Suna Yuhwana 1:7 - Hdi

⁷ Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!

Suna Yuhwana 1:7 Mawu Ofanana

Mata 24:30

Ma tsaya tama dzaʼa ngha lu ta saha zwaŋa mndu ta luwa ŋa wahay mnduha ta ghəŋa haɗik ka wahu, ŋa nghay taŋ ta *Zwaŋa mndu ta saha ta luwa ma ghwayak nda inda mbrakwa ni, nda inda glakwa ni.

Danyel 7:13

Ka nghə yu manda skwi ma suni girviɗik, ta sana skwi manda mnda səla, ta saha ma ghwayak ta luwa. Ka lagha tsi da tsa mndu daga bamma ya, ka kladaghatá lu da tsi.

Yuhwana 19:37

Ka lu vindafta ma sana vli guli ná, « dzaʼa nghanava ngha həŋ ta tsa mndu sliglanava həŋ nda gupa ya » kəʼa.

Markus 14:62

Ka Yesu zlghanaftá mantsa: « Aŋi, iʼi ya. Dzaʼa nda ngha kuni ta iʼi *Zwaŋa mndu ta nzaku nda ga zeghwa Lazglafta nda mbra. Dzaʼa nghay kuni ta saha ɗa ma kusay ta luwa guli, » kaʼa.

Lukwa 21:27

Ma tsaya dzaʼa nghaŋta lu ta *Zwaŋa mndu ta saha ma mbrakwa ni nda glakwa ni dagala ma kusay.

1Tes 4:17

ŋa hla amu ta ndiri ya kawadaga nda həŋ ma ghwayak, ŋa dzaʼa guyaku nda Mgham Yesu ma ghuvaŋata luwa. Mantsa ya tama, ŋa nzakwa mu ŋa ɗekɗek kawadaga nda Mgham Lazglafta.

1Tes 1:10

ŋa kəzla zwaŋa ni Yesu, ta saha ta luwa. Tsa zwaŋa ni sliʼaganap Lazglafta ma mtaku, ta klaptá amu ma guma Lazglafta ta sagha ya.

Markus 13:26

Ma tsaya tama, dzaʼa nghaŋta lu ta saha *Zwaŋa mndu nda mbraku ma ghwayak, ta wuɗaku katakata ma glakwa ni ta saha tsi dzaʼazlay.

Yuda 1:14

Ka Inuk ta nzakway ka mandəfáŋa dzidzí daga ta *Adamu mnata ta ghəŋa mndərga tsa mnduha ya daga ghalya na: « Wya Mgham ta saha kawadaga nda duhwalha ni nda ndəgha ŋəɗdəm,

Mata 26:64

Ka Yesu nda tsi mantsa: « Manda va ya mna kagha nda wa gha. Ka yu ta sgaghunaghata ta ghəŋa ni ná, daga ndanana, dzaʼa nda ngha kuni ta *Zwaŋa mndu ta nzaku nda ga zeghwa Lazglafta ta mbruta, dzaʼa nda ngha kuni ta saha ni ma kusay ta luwa guli, » kaʼa.

Suna Yuhwana 22:20

Ka na mndu ta nghaŋtá na skwiha na ta mnay ná, « Aŋi, wya yu gi ta lagha. » Amin! Sagha sa gha Mgham Yesu!

1 Yuhwana 3:2

Zwana ma ɗa, daga ndanana zwana Lazglafta amu. Nziya nza tsi, tsa nzaku ká mu dzaʼa nzakway ta kəma ya ná, ta ma ɗifa karaku. Tsaw nda sna amu kazlay: Baɗu vragata dzaʼa vragata Kristi ná, dzaʼa nzakway amu manda tsatsi kəʼa, kabga dzaʼa nda ngha mu ta nzakwa ni.

Hebru 10:29

Ka si mantsa ya nzakwa ni nda zlaha Musa ya ní, kighkigh dzaʼa nzakwa tsi nda mndu ta zlridiŋtá Zwaŋa Lazglafta, ka razanaftá Sulkum ya ta vlamatá zɗakatahuɗi ya tama? haɗ ghəzliwa ni wu, kaʼa nda us ya kəl Lazglafta ka dzrafta wi nda tsi, ka ghuɓiŋta nda tsi ya.

Yuhwana 19:34

Ka sliglanavatá sani ma tsa sludziha ya ma ŋwazliɓ nda gupa ni, ka gi mbəzagaptá us nda imi.

Mbsak 24:17

Ta nghay yu, ama ŋa ndanana a wa. Ta vitsay yu, ama ndusa a wa: Ka sab tekwatsa da Yakubu, ma Israʼila ta sliʼafta dafa ga mgham, ta pslanaptá bizlbizla kuma la Muwav, nda bɗəma inda mndəra la Set.

Gwal tsa guma 5:31

Ari Yawe! Ka zwaɗ zwaɗa ghumaha manda Sisəra. Gwal ta ɗvuta ná, ka nza həŋ guram nda fitik ta zlagapta nda mbrakwa ni, » kaʼa. Fwaɗ mbsak vakwa tsa haɗik ya ma zɗaku.

Suna Yuhwana 22:4

Dzaʼa nghaŋ ngha həŋ ta kuma ni, dzaʼa mamu hga ni ma bizlbizla kuma taŋ guli.

Hebru 6:6

ta zləmbuta ka vrəglamta da nzakwa ni ghalya ná, nda bla ka vrəglakta taŋ da pləgəltá dmakwa taŋ. Zləŋglafzləŋa həŋ ta Zwaŋa Lazglafta ta udza zləŋay, ka razay baŋluwa.

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 16:28

Kahwathwata ka yu ta mnaghunata ná, haɗ sanlaha mataba na gwal hadna na dzaʼa rwuta kul nghaŋtá həŋ ta sagha Zwaŋa mndu ma ga mghama ni wa. »

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.