Sabi 34:6 - Hdi

⁶ Ka lab Yawe ta kəma Musa. Kaʼa nda lwi dagala dagala mantsa: « Iʼi Yawe! Iʼi Yawe! Lazglafta ta tawa hiɗahiɗa, ta zɗakatahuɗi, haɗ ta ɓasa ŋuɗufa misimmisim wu, dagala zɗaku da tsi, ŋərma ya katakata.

Sabi 34:6 Mawu Ofanana

Zlrafta 24:27

kaʼa mantsa: « Glaku na ŋa Yawe! Lazglafta daŋahəga ɗa Abraham, ta kwal kul tsanaptá nzaku tɗukwa, nda maga zɗaku ŋa daŋahəga ɗa. Ka kla Yawe ta səla ɗa da həga ga zwana ma ni ma daŋahəga ɗa, » kaʼa.

2Sam 24:14

Ka Dawuda nda Gat mantsa: « Nda kəɓa yu katakata. Kay, ta dər zləmbamta mu ma dzva Yawe, kabga dagala tawa hiɗahiɗa da tsi. Ama yaha yu zləmbamta ma dzva mnduha, » kaʼa.

1Mgh 19:11

Ka Yawe mantsa: « Sab sa ka sladata ka ta ghwá ta kəma Yawe, dzaʼa lab la Yawe! » kaʼa. Mbaɗa falak ta malaghutá mbraku ka vyaku katakata ta kəma Yawe, ka tatanaptá ghwáha, ka paslanaptá kutumbaha, ama haɗ Yawe ma tsa falak ya wa. Tahula laghwa tsa falak ya, ka gigiɗavaftá haɗik, ama haɗ Yawe guli ma tsa gigɗakwa haɗik ya wa.

1Mgh 8:30

Fa fa ta sləməŋ ka sna tawa kwalva gha, nda ŋa mnduha gha la Israʼila, ta mag həŋ ta duʼa nda təv na vli na! Daga ma vli ta nzakw ka ta nzakwa gha, daga ta luwa, tsuʼaŋnaf tsuʼa ta duʼa ŋni, plaŋnaha ka ta dmakwa ŋni!

2Rus 30:9

Ka vragagha vra kuni da Yawe, dzaʼa nzakway zwana ma ghuni nda zwana ghuni ka skwa hiɗahiɗa da gwal si ta hlaghatá həŋ, ŋa vrakta taŋ ta na haɗik na. Yawe, Lazglafta ghuni ná, dagala zɗakatahuɗi nda hiɗahiɗa da tsi. Ka vrak vra kuni da tsi, haɗ dzaʼa klaghutá ghəŋ wu, » ka həŋ.

Nəhemiya 9:17

Ka kwalaghutá həŋ ta snata, havak a həŋ ta mazəmzəmha gha ta maganatá həŋ wa. Ka təŋanaftá həŋ ta ghəŋ, ka fatá mgham ŋa vru da ga vuʼa taŋ ma Masar. Ama kagha, zlanava a ka ta həŋ wu, kabga Lazglafta ta pla dmaku ka, ta magay ka ta zɗakatahuɗi, nda tawa hiɗahiɗa. Zlah ta ɓasa ka ta ŋuɗuf, dagala zɗakwa gha, wuɗiŋ a ka ta həŋ,

Sabi 20:5

Ma tsəlɓu ka ta tsəlɓu ŋa tsa skwiha ya, ma vlə ka ta glaku ŋa taŋ, kabga iʼi Yawe, Lazglafta gha ná, Lazglafta ta draku yu. Ta ghuzlanaptá iri ta zwani dabga dmakwa dadaha taŋ, ha ka lab ta zigha ndindliŋ, ka zigha papah a tsi, ŋa gwal husaŋ yu ta həŋ.

Sabi 22:27

Ma raz kuni ta Lazglafta, ma ksiʼi kuni ta mndu ka mali ta ghəŋa mnduha ghuni.

Sabi 33:19

Ka Yawe mantsa: « Dzaʼa lab la yu ta kəma gha, ŋa maraghaŋta ɗa ta inda zɗakwa ɗa, dzaʼa mnigiŋ mna yu ta hga ɗa ka “Yawe.” Dzaʼa zɗanaŋ zɗa yu ta huɗi ta mndu ta kum yu ta zɗanaŋta huɗi. Dzaʼa tawa tawa yu ta hiɗahiɗa ta mndu, ya ta kum yu ta tawata hiɗahiɗa tida.

Yunusa 4:2

Ka mag tsi ta duʼa da Yawe, kaʼa mantsa: « Ar Yawe! Nana na a na mnə yu ma nzakwa ɗa tata haɗika ɗa ya kay rki? Tsaya si kəl yu ka kuma hwayaghuta da Tarsis, kabga nda sna yu kazlay kagha ná, Lazglafta ta maga zɗakatahuɗi ka, ta tawa hiɗahiɗa ka, haɗ ka ta ga sidi misimmisim wu kəʼa. Dagala zɗaku da kagha, ta zlaŋ zla ka ta zaɗaku si dzaʼa ka da magay.

Mbsak 12:8

Kuma nda kuma ta gwaɗa yu ta gwaɗa nda tsi, baŋluwa, ŋa uwalay nda uwala a wu, nda ngha ta tsatá Yawe. Waká kuni kuratá raza kwalva ɗa Musa na? » kaʼa.

Yuhwana 1:17

Nda ma dzva Musa vlata Lazglafta ta zlahu, ka sagha zɗakatahuɗi nda kahwathwata nda da *Yesu *Kristi.

La Ruma 2:4

Lazglafta ná, dagala zɗaku da tsi, dagala ksa ŋuɗuf da tsi, ghudza a nda ghudza ta skwi wa. Ta gagə nda gaga kagha tama rki? Ari sna a wa kagha kazlay: Tsa zɗakwa Lazglafta ya ta tiŋwa kagha ŋa mbəɗanafta gha ta nzakwa gha kəʼa ka na?

Vrafta ta zlahu 32:3

Dzaʼa tay yu ta hga Yawe. Vlawa glaku ŋa Lazglafta mu!

Vrafta ta zlahu 4:31

Yawe, Lazglafta ghuni ná, Lazglafta tawa hiɗahiɗa ya. Zlaghunata a wu, zaɗaghunata a wu, zanapta a ta dzratá wa ni hbaf tsi nda waɗu nda dzidzíha ghuni wa. »

Vrafta ta zlahu 5:10

Ama ta maranaŋ mara yu ta zɗakwa ɗa ha ka lab ta dəmbuʼata zighiha ta gwal ta ɗvuta iʼi, ta sna zlahuha ɗa.

Yakubu 5:11

Nda tfa wi ta ghəŋa ghuni ka aŋni ta mnay nda gwal ta ghuya ɗaŋwa nda ksa ŋuɗuf. Sniŋ sna kuni ta mna gwaɗa ta ksatá ŋuɗufa Ayuba, nda ngha kuni ta kɗavakta skwi ya vlaŋ Mgham Lazglafta. Lazglafta ná, dagala tawa hiɗahiɗa nda zɗaku da tsi.