Sabi 34:15 - Hdi

¹⁵ Ma dzraf kuni ta wi nda mnduha ma tsa haɗik ya. Hahəŋ ná, ta maga sliʼiŋsliʼiŋ həŋ nda ma tsəlɓu ŋa lazglaftaha taŋ. Ta pla ghəŋ həŋ ŋa lazglaftaha taŋ guli. Kawayaka skwi dzaʼa hga gha hga sana mndu mataba taŋ, dzaʼa zuza ka ta skwa pla ghəŋa taŋ.

Sabi 34:15 Mawu Ofanana

1Rus 5:25

Ama ka dmanatá həŋ ta Lazglafta dzidzíha taŋ, ka mag həŋ ta sliʼiŋsliʼiŋ nda lazglaftaha mnduha tsa haɗik zaɗana Lazglafta ta wa ira taŋ ya.

Izra 6:9

Ka vla kuni ŋa taŋ ta ma makwa slaha, nda maŋazakha, nda slaɓalakwa tuwakha ŋa dray tsuh tsuh ŋa Lazglafta ta luwa. Ka vlaŋta kuni guli ta alkama, nda slughul, nda ima inabi, nda rɗi ta həŋ. Ka vla kuni inda fitik ta skwi ya nda ra dzaʼa ɗawaŋta gwal dra skwi ŋa Lazglafta ma Ursalima, yaha kuni da sɗa həŋ.

Izra 9:12

Yaha kuni da vla kwagha ghuni ŋa zwana taŋ, yaha kaghuni guli da kla kwagha taŋ ŋa zwana ghuni. Yaha kuni walaŋta kataŋtá həŋ ŋa katafta taŋ ta ghəŋa taŋ, nda ya ŋa nzata taŋ nda zɗaku. Tsaya tama ná, dzaʼa mutsay kuni ta mbraku, ŋa zay ghuni ta skwi zɗa zɗa ta tsa haɗik ya. Ŋa zay zivira ghuni ta həga ni ŋa ɗekɗek.”

Sabi 22:19

Dər wati ma mndu ta planatá ghəŋ ta sanlaha ma lazglaftaha, ka ŋa Yawe turtukwa ni a tsi wu ná, dzaʼa zaɗana zaɗa lu.

Sabi 22:20

Yaha kuni da tsaghutá mayəm ta nzaku mataba ghuni, yaha kuni da ganap tiri ta həŋ, kabga si ta ga mayəm kaghuni guli ta haɗika Masar.

Sabi 23:32

Yaha kuni da dzraftá wi nda həŋ, dər nda lazglaftaha taŋ.

Sabi 32:8

Gi misimmisim, zluŋ zla həŋ ta tvi ya mnanaf yu ta həŋ. Ka slraftá həŋ ta mamakwa sla ŋa ghəŋa taŋ nda kfur nwap lu, ka tsəlɓu ta kəma ni, ka pla ghəŋ ŋa ni. Ka həŋ mantsa: “Israʼila, wana lazglaftaha gha ta hlagaghunapta ma haɗika masar,” ka həŋ. »

Sabi 34:10

Ka Yawe nda Musa mantsa: « Wana yu ta dzrafta wi nda kaghuni. Ta kəma inda mnduha gha dzaʼa magata yu ta skwa ndraʼuway ya ta kul walaŋtá lu ta magata ta ghəŋa haɗik tender, dər mataba mndəra wati ma mndu. Dzaʼa nda ngha inda mnduha ta waghunafta ta slna iʼi Yawe. Skwi ya dzaʼa yu magata nda ghuni ná, skwa ga zləŋ ŋa mndu ya.

Sabi 34:12

Ɗasuwa ká kuni, yaha kuni da dzra wi nda mnduha ma tsa haɗik dzaʼa lam kuni dida ya, dá nzakw həŋ ka dəɓəl ka ŋa ghuni.

La Levi 17:7

Haɗ həŋ dzaʼa pləgəltá ghəŋ ŋa skwa wuyay, tsa tsaf həŋ manda ɗaslakwa tsatá dugzumha ta mag həŋ ta sliʼiŋsliʼiŋ nda tsi ya wa. Tsaya tva skwi ŋa magay taŋ ŋa ɗekɗek ha ma zivir ma zivira taŋ.

Mbsak 15:39

Dzaʼa nzakway tsa bazama ya ka havu. Inda nghaŋta ghuni ya, dzaʼa havak hava kuni ta inda zlahuha Yawe, dzaʼa sna sna kuni, ŋa kwala ghuni maga skwi ta kum ŋuɗufa ghuni, nda ira ghuni ya dzaʼa kla kaghuni da maga sliʼiŋsliʼiŋ.

Mbsak 25:1

Ka nzatá la Israʼila ma Sitim, ka zlraftá mnduha ta maga sliʼiŋsliʼiŋ nda kwagha la Muwav.

Mbsak 25:2

Ka hag tsa kuʼaha ya ta la Israʼila da vla pla ghəŋa taŋ ŋa lazglaftaha taŋ. Ka zə la Israʼila ta tsa skwa pla ghəŋ ŋa lazglaftaha taŋ ya. Ka tsəlɓu həŋ ta tsəlɓu ŋa lazglaftaha taŋ.

