya kul ŋəriŋta lguta taŋ. Tsaha ya, dzaʼa sliʼi həŋ kawadaga nda iʼi nda suɗatá lguta ŋusliŋ, kabga raŋra ta həŋ.

Suna Yuhwana 3:4 Mawu Ofanana

1Mgh 19:18

Ama dzaʼa zlana zla yu ta mnduha dəmbuʼ ndəfáŋ (7.000) ma Israʼila, inda gwal kul tsəlɓaŋtá tsəlɓu ta kəma Baghal, kul walaŋta brusata nda wubisima taŋ ya, » kaʼa.

Asta 8:15

Ka sliʼaftá Murduhay ta kəma mgham ka sabi nda suɗatá lguta mamgham mgham, ka kubwalkubwal nda ŋusliŋ, nda fatá gwambara dasu ghəlkəɗ ma ghəŋ ta ghəŋa lguta huɗa liŋ kulefeɗ tsərslata ni nda dva ghuz. Ka gigɗaku vli ma luwa Susaŋ dabga hla wi, nda rfu katakata.

La Levi 13:48

dər lgut gaf lu nda swida tuwak, ka lgut gaf lu nda liŋ a tsi, ka dər ka huta tsi, ka dər huzla magaf lu nda huta a tsi,

Mata 10:11

« Ka lam la kuni da luwa dagala, dər da zwaŋa luwa a tsi, zbawa zba ta mndu ya nda fa vgha ni ŋa tsuʼaftá kaghuni. Ka nzata kuni ga tsa mndu ya ha ka sagha fitika sliʼafta ghuni.

Markus 16:5

Ka gi lam həŋ da tsa kulu ya. Ka slanaghatá həŋ ta sana duhwal ta nzaku hada nda ga zeghwi, nda suɗatá ta lguta ŋusliŋ zutut ta vgha ni. Nghaŋta taŋ, mbaɗa həŋ ka ghudzafta da zləŋ.

Lukwa 20:35

ama zgwana nda miʼaha gwal nghadap Lazglafta kazlay: Nda ra həŋ ka vragapta ma mtaku nda hafu, ŋa nzaku nda hafu ma mbəɗakwa luwa dazlay kəʼa ya, haɗ həŋ dzaʼa kluvustá vgha wa.

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Slna gwal ghunay 1:15

Baɗu sana fitik, ma tsa fitik ta tskə həŋ ta vgha ya, ka tskavatá gwal zlghay nda ŋuɗuf ta magay həŋ ta dərmək nda hisambsak. Ka Piyer sliʼavata mataba taŋ mantsa:

2Tes 1:5

Tsa ghuya ɗaŋwa ya ta maray kazlay: Tɗukwa guma Lazglafta kəʼa, ŋa klafta ni ta kaghuni ka gwal nda ra ŋa da ga mghama Lazglafta, ya ta ghuy kuni ta ɗaŋwa ta ghəŋa ni ya.

Yuda 1:23

Mbanafwamba ta sanlaha guli nda tɗigiŋtá həŋ ma skwi dzaʼa klamtá həŋ da vu. Tawawa hiɗahiɗa ta sanlaha, ama ɗaswa ka kuni da tɗamtá həŋ ta kaghuni da dmakwa taŋ.

Suna Yuhwana 1:11

Kaʼa mantsa: « Klaf kla ta ɗelewer ka vindamta ka mida ta skwi nghaŋ ka. Ka tsaghanafta ka ta ghuɓa Iglizha ndəfáŋ, ta nzakway ka luwa: Afisus, Samirna, Pergam, Tiyatir, Sardis, Filadelfi nda Lawdikiya, » kaʼa. Na snaŋta ɗa ta tsa lwi ya,

Suna Yuhwana 11:13

Gi ma va tsa fitik ya, ka gigɗavafta haɗik katakata ka hwanzaɓanapta faway turtuk ma dgatá tsa luwa ya ghwaŋ. Ka rwuta mnduha dəmbuʼ ndəfáŋ ma gigɗavafta tsa haɗik ya. Ka ksuta zləŋ katakata ta gwal ta pɗaku, ka zləzlvu həŋ ta Lazglafta ya ta nzaku ta luwa.

