Suna Yuhwana 1:1 - Hdi

¹ Nana ɗelewer na ná, ta gwaɗay ta gwaɗa ta ghəŋa skwi ya maranaŋ *Yesu *Kristi ta gwal ka kwalva Lazglafta. Lazglafta ta vlaŋtá tsa skwiha ya ŋa maranaŋtá həŋ, ŋa snaŋta taŋ ta skwi ta dzaʼa gi magaku. Tsaya tama kəl Yesu Kristi ka ghunaftá duhwala ni da kwalva ni Yuhwana ŋa maranaŋtá tsa skwiha ya.

Suna Yuhwana 1:1 Mawu Ofanana

Danyel 8:16

Ka snaŋtá yu ta lwa sana mndu ta gwaɗagapta ma takataka zala Ulay. Ka gugɗatá tsi. Kaʼa mantsa: « Gabriyel, mnana mna ta Danyel ta klatá ghəŋa tsa skwi ta nghə tsi ya, » kaʼa.

Danyel 9:21

Tata maga tsa duʼa ya yu tama, ka ndragaghatá tsa Gabriyel si nghaŋ yu taŋtaŋ manda skwi ma suni ya kay ta vata iʼi, ga hawu ta fitika pla ghəŋ.

Danyel 9:23

Na tsa fitika zlrafta gha ta taw da Lazglafta ya ná, ka sab gwaɗa da tsi, tsaya kəl yu ka sagha da snaghamta, kabga mamu sgita gha ta wa ira Lazglafta. Guna guna ta sləməŋ wuzlaŋ, ka sna ka ta tsa gwaɗa ta ghəŋa tsa skwi nghaŋ ka manda skwi ma suni ya.

Yuhwana 12:49

Iʼi ná, gaghəŋ gaghəŋa ɗa a ta gwaɗa yu ta gwaɗa wa. Tsa Da ta ghunigihata ya ta mnihatá gwaɗa ŋa gwaɗay ɗa, nda ya ŋa ta taghay ɗa ŋa mnduha.

Yuhwana 15:15

Hgəgla a yu ta kaghuni ka kwalvaha wu, kabga sna a kwalva ta skwi ta mag daŋahəga ni həga ni wa. Graha ɗa ta hga iʼi ta kaghuni, kabga inda skwi taghaf yu da Da ɗa ná, snaghunam sna yu.

Yuhwana 17:8

Mnana mna yu ta həŋ ta gwaɗa ya mniha ka, tsuʼaf tsuʼa həŋ. Nda sna həŋ dar kazlay: Daga da kagha sagha yu kəʼa, zlghaf zlgha həŋ guli kazlay: Kagha ta ghunigihata kəʼa.

Yuhwana 3:32

Gwaɗa ta ghəŋa skwi nghaŋ tsi nda ya snaŋ tsi ta gwaɗ tsi. Haɗ mndu ta tsuʼaftá gwaɗa ni wa.

Yuhwana 8:26

Ta traku skwiha ŋa mnay ɗa ta kaghuni, ka tsaghunaghatá guma. Tsa mndu ta ghunigihata ya ná, vərɗa mndu ya. Skwi snaŋ yu da tsi ta mnə yu ŋa mnduha ta ghəŋa haɗik, » kaʼa nda həŋ.

La Ruma 16:25

Ŋa Lazglafta glaku! Laviŋ lava ta dihaghunata manda va ya ta mnə *Lfiɗa Gwaɗa, ya ta mnə yu ta ghəŋa *Yesu *Kristi ya. Tsa Lfiɗa Gwaɗa ya ná, skwi si nda ɗifa ya daga ghalya, zlagigiŋ lu.

Galat 1:12

Manda va tsaya ná, snaŋ da mndu a yu wu, mndu a guli ta taghaɗifta wa. *Yesu *Kristi ka ghəŋa ni ta guniɗiŋta.

Afisus 3:3

Tsatsi ta guniɗiŋtá ghunislaka ɗa, kəl yu ka snaŋtá ɗifatá skwa ni manda ya vindaghunaf yu neɗ ya kay.

Titus 1:1

Iʼi Pwal ta nzakway ka kwalva Lazglafta, ghunatá mnda *Yesu *Kristi, ŋa kataŋtá mnduha ɗagap Lazglafta ŋa nzakway ka ŋa ni, ŋa snanamtá həŋ ta vərɗaka tagha skwi ta maramatá tva nzaku ta zɗəganatá Lazglafta ya.

Suna Yuhwana 1:19

Vinda tama ta inda skwi ya nghaŋ ka, nda inda skwi ya ta magaku ndanana, nda inda skwi ya dzaʼa gi sagha tahula tsa.

Suna Yuhwana 1:9

Iʼi Yuhwana zwaŋama ghuni ya ta vindaghunafta. Nda iʼi tani, nda kaghuni tani, nda guya vgha mu ma *Yesu. Ta kuwa turtuk mu ma ghuya ɗaŋwa. Suʼuway ta suʼu mu demdem. Ma ga mghama ni mu. Ksaf ksa lu ta iʼi, ka klaghata vziŋta ta tsatá haɗik ma takataka drəf ta hgu lu ka Patmus, ta ghəŋa vəl mnay ɗa nda tva ni ta gwaɗa Lazglafta nda kahwathwata ni ya marigiŋ tsi ma Yesu.

Suna Yuhwana 17:1

Tahula tsa, ka gavagaghatá sani turtuk ma tsa duhwalha Lazglafta ndəfáŋ ta ŋanatá leghwaha ndəfáŋ ya ta vata iʼi. Kaʼa mantsa: « Sawi ka maraghata yu ka lu dzaʼa tsa guma ta tsa mghama hliri ta nzakway ka luwa dagala, ta nzafta ta imiha ya ɓa.

Suna Yuhwana 19:10

Na tsa snaŋta ɗa mantsa ya, ka zləmbata yu ka tsəlɓu ta kəma ni. Ama kaʼa nda iʼi mantsa: « Nawa, ma mag ka mantsa! Mnda ksanatá slna ta Lazglafta yu manda va kagha, manda va zwana ma gha ta ŋanatá kahwathwata ya marigiŋ lu nda ma Yesu. Ŋa Lazglafta dzaʼa tsəlɓa ka ta tsəlɓu, » kaʼa. Tsa kahwathwata marigiŋ lu nda ma Yesu ya ta vlata mbrakwa kla lwa Lazglafta.

Suna Yuhwana 19:9

Ka sana duhwala Lazglafta nda iʼi mantsa: « Vindaf vinda kazlay: Rfu da gwal hagaf lu da vla za skwa zaya klay Zwaŋa Tuwak ta makwa » kəʼa. Kaʼa nda iʼi guli mantsa: « Nana gwaɗaha na ná, gwaɗa Lazglafta ya kahwathwata, » kaʼa.

Suna Yuhwana 21:2

Ka gi nghaŋtá yu ta saha luwa dagala nda ghuɓa, ta nzakway ka luwa Ursalima ta luwa daga da Lazglafta. Nda rka rka ni manda makwa ta dzaʼa da zəʼal.

Suna Yuhwana 21:9

Tahula tsa, ka sagha sani turtuk mataba tsa duhwalha Lazglafta ndəfáŋ, ta ŋaŋanatá leghwaha ndəfáŋ, nda ndaghatani nda tsa ghuya ɗaŋwaha ndəfáŋ ka kwanaha ni ya. Ka gwaɗgihatá tsi, kaʼa mantsa: « Sagha sa! Ka maraghata yu ta makwamidzi ta nzakway ka markwa Zwaŋa Tuwak, » kaʼa.

Suna Yuhwana 22:1

Tahula tsa, ka marihatá tsa duhwala Lazglafta ya ta ghwa ima ta vla hafu, ta wuɗaku manda dalagar, ta mbəzagapta ma dughurukwa i Lazglafta nda Zwaŋa Tuwak,

Suna Yuhwana 22:16

« Iʼi Yesu ta ghunaftá duhwala ɗa ŋa mnanaŋtá tsa skwiha ya ta *Igliz. Iʼi ná, zivira mghama Dawuda yu, gumbəzla ta wuɗaku ga sərɗək yu, » kaʼa.

Suna Yuhwana 22:6

Tahula tsa, ka tsa duhwala Lazglafta ya nda iʼi mantsa: « Kahwathwata na gwaɗa na, gwaɗa ŋa faftá ghəŋ tida ya, Mgham Lazglafta ya ta valaŋtá Sulkuma ni ta la anabi ta ghunaftá duhwalha ni ŋa maranatá kwalva ni ta skwi ya gi dzaʼa magaku, » kaʼa.

Suna Yuhwana 22:8

Iʼi Yuhwana ta snaŋta nda sləməŋa ɗa, ka nghaŋtá yu nda ira ɗa ta tsa skwiha ya. Manda snaŋta ɗa ka nghaŋtá yu, ka zləmbatá yu ta kəma tsa duhwala Lazglafta ta maray ŋa ɗa ya, ka tsəlɓu ŋa ni.

Suna Yuhwana 22:9

Ama kaʼa nda iʼi mantsa: « Nawa, ma mag ka mantsa! Mnda ksa slna yu manda va kagha, manda va zwana ma gha la anabi, manda va gwal ta snatá gwaɗa ma na defteri na, ŋa Lazglafta tsəlɓa ka ta tsəlɓu, » kaʼa.

Suna Yuhwana 4:1

Tahula tsa, ka nghaŋtá yu ta gunatá wa tgha ta luwa. Ka snəglaŋta yu ta tsa lwi si ta gwaɗgihata nda lwi dagala manda ghudzaga duli ya kay. Kaʼa nda iʼi mantsa: « Saf sa da hadna ka maraghata yu ta skwi ya dzaʼa magaku tahula tsa, » kaʼa.

Suna Yuhwana 5:7

Ka lagha tsi da tsa mndu ta nzaku ta dughuruk ya, ka zlghaghutá tsa defteri ma dzva zeghwa ni ya.