Slna gwal ghunay 15:20

Skwi ŋa vindanaftá həŋ na: Zlaŋta taŋ ta wuya skwi, nda hliri, nda za skwi ɓərtá lu nda ɓərta, nda za us, kabga

1Kwa 10:27

Ka hgaghuna hga mndu kul snaŋtá Lazglafta ŋa za skwi, ka snata kuni katsi, zawa za ta inda skwi dzaʼa vlaghunata tsi, ma walaŋ kuni ta ɗawutá vli ta ghəŋa ni, ma ndananagha kuni ta sana ndanu ta ghəŋa ni.

1Kwa 8:10

Tsa lagha mndu kul mbraku ma zlghay nda ŋuɗuf ka nghaŋtá kagha nda « sna ta skwi » ya kay, ta nzaku ma həga skwa wuyay ta za sluʼa skwa wuyay katsi ní, haɗ tsatsi dzaʼa mnay: Ka za iʼi guli kəʼa ra?

1Kwa 8:4

Ta ghəŋa skwi ta nghanatá za sluʼa skwa wuyay, wya tsi: nda sna amu skwi ka bətbət na skwa wuyay ma ghəŋa haɗik kəʼa. Turtuktuk Lazglafta guli.

1Kwa 8:7

Dər nda sna amu kazlay: Haɗ hafu ma skwa wuyay wu kəʼa ná, sna a sanlaha mantsa ya wa. Ta zə həŋ ta sluʼa skwa wuyay ná, manda va skwi mamu hafu ma tsa skwa wuyay ya ka həŋ ta ndanay, kabga snu sna həŋ nda skwa wuyay. Ta mutsa a mbrakwa taŋ ma zlghay nda ŋuɗuf wu, ŋriŋnis ŋəra na sluʼi zu ŋni na ka həŋ ta ndanay.

Vrafta ta zlahu 31:16

Ka Yawe nda Musa mantsa: « Wana ndusa ka ka dzaʼa slanaghatá dzidzíha gha. Tahula mtatá kagha, dzaʼa sliʼaf sliʼa na mnduha na ka laghwi da maga sliʼiŋsliʼiŋ nda sanlaha ma lazglaftaha ka mayəm, tsaha ta haɗik dzaʼa lam həŋ dida ya. Dzaʼa zliɗiva zla həŋ ka ɓliŋta dzratá wa ɗa ya dzraf yu nda həŋ.

Vrafta ta zlahu 31:18

Baɗ tsaya, dzaʼa kɗaŋ kɗa yu ta ɗifa kəma ɗa, dabga inda tsa ghwaɗaka skwi maga həŋ nda ma mbəɗaghuta taŋ ta vgha təv sanlaha ma lazglaftaha ya.

Vrafta ta zlahu 32:37

Kaʼa dzaʼazlay mantsa: « Ga lazglaftaha taŋ, tsa kutumba taŋ si ta kəl həŋ ka ɗifa ya?

Vrafta ta zlahu 32:38

Ga tsa gwal si ta za ghwaviɗa skwa pla ghəŋa taŋ, ka sa ima inabi ta slranata həŋ ya? Ka sliʼaf sliʼa həŋ tama ɓa, kata kaghuni, ka nzakwa həŋ ka vla ɗifa ghuni!

Vrafta ta zlahu 7:2

Dzaʼa vlaghuna vla Yawe, Lazglafta ghuni ta həŋ ma dzva ghuni, ŋa kwarafta ghuni ta həŋ, ka zaɗanata kuni ta həŋ tuzluzl. Ma dzrə kuni ta wi nda həŋ, ma zɗanaŋ kuni ta huɗi ta həŋ.

Vrafta ta zlahu 7:3

Ma kluvus kuni ta makwa mataba ghuni nda həŋ. Ma vlaŋ kuni ta kwagha ghuni ta zwana taŋ, ma klanaf kuni ta kwagha taŋ ka marakw ta zwana ghuni,

Yəhusuwa 23:12

Ama ka vraghu vra kuni nda hul, ka laghu da ndiʼaftá vgha nda na mndəra mnduha ta nzaku ma səla ghuni na, ka dzrafta ghuni ta kluvtá makwa mataba ghuni, ka laɓamta ghuni ta vgha, kaghuni nda hahəŋ katsi,

Suna Yuhwana 2:20

Ama mamu skwi ya ta dvaghaghata yu ta ghəŋa ni. Zlanaŋ zla ka ta tvi ta sana marakw ta hgə lu ka Zizabel, ta mnay kazlay: Mnda kla lwa Lazglafta yu kəʼa ya. Mbaɗa kəʼa ka tagha tsakalawi, ka nanaghatá gwal ta ksihata slna ɗa da maga sliʼiŋsliʼiŋ, nda ya da za sluʼa skwa wuyay.

Gwal tsa guma 2:17

Ama haɗ həŋ ta fanatá sləməŋ ta dər gwal tsanatá guma ta həŋ wu, kabga ta maga sliʼiŋ sliʼiŋ həŋ nda ma tsəlɓanatá tsəlɓu ta sanlaha ma lazglaftaha. Ta gi tsughwaɗaghu tsughwaɗa həŋ ta tvi ya si ksaf dzidzíha taŋ. Haɗ həŋ ta sna zlaha Yawe manda ŋa taŋ wa.

Gwal tsa guma 3:6

Ka hlaftá həŋ ta kwagha tsa mnduha ya ka miʼa taŋ, ka vlatá hahəŋ ta kwagha taŋ ŋa zwana tsa mnduha ya, ka tsəlɓu həŋ ta tsəlɓu ŋa lazglaftaha taŋ.