Suna Yuhwana 14:4

Hahəŋ ná, ŋəriŋ a həŋ ta vgha taŋ nda hliri wa. Ksana ksa həŋ ta vgha taŋ, ka nzata həŋ hezleʼ. Mista Zwaŋa Tuwak ta mbaɗa həŋ ta mbaɗa dər ta dzaʼa diga tsi. Varagap mataba mnduha lu ta həŋ. Nda nza həŋ ka taŋtaŋa ni vlaŋ lu ta Lazglafta nda ya ŋa Zwaŋa Tuwak.

Suna Yuhwana 19:14

Mbaɗa la sludziha ta luwa ka sliʼi mista ni ta plis ka ŋusliŋ ka ŋusliŋ, nda susuɗata lgutha kulefeɗfəɗa, ka ŋusliŋ ka ŋusliŋ, nda ghuɓa nda ghuɓa guli.

Suna Yuhwana 19:8

Vlaŋ vla lu ta tvi ŋa suɗavatá lgut kulefeɗfeɗa, ta wuɗaku, nda ghuɓa guli, » kaʼa. « Tsa lgut kulefeɗfeɗa ya ná, slna tɗukwa maga mnduha Lazglafta ya. »

Suna Yuhwana 3:18

Hiɗaku ya ta vlə yu ŋa gha ná, skwa da iʼi ta dasu ya sluwap lu ma vu, ka da nzakwa ka, ka gadghəl. Skwa guli ta lguta ŋusliŋ ŋa suɗavata gha, ka bukwanatá hula nzakwa gha ka fərdiʼu. Skwa ta ghwana skwi ta iri ŋa ta ira gha, kada nghaŋta ka ta vli.

Suna Yuhwana 3:5

« Mantsa ya dzaʼa suɗanavata lu ta lguta ŋusliŋ ta mndu dzaʼa zata ghwa. Haɗ yu dzaʼa walaŋta hərɗiŋta hga ni ma deftera ya vindam lu ta hga gwal nda hafu ŋa kɗekedzeŋ wa. Dzaʼa mnaŋ mna yu ta hga ni ta kəma Da ɗa, nda ya ta kəma duhwalha ni kazlay: Ŋa ɗa həŋ kəʼa.

Suna Yuhwana 4:4

Mamu dughurukha hisambsak fwaɗ mida guli ta wanafta tsa dughuruk ya. Hisambsak fwaɗ mida galata mnduha guli ta nzanzafta tida, nda susuɗatá lguta ŋusliŋ ta vgha taŋ, nda wawa ta zewzewa dasu guli ma ghəŋa taŋ.

Suna Yuhwana 6:11

Ka daganafta lu ta lguta ŋusliŋ ta inda taŋ. Ka lu nda həŋ mantsa: « Swidwa karaku, ksanawa ksa ta ŋuɗuf ŋa fitik kwitikw, ha ka hɗamta mbsaka zwana ma ghuni nda graha ta ksa slna ghuni ya dzaʼa pslata lu manda kaghuni ya, » ka lu nda həŋ.

Suna Yuhwana 7:9

Tahula tsa, ka nghaŋtá yu guli ta ŋəɗdəma ŋəɗdəma ta mnduha kul laviŋta lu ta mbəɗafta. Tsa mnduha ya ná, sab ma inda haɗikha, nda ya ma inda mndəra mndu, nda ya ma inda zivira mnduha, nda ya ma inda gwaɗa ta gwaɗ mndu saba həŋ. Ta sladu həŋ ta kəma dughuruk nda ya ta kəma Zwaŋa Tuwak nda suɗatá lguta ŋusliŋ nda ŋatá zlizlam ma dzvu, həŋ.