Suna Yuhwana 2:2 - Hdi

² Nda sna yu ta slnaha gha, ta dza dza ka ta vgha meʼ ka magay, ta ŋava ŋa ka. Haɗ ka ta dzra wi nda gwal ta sidi wa. Ghunatá mndu ŋni, ka sanlaha ma mnduha ta mnay. Tsaw ta ghunatá mndu a həŋ kay guli mataba tsa wa. Ka dzəghaŋtá ka ta həŋ, ka tsatsaftá ka kazlay: Gwal tsakalawi həŋ kəʼa.

Suna Yuhwana 2:2 Mawu Ofanana

Mata 7:23

Ka yu dzaʼazlay nda həŋ baŋluwa na: “Ta walaŋ a yu ta snaŋtá kaghuni wu. Laghwala ta vata iʼi, kaghuni gwal maga ghwaɗaka skwiha”. »

Yuhwana 6:6

Ŋa tsakwasla gwaɗa da tsi kəl tsi ka mnanata mantsa, kabga nda sna tsatsi ta skwi dzaʼa tsi magay.

Galat 1:7

Ka kahwathwata ni ka lu gwaɗay na, haɗ sana *Lfiɗa Gwaɗa wa. Kəl yu ka mna tsaya ná, mamu sanlaha ma mnduha ta mbaɗa ghəŋ ghuni, ta kuma mbəɗanaftá Lfiɗa Gwaɗa Kristi.

Afisus 4:14

Nda tsaya tama ná, nzata a mu manda zwani wa. Nanglafta a gwal tsakalawi ta amu nda tsa ghwaɗaka skwa taŋ ta tagh həŋ ya ŋa zaɗimista ma tvi, manda kwambalu ta klambaraku ta ghəŋa drəf wa.

1Tes 1:3

Ta gɗa gɗa ŋni guli ta havakta ta kəma Lazglafta Da ŋni ta slna zlghay nda ŋuɗufa ghuni, nda yifatá slna ta mag kuni, kabga ɗvafta ya ɗvaf kuni nda dihata fatá ghəŋa ghuni ta Mgham *Yesu *Kristi.

1Tes 5:21

Ama kwatsaɗapwa inda skwi demdem, ka zbapta kuni ta ya ɗina,

2Tim 2:19

Tsaw tsa dihatá dughwaŋa skwi thaf Lazglafta ya ná, gigɗavaf a wa. Wya ka lu vindafta ta tsa dughwaŋ ya: « Nda sna Mgham Lazglafta ta gwal ta nzakway ka ŋa ni. » Ka lu guli na: « Inda mndu ta mnay kazlay: Ŋa Mgham Lazglafta yu kəʼa ná, ka mbəɗana mbəɗa tsi ta hul ta maga ghwaɗaka skwi, » kaʼa.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

1 Yuhwana 4:1

Zwana ma ɗa, ma gi sna kuni ta gwaɗa mndu ta mnay kazlay: Mamu Sulkuma Lazglafta ma iʼi kəʼa ya. Ɗaslawa tsa skwi ta mnə tsi ya karaku, ka mamu Sulkuma Lazglafta mida, ka haɗ wa a tsi. Kəl yu ka mna tsaya ná, kabga nda ndəgha ghwaɗaka anabiha ta sliʼagapta ta ghəŋa haɗik.

Suna Yuhwana 2:5

Havak hava, ka ma vəl ga zlambuta ka ya. Ka payanata ka ta nzakwa gha, ka vranafta ka ta nzakwa gha manda va ya si ghalya. Ka kwalaghu kwala ka ta mbəɗanafta nzakwa gha katsi, dzaʼa lagha la yu da slaghaghata, ŋa klaghuta pitirla gha ma vla ni.

Suna Yuhwana 2:6

Nziya nza tsi ná, mamu sana skwi ta zɗəgihata ma kagha. Ta Husagha husa slna la Nikwalay manda va ya ta husihata tsi ta iʼi ya guli.

Suna Yuhwana 2:9

Nda sna yu ta sa duni ta sə ka, nda pɗa gha. Tsaw ka gadghəl ka. Nda sna yu ta rutsak ya ta pghə lu ta kagha, nda ya ta pghə tsa gwal ta mnay kazlay: La *Yahuda aŋni kəʼa ya, tsaw mantsa ya a həŋ wu, guyata ghəŋa mnduha halaway həŋ.

Suna Yuhwana 3:1

« Vinda ŋa duhwala Lazglafta ta nzakway ka ŋa *Igliz ma luwa Sardis. « Wya skwi mna mndu ta ŋanata Sulkumha ndəfáŋ ka ŋa Lazglafta nda tekwatsaha ndəfáŋ. Kaʼa mantsa: Nda sna yu ta inda slnaha gha. Nda hafu ma iʼi ka ka ta gray, tsaw nda mta ka.

Suna Yuhwana 3:15

Kaʼa mantsa: Nda sna yu ta inda slna gha. Nda sna yu kazlay: Ləŋləŋa a ka wu, ghwitaktaka a ka wu kəʼa.

Suna Yuhwana 3:8

Kaʼa mantsa: Nda sna yu ta inda slnaha gha. Nda sna yu guli kazlay: Nda hta mbrakwa gha kəʼa. Kulam nda va tsaya tani, ŋana ŋa ka ta gwaɗa ɗa. Ta mna a ka kazlay: Sna a yu ta kagha wu kəʼa nda iʼi wa. Tsaya tama, ta gunagha guna yu ta wa tgha. Haɗ mndu dzaʼa hafta wa.