Sabi 34:13 - Hdi

¹³ Katək ná, ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ.

Sabi 34:13 Mawu Ofanana

1Mgh 14:15

Dzaʼa zlghuŋ zlgha Yawe ta la Israʼila ŋa nzakwa ni manda gagaɗak ta gigiɗaku ma imi. Dzaʼa rtiŋ rta ta la Israʼila ta tsa ɗinakwa haɗik si vlaŋ tsi ta dzidzíha taŋ ya, ka wutsiŋta ni ta həŋ ta sana ɓla zala Yufratis, kabga gufanafta taŋ ta ŋuɗuf ta Yawe nda ma tsatsafta taŋ ta skwa wuyay Asera.

2Mgh 10:27

Ka dzaɓanaptá həŋ ta tsa pala dzugwa lu ya, ka pəsliŋtá həŋ ta tsa həga Baghal ya, ka niŋta ka dra ha gita.

2Mgh 18:4

Tsatsi ta hliŋtá vliha tskal tskala, ɓaliŋha ta dzagwatá palaha, ghwadiŋha ta skwa wuyayha Asera, dzaɓiŋha ta nahaɗika ghuva tili si magaf Musa ya, kabga ta dray la Israʼila ta urdi ŋa dray nda dra ta kəma ni ha ka lagha ta tsa fitik ya. Nəhustaŋ, ka lu ta hgay.

2Mgh 23:14

Ka ɓalanaptá tsi ta tsatsatá skwiha dgum dguma, ɗaɗatsiŋha ta skwiha wuyay Asera, ka ndaghanaftá tsi ta tsa vli si nza tsi ya nda ghudzifa mnduha.

2Rus 14:3

Kaʼa nda la Yuda mantsa: « Zbawa zba ta ndana Yawe, Lazglafta dzidzíha ghuni, ka ksa kuni ta slna nda gwaɗa ni nda ya nda zlahuha ni, » kaʼa.

2Rus 15:16

Ka kliŋtá mgham Asa ta midza ni Maghaha markwa mgham ma nzakwa ni ka markwa mgham, kabga vəl magafta ni ta skwa wuyay Asera ta vla hula ŋa mndu. Ka hliŋtá Asa ta skwa wuyay ni, ka nanafta ka gninika haɗik, ka driŋta ta wa lika Kidruŋ.

2Rus 17:6

Ka laghu ŋuɗufa ni suh da ksa tva Yawe, ka hliŋtá tsi guli ta vliha tskal tskala nda skwa wuyayha Asera ta haɗika la Yuda.

2Rus 24:18

Ka zlanavatá həŋ ta həga Yawe, Lazglafta dzidzíha taŋ, ka laghwi da maganatá slna ta skwa wuyay Asera nda skwa wuyayha. Ka gufaftá ŋuɗufa Yawe ta ghəŋa la Yuda nda la Ursalima, dabga tsa dmaku ga həŋ ya.

2Rus 31:1

Manda kɗiŋta lu ta tsa skalu ya, ka sliʼaftá la Israʼila si hada demdem, ka laghwi da luwaha la Yuda, ka dzaɓiŋtá həŋ ta dzagwatá palaha, ɓaliŋha həŋ ta skwa wuyayha Asera, ka zlazliŋta tesneʼ ta vliha skwa wuyay tskal tskala, nda gwirha ma inda luwaha la Yuda, nda la Biŋyamiŋ, mantsa ya da la Ifrayim, nda la Mənase. Tahula dzaɓiŋta inda la Israʼila nekwnekw, ka vraghutá həŋ da luwaha taŋ, dər wa ta haɗika za həga ni.

2Rus 33:19

Ndəɓa dzva ni, nda ya ká Lazglafta tsuʼanaftá tawa ni, inda dmakuha ni nda ghwaɗaka skwiha maga tsi, nda vliha ya babaf tsi ta vliha tskal tskala, nda dzagwatá skwa wuyayha Asera, nda tsatsatá skwa wuyayha makəɗ tsi ka hanaganatá ghəŋ ná, nda vivinda ma ɗelewera Huzay.

Sabi 23:24

Yaha kuni da tsəlɓu ŋa lazglaftaha taŋ, dər maganatá slna ta həŋ. Yaha kuni da maga mndərga skwiha ta mag həŋ. Ama ka hwanzaɓiŋta kuni ta tsa lazglaftaha taŋ ya, dzaɓiŋha kuni ta tsa palaha dzagwa həŋ ya.

Mbsak 33:52

ka ghəzliŋta kuni ta kəma ghuni ta inda mnduha ta tsa haɗik ya. Ka dzaɓiŋta kuni ta inda skwa wuyay taŋ fifiɗaf həŋ, nda inda skwa wuyay taŋ ka kfur nwap lu nda nwa. Ka dzaɓiŋta kuni ta inda vliha skwa wuyay taŋ tskal tskala ya.

Vrafta ta zlahu 16:21

« Yaha kuni dzugwata udza Asera ta vata gwir dzaʼa maganafta kuni ta Yawe, Lazglafta ghuni.

Vrafta ta zlahu 16:22

Yaha kuni dzugwatá pala ka skwa wuyay ta husaŋtá Yawe, Lazglafta ghuni ya. »

Vrafta ta zlahu 7:5

Katək ná, wya skwi dzaʼa kuni maganatá mndəra tsa mnduha ya. Ka zlazliŋta kuni ta gwirha taŋ, ka pasliŋta kuni ta dzugwatá palaha skwa wuyay taŋ, ka ghwadiŋta kuni ta udzuha Asera skwa wuyay taŋ, ka dariŋta kuni ta tsatsatá skwa wuyayha taŋ,

Gwal tsa guma 2:2

Kaghuni, haɗ kuni dzaʼa dzraftá wi nda mnduha ma tsa haɗik ya wa. Ka dzaɓiŋta kuni ta gwirha taŋ,” ka yu. Ama ka kwalaghutá kuni ta snatá gwaɗa ɗa. Nahgani tsa maga kuni!

Gwal tsa guma 6:25

Ta tsa rviɗik ya, ka Yawe nda Gidghuŋ mantsa: « Klaf kla ta mamakwa lghəŋa da gha, nda sana lghəŋ ndəfáŋ viŋa ni ŋa mahisa ni. Ka tasiŋta ka ta gwira Baghala da gha, zləmbiŋ ka ta udza Asera ta vata ni ya.

Gwal tsa guma 6:26

Tahula tsa, ka bafta ka ta bɗəma tsa kuɗuŋur ya ta gwir ta raku ŋa Yawe, Lazglafta gha. Ka klafta ka ta tsa mahisa lghəŋ ya, ka vlata ka ŋa pla ghəŋ ŋa dray tsuh tsuh ta tsa udza Asera zləmbiŋ ka ya, » kaʼa.