Sabi 34:7 - Hdi

⁷ Ta maray yu ta zɗaku ŋa mnduha ha ta zivir dəmbuʼ. Ta plana pla yu ta krughuvi ta maga mndu, nda dmakwa bisibisi, nda dmakuha. Ama mndu ksaf dmaku ná, mna a yu kazlay flaʼu vgha gha kəʼa wa. Ta ghuzlanap ghuzla yu ta iri ta zwani, nda zighiha ta ghəŋa dmakwa dadaha taŋ, ha ka lab ta zigha ndindliŋ, ka ta zigha papah a tsi, » kaʼa.

Sabi 34:7 Mawu Ofanana

Zlrafta 19:16

Mbaɗa Lut ka laghu da gərɗa vgha. Lagha tsa mnduha ya ka ksafta ta dzvu, mantsa ya markwa taŋ nda tsa kwagha ni his ya, ka kligiŋtá həŋ diʼiŋ nda luwa, kabga tawa tawa Yawe ta hiɗahiɗa tida.

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

1Mgh 8:32

ka snagata ka daga ta luwa Yawe, ka maga ka ta slna gha, ka tsanaghata ka ta guma ta kwalvaha gha. Ka tsanaghata ka ta guma ta mnda dmaku, vranaf vra ta dmakwa ni ta ghəŋa ni. Mndu tɗukwa ya guli ná, ka maraŋta lu ta tsatsi ka mndu kul haɗ dmakwa ni, ka vranamta lu ta skwi taɓta nzakwa ni tɗukwa.

2Rus 30:9

Ka vragagha vra kuni da Yawe, dzaʼa nzakway zwana ma ghuni nda zwana ghuni ka skwa hiɗahiɗa da gwal si ta hlaghatá həŋ, ŋa vrakta taŋ ta na haɗik na. Yawe, Lazglafta ghuni ná, dagala zɗakatahuɗi nda hiɗahiɗa da tsi. Ka vrak vra kuni da tsi, haɗ dzaʼa klaghutá ghəŋ wu, » ka həŋ.

Nəhemiya 1:5

ka yu mantsa: « Kdəkkdək, Yawe, Lazglafta ta luwa, Lazglafta dagala, ta malaghutá mbraku, ta ŋanatá dzratá wi, ta maga zɗaku ŋa gwal ta ɗvuta kagha, gwal ta ŋanata zlahuha gha!

Nəhemiya 9:32

« Lazglafta ŋni, kagha Lazglafta dagala, ta mbruta, makwitkwit ka, ta ŋana ŋa ka kahwathwata ta dzratá wa gha nda zɗakwa gha ŋa ŋni. Ndanana ná, ma nghə ka ka skwi kwitikw ta inda ghuya ɗaŋwa ya ta gruŋnusta nda mghamha ŋni, nda maliha ŋni, nda gwal ta draŋnatá skwi ŋa Lazglafta, nda anabiha ŋni, nda dzidzíha ŋni, nda inda mnduha gha, zlrafta ta fitika mghamha Asur ha ka sagha ta na fitik na.

Sabi 23:21

Ka fanata kuni ta sləməŋ, ka sna kuni ta gwaɗa ni. Yaha kuni da təŋanaftá ghəŋ, ya haɗ dzaʼa plaghunatá dmakwa ghuni wu, kabga mamu hga ɗa ma tsatsi.

Sabi 23:7

Diʼiŋaghuwa diʼiŋa nda gwaɗa ka tsakalawi. Ma dza kuni ta mndu kul haɗ dmakwa ni, ka tɗukwa mndu a tsi, kabga kləta a yu ka tɗukwa mndu ta mndu ta ga dmaku wa.

Sabi 33:19

Ka Yawe mantsa: « Dzaʼa lab la yu ta kəma gha, ŋa maraghaŋta ɗa ta inda zɗakwa ɗa, dzaʼa mnigiŋ mna yu ta hga ɗa ka “Yawe.” Dzaʼa zɗanaŋ zɗa yu ta huɗi ta mndu ta kum yu ta zɗanaŋta huɗi. Dzaʼa tawa tawa yu ta hiɗahiɗa ta mndu, ya ta kum yu ta tawata hiɗahiɗa tida.

Sabi 34:9

Kaʼa mantsa: « Rvera ɗa, ka si zɗəgagha zɗa yu, kdəkkdək, sawi da da taba ŋni. Nda sna yu kazlay təŋ təŋa ghəŋa tsa mnduha ya kəʼa má mndani, ama plaŋna pla ta krughuviha ŋni, nda dmakuha ŋni, ka tsuʼaf tsuʼa ta aŋni ka mnduha gha, » kaʼa.

