Baɗ taŋtaŋa fitik nda ya baɗ mandəfáŋ, dzaʼa mamu kuni nda guyatá ghəŋ nda ghuɓa. Haɗ kuni dzaʼa magaŋtá slna dər ka kiʼa wa, ba skwi ya ŋa zay inda kaghuni dzaʼa kuni dá data.
Ka Musa nda həŋ mantsa: « Wya ka Yawe mnata: “Mahtsim fitika mbiʼa vgha, ka Sabat nda fa ŋa Yawe. Sulawa sula gita ta skwi ya kumaŋ kuni ta sulata, ka dadata kuni ta skwi ya kumaŋ kuni ta dadata. Pɗakwa ni ma vəl zay ghuni ya, ka fata kuni ha ŋa mahtsim,” » kaʼa.
Fitik mkuʼ dzaʼa kuni zata ta maga slnaha ghuni, ama baɗ mandəfáŋa fitik ya, mbiʼapta ghuni ta vgha, ŋa mbiʼapta slaha ghuni, nda kəɗihha ghuni ta vgha, ŋa hlapta zwana kurɗuha ghuni, nda matbayha ta hafu.
Mkuʼ fitik ŋa maga slna. Ama baɗ mandəfáŋ ta nzakway ka Sabat, fitika mbiʼa vgha dar dar tsaya, nda fa ka ŋa Yawe. Ka magaŋ maga mndu ta slna baɗ Sabat katsi, dzaʼa dza dza lu ta tsa mndu ya.
Ma fitik mkuʼ, dzaʼa ksay lu ta slna. Ama baɗ mandəfáŋ ya, Sabat, fitika mbiʼa vgha dar dar tsaya, dzaʼa mamu guyatá ghəŋ nda ghuɓa. Haɗ sana slna dzaʼa mag lu baɗ tsa fitik ya wa. Dzaʼa nzakway tsa Sabat ya ŋa Yawe dər ma vli ga dzaʼa nzata kuni.
