Sabi 4:15 - Hdi

¹⁵ Ka gwaɗganata ka, ka baluŋta ka ta gwaɗa. Vərɗa iʼi ná, kawadaga yu nda kaghuni ma fitik dzaʼa gwaɗ kuni ta tsa gwaɗa ya, dzaʼa taghaghunaf tagha yu ta skwi dzaʼa kuni magay.

Sabi 4:15 Mawu Ofanana

2Sam 14:3

Ka dzaʼa ka slanaghatá mgham ka mnanata ka ta gwaɗa dzaʼa yu mnaghata, » kaʼa. Ka balanustá Yuʼav ta gwaɗa ya dzaʼa tsa marakw ya mnay ŋa mgham.

Sabi 3:12

Kaʼa nda tsi mantsa: « Kawadaga yu nda kagha. Ŋa graghafta kazlay iʼi ta ghunaftá kagha kəʼa, mamu ŋizla ta vlaghata yu: Baɗ hlagapta gha ta la Israʼila ma Masar ya, ŋa sagha ghuni da tsəlɓu ŋa ɗa ta na ghwá na, » kaʼa.

Sabi 4:12

Ndanana ná, la! kawadaga yu nda kagha ta gwaɗ ka ta gwaɗa, dzaʼa taghaghaf tagha yu ta skwi ŋa gwaɗay gha, » kaʼa.

Sabi 4:28

Ka rusanaftá Musa ta Haruna ta inda gwaɗa mnana Yawe taghunafta ya, nda inda ŋizlaha mnana tsi ŋa magay.

Sabi 4:30

Ka rusanaftá Haruna ta həŋ ta inda gwaɗa mnanaf Yawe ta Musa. Magaŋha Musa guli ta ŋizlaha ta kəma la Israʼila.

Mbsak 16:28

Ka Musa mantsa: « Ma nana dzaʼa snaŋta kuni kazlay Yawe ta ghunaftá iʼi ŋa hɗanamtá inda na slnaha na kəʼa. Iʼi gaghəŋ gaghəŋa ɗa a ta tsaʼatá wa.

Mbsak 22:38

Ka Bilgham nda Balak mantsa: « Mantsa nzakwa ni, sagha sa yu da kagha, ndanana dzaʼa laviŋ lava yu ta mna dər nahgani tsi ra? Gwaɗa dzaʼa fiɗimta Lazglafta ma wa ɗa, dzaʼa mnə yu, » kaʼa.

Mbsak 23:12

Ka Bilgham mantsa: « Nza a tkweʼ ka mnigiŋta ɗa ta skwi manda va ya fiɗim Yawe ma wa ɗa wu ra? » kaʼa.

Mbsak 23:16

Ka maravatá Yawe ta vata Bilgham, ka fanamtá tsi ta gwaɗa ma wi. Kaʼa mantsa: « Vra slanaghatá Balak, ka mnanata ka ta gwaɗa mna gha yu, » kaʼa.

Mbsak 23:5

Mantsa tama, ka fanamtá Yawe ta gwaɗa ma wi ta Bilgham. Kaʼa nda tsi mantsa: « Vra da Balak, ka mnanata ka ta gwaɗa mna gha yu, » kaʼa.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Lukwa 21:15

Iʼi, dzaʼa ndanaghunaktá tva gwaɗaha nda ɗifil ŋa ŋarapta ghuni ta ghumaha ghuni, ŋa trapta taŋ ta skwi ŋa mbəɗay.

1Kwa 11:23

Wya skwi tsuʼaf yu da Mgham *Yesu, ka taghaghunafta yu: Ta tsa rviɗik kəl lu ka vlatá Mgham Yesu ya ná, ka klaftá tsi ta buradi,

1Kwa 15:1

Zwana ma ɗa, ka havaghunak hava yu ta tsa *Lfiɗa Gwaɗa mnaghuna yu, ka tsuʼaftá kuni, ka ŋavatá kuni mida ya.

Vrafta ta zlahu 18:18

Dzaʼa klagap kla yu ta anabi manda kagha mataba la taŋ. Dzaʼa fanam fa yu ta gwaɗa ɗa ma wa ni ŋa mnay ni ta inda gwaɗa ya dzaʼa yu mnanafta.

Vrafta ta zlahu 5:31

Ama kagha Musa, nza nza ta vata iʼi ka mnaghafta yu ta inda gwaɗaha, nda zlahuha, nda tva skwiha ŋa magay ŋa taghanafta gha ta həŋ, ŋa magay taŋ ma tsa haɗik vlaŋ yu ta həŋ ŋa ŋa taŋ ya,” kaʼa.

1Sam 16:3

Ka hgadaghata ka ta Yisay da tsa vla za skwa zaya pla ghəŋ ya. Dzaʼa snagham sna yu ta skwi dzaʼa ka da magay. Ka pghanaghatá rɗi ka ŋa ɗa ta mndu dzaʼa ɗikwaghafta yu, » kaʼa.