Danyel 9:4

Ka mag yu ta duʼa da Yawe, Lazglafta ɗa, ka mnanaŋtá yu ta dmakuha ŋni, ka yu mantsa: « Ar Mgham Lazglafta, dagala ka, ka makwitkwit ka, ta ŋanata dzratá wi nda zɗaku, nda gwal ya ta ɗvutá kagha, nda gwal ta ŋanatá zlahuha gha:

Danyel 9:9

Kuravagha kura ŋni, Mgham Lazglafta ŋni. Kulam nda tsa, ta plaŋna pla ka ta dmakwa ŋni ma tawa hiɗahiɗa gha.

Mata 12:31

Tsaya ta kəl yu ka mnaghunata kazlay: Inda dmaku ta gə mndu, nda rutsak ya ta pghə tsi ta Lazglafta ná, dzaʼa plinis pla lu ta həŋ. Ama mndu ta vzaftá rutsak ta Sulkum nda ghuɓa ná, haɗ lu dzaʼa plinistá dmakwa ni wa.

Mata 6:12

Plaŋna pla ta dmakuha ŋni, manda ya ta plinista aŋni ta dmakwa gwal ta magaŋnata.

Lukwa 7:42

Ka traptá həŋ ta palata kabga haɗ skwi da həŋ prək ka palata taŋ wa. Ka zlanaŋtá tsi ta tsa dməŋ ya ta həŋ his his. Wati mataba tsa mnduha ya dzaʼa malaghuta ɗvutá tsa mndu ya, ka kagha ta gray na? » kaʼa.

Lukwa 7:48

« Nda pla inda dmakwa gha makwa ɗa » ka Yesu nda tsa marakw ya.

Slna gwal ghunay 13:38

Mantsa tama zwana ma, ɗina ka snaŋta ghuni kazlay: Əŋkaʼ a ka tsa Yesu ya kəl lu ka mnaghunaŋta nda pla dmakwa ghuni kəʼa. Trap tra zlaha Musa ta klaptá kaghuni ma tsa dmakwa ghuni ya.

Slna gwal ghunay 5:31

Tsatsi kapanaf Lazglafta ka Mgham ka fata nda ga zeghwa ni, ka mnda mba mndu, ŋa vla tvi ŋa mnduha la Israʼila ŋa mbəɗanafta taŋ ta nzakwa taŋ, ŋa mutsafta taŋ ta platá dmakwa taŋ.

Afisus 1:7

Nda usa ni varata tsi ta amu, amu gwal nda ndiʼa nda tsi, ka plimistá tsi ta dmakuha mu. Mantsa ya maramaŋta Lazglafta ta glakwa zɗakatahuɗa ni.

Afisus 4:32

Ŋərma skwi ká kuni magay mataba ghuni, nzawa nza nda tawa hiɗahiɗa, pluvuswa dmakuha ghuni, manda va ya plaghuna Lazglafta ta dmakuha ghuni nda ma Kristi ya.

Vrafta ta zlahu 32:35

Iʼi dzaʼa planamtá mndu, iʼi dzaʼa vranamta, ma fitika tsəhiŋta skwi ta səla taŋ, kabga ndusak ndusa fitika slanaghata ɓadzaku ta həŋ, dzaʼa gi sagha sa skwi ya payaf lu ta ghəŋa taŋ. »

Vrafta ta zlahu 7:10

Ama ta gi vranam vra Lazglafta da kuma ni ta mndu ta husaŋta, ka zaɗanata. Haɗ ta gərɗaku ka planamtá mndu ya ta husaŋtá wu, ta gi vranam vra da kuma ni.

Vrafta ta zlahu 7:9

Grafwa gra kazlay Yawe, Lazglafta ghuni ná, tsatsi turtukwa ni Lazglafta kəʼa. Ta ŋana ŋa dar ta dzratá wa ni nda zɗakwa ni, ŋa inda gwal ta ɗvuta, ta ŋanatá zlahuha ni, ha ka lagha ta zivir dəmbuʼ.

Hebru 12:29

Lazglafta mu ná, vu ta zaɗanatá skwi ya.

Yəhusuwa 24:19

Ka Yəhusuwa nda mnduha mantsa: « Laviŋta a kuni ta maganatá slna ta Yawe wa. Tsatsi ná, Lazglafta nda ghuɓa ya. Tsatsi ná, Lazglafta ta draku ya. Haɗ dzaʼa pliŋtá dmakwa ɓlanapta ghuni ta zlahuha ni, nda dmakuha ghuni wa.

1 Yuhwana 1:9

Ala ka si mnigiŋ mna mu ta dmakwa mu nda wa mu katsi, dzaʼa plimispla Lazglafta ta dmakwa mu, ŋa ghuɓiŋta ni ta inda dmakwa mu, ŋa nzakwa mu tsuweɗek ta kəma ni, kabga tsatsi Lazglafta tɗukwa. Skwi mna tsi ta maga maga manda va tsaya.

Suna Yuhwana 20:15

Ka slanagha a lu ta vindatá ta hga dər wati ma mndu ma tsa deftera hafu ya wu katsi, dzaʼa klaf kla lu ta tsa mndu ya ka vzaghata da duda vu